Vital force(thlarau)

Group dangah post leh doc siam ka hrat bawk a. Tun tum chu kan Homoepathic chu8ngchang sawi ve thung teh ang, mahni zirlai a ni bawk a. Phai ka chhuk hlima he subject kan tuiloh dan te, hmanni ah ka thianpa MBBS training lai ngeiin min nuihzat zia te, ka atheist thian pakhat-in scientific proof awmlo han zir mai chu'h min ti fo thi;. nangni, ni mailo, mi tam tak- hmun hrang hranga he subject zir , zirtur dang hriatloh avanga zir ve mai mai te, mahni tuina leh chakzawng pawh nilo, a tangkai zia kan hrelam pawh nilo, thenkhat chuan Doctor nih mawl ve tawp chak pawn he suject hi kanlo zir mai mai pawh a ni thei e. Mahse he subject turu zia leh rapthlak zia lam erawh haichhuah kan tum hauh silo a, alllopathy a ben(nuihzat) zia pawh hi hahip a sawi theih dan kanla hre lo zel bawk. Tun tum chu Homoepathy ka han fak vak teh ang, a rapthlak zia lam leh a spiritual zia mawlh hi...Mahse a bul ret atanga sawi a ngai dawn a, fb group dang ah pawh ka post tawhna chungin chipchiar tak pawn ziak ila, a pawi em em lo tur ah ngai ang...umm.

PATHIANIN MIHRING A SIAM DAN

Bible chik thin tan chuan Pathianin mihring a siam dan formula hi ho tak mai a ni a. CLass 12 pass ngat tawh kan ni bawk a, scientific term hmang ang aw. Mihring siam dan formula chu chemistry + Physics = Biology hi a ni e.

Chemistry= vaivut

Physics = Thaw

Biology = Minung

Gen 1 leh 2 ah chuan "Pathianin vaivut(chemistry)a hlum chu lain mihring a siam a, a hnar ah chuan nunna thaw(Physics) a thawlut a, tichuan mihring chu minung(biology) alo ni ta a" tih hi a ni. Tichuan Pathian vekin "huana thingrah zawng zawng hi inei thei..." a ti bawk a. Pathianin mihring tihve tur a agreement a sign pui zawng pawh "leilung hi luahkhat rawh u" tih hi a ni leh bawk. Khaikhawm ang aw..BCE 6000 liam tawha mihringte(adama leh evi) tih tur chu leilung luahkha, a awmzia chu immortal tur anni tih na a ni a. Immortal mihring, nitina an thihtheihlohna siamtu pui ber pakhat chu "theirah/thlai" an ring thin tih te hi ava ni. Chuan an taksa pawh a lianin an chak em em bawk ang tih a rintheih bawk. Mihring bawhchhiatna avanga eden huana knockout an nih hnu thleng khan thlai/theirah anla ring reng a, an kum pawh kum 1000 dawn lai laia upa theih anla ni zel bawk!

NATNA KAN KAI DAN

Eden huana Setana dawtsawi(deception)turu lutuk chu Evi hnena "in ei chuan in thi ang Pathianin a ti elaw, thi dawn nang le aw.." tih kha. Evi khan a bum tih a hre silo va, a ei a, a thi ta mai si a. Science lam atanga kan chik duh chuan Protein hmanga codon loin siam chhuakin DNA helix structure a terminate codon leh stoping codon an rawn siam ta hi a ni. He terminate codon hi Pathianin mihring a siamdan process ah khan a tel hauhlo a, Mihringin setana costody a duhna avanga a zuanluh- setana hrui hrual, Pathian lo kal leh hma zawnga awm tur, Paula'n "aw thihna khawnge i tur chu" a tih te, Isua vekin "thihna pa chu setana" ani a intih dan ah te khan kan thihna hi Setana costody a ni tih a hriat a. Tichuan thihna thlen nana hmanrua chu enge tih han ngaihtuahleh ta ila, natna(diseases) vang alo ni tih kan hreleh mai dawn a ni. Natna hi Pathian siam a nilo a, THIHNA thlen nana Setana hmanrua pakhat a ni e. A awmzia chu JOba chunga panhnai natna kha Pathian tih a nilo a, setana tih a nia. Dik tak zawk chuan Pathianin kan nat te, kan damloh te, kan thih te hi a phallo hliah hliah zawk a ni.

VITAL FORCE LEH THLARAU

Mihirng(nangmah/keimah) Pathianin a siam dan formula chu kan hriat vek tawh khi. Khita "thaw(physics)" tih lai tak khi Bible sawi dan en ang aw..

Thaw(Breath)= mei(fire),thli(wind) ,boruak(air),thlarau(spirit),rilru(mind)

... tih te a ni a. Hebrai tawng chuan "Ruach" tih an ni vek bawk. Ngatinge Juda ho hian hetianga "thaw" hi anlo sawi kual duah le kan ti mai thei. Juda ho mitthla danah chuan "thlarau" "thaw" "boruak"..adt zawng zawng hi "thil eng emaw, awm ngei, mahse hriat theih silo(somethings but exist)" tiin anlo ring daih tawh a. Chutak chu Greek zinga physician pakhat Hanemmana chuan trinity of life chu "body + mind + spirit(vital force)" a tih tak mai chu a ni. Vital force(thlarau/rilru) characters ah pawh "immaterial/spiritual" tih leh "inperceptible" a ti ve kher a nih kha.

Tichuan vital force chu "thaw/boruak/thlarau" a ni tih kan man tawh em ang chu maw. Vital force chu engvanga thaw/thlarau/boruak tih a nih kher hi ngaihtuah ngaileh ta chu a ni e. A property pakhat atang hian sawi mai ang aw..."Boruak(air)" hi! "Boruak" kan tih chuan science pawl 10 pass chin chuan air space a nih zia a hre nghal mai ang a. Chutah chuan oxygen, carbondioxide, hydrogen..adt a awm tih pawh a hre nghal mai bawk ang a. Chuan mihringin a hipluh thin pawimawh ber pakhat "oxygen", chumi chhunga oxygen atom, chumi chhunga proton leh electron in an vir hual nuclear, chumi kara scientific proof awmlo proton leh electron inkar space, electric field kan ti dawn nge, magnetic field zawk, nge gravitational field zawk..hemi space tak mai hi a nia, a ruak, engmah awmlo, mita hmuh theihloh, khawih theihloh, finfiah theihloh; Stephan Hawkins buaipui em em leh tunlai inhnialna nasa ber "light energy" , Metaphysics pawn "thlarau/thaw/boruak" chu "enegy" an tih mai chu ni ta ni. Chu chu Greek philosopher tam tak khan anlo hre daih tawh. Tihian sawi ta ila, Eden huana Pathianin mihringa nunna thaw a thawkluh chiah khan, keini hian energy mak tak kan nei ve nghal tihna a ni. A awmzia chu vital force kha!!!! Heta tang hian Bible in ramhuai te chu thlarau an ni a tih zia pawh kha kan va man fiah mai dawn a ni.

VAN HMUNA THLARAU SUAL

Chunglam ah khian kan sawi tawh khi maw. Natna hi Pathian siam a nilo a, setana leh demons ho thil tih a ni e tih kha. Paula chuan "kan buan te hi tisa(flesh) leh thisen(blood) an nilo, van hmuna thlarau(energy) sual te an ni zawk e" a ti a. Medical-in natna source a sawi reng rengin meteraric leh telluric hi a ni ngei ngei a. A awmzia chu atmospheric(electric field/magnetic field, wave, frequence...adt) leh substances(soil, minerals, charcoal, alluminium, potassiam...adt ) te hi an ni.

Heng chi hnih hi kan natna min siam saktu an nih chuan Bible-in Thlarau sual ho awmna a tih chu he khawvel(van 1leh 2-na) hi a nilo theilo ta a nih chu. Chuan an thawh dan pawh ENERGY chiah chiah a ni bawk a. chu "energy" chu Homoeopathic philosophy ah chuan "inimical force" kha an ni ta bawk. Tichuan kan natna reng reng hi kan vital force leh inimical force indona alo ni ta a...an loin balance loh veleh schizopherina, dual mind,split mind, addictive bahaviour, compulsive behaviour, abnormal cell growth, hormone overflow , vitamin deficiency ....adt reng reng hi "inimical force "hnathawh vek alo ni ta tihna a nih chu. Hemi avang hian kan natna tam tak hi keimahni a vital force awmsa hmang hian medicine ngai lovin kan hmet dam thei mai thin a, chung ho chu acute disease kan tih te kha an ni. Thenkhat, chronic disease ang te erawh "inimical force" turu takin kan vital force an hnehchhuh avangin an dam theilo ta thin a. Medicine kanlo mamawh phah ta bawk!

"RAMHMUL DAMDAWI HMANGTE U" MIN TI VEI MAW...

Eden huan bawhchhiatna kha awm talo se mihringin kan DNA automation turin Pathianin hnim/thlai/thei ring turin min tih kha maw. Chulo pawh Nova tuilet hma a milian leh chak tak takte chaw rinpui ber chu hnim/thllai/thei tho hi a ni a, an lian a, an chak bawk a nih kha. Kum sang Lalram, Isua alo kal leh hun pawn kan damna atana kan hman tur pawh kha "nunna thing" a nih kha. Allopathic medicine lam chu ni dah lo ve....Awle, ramhmul damdawi chak zia hi kanla man fiahlo mai mai zawk mai a, a processing turu tak hi ring ngam ila, ringhlello mai teh ang u.........

ATAWP KHAR ANG.......

Tunlai mi tam zawk hian Homoeopathy damdawi leh philosophy hi kan rauhsan nasa em em tawh hi a pawi ngawt mai. A valid zia leh a function vel kan hriatloh vang ani mai thei bawk a. Allopathy damdawi hmang tam tak te rawh chuan hei hi kan hre der lo- damdawi avanga thi an nih hi. Nia, Allopathy damdawi kan hman chuan heng damdawi a chemicals tam tak hian direct-in natna(diseases) an zu bei ta mai thin a. Chu chuan remove(tikiang/tibo) mai lovin a domain ta ringawt a. Vital force lam ngaihtuahloin chu natna chauh chu ngaihtuah a ni a. Taksa alo chakloh(tar hnu/upat hnu) ah erawh chuan chung natna tam tak te chu an rawn tho chhuak a, natna thuah nei(complex diseases) tunin an boral ta mai a ni. Entirnan, Pu Lala. Thihchhan= cancer, asthma, BP sang... Ummm, Homoeopathy ah ve erawh chuan kan taksa ral vengtu Immune system hi a lawm damdawi hian a va chawhthawh tak ber chu. Chuan mihring siam chawp mai mai nilovin, taksa ralvengtu chuan ama chakna ngeiin natna chu a bei ta thin a. Chu chu mihring tana Pathian duansa, thil hrisel leh duhawm ber, Enoka te dam rei chhan em em chu a ni. Nia, Atheist thian ten "Vital force, engmah awmlo, theory mai a ni" min tih san fo thin. Mahse room ruak, mi luahloh leh la hmanloh hi a ni lawm mi khawvela mihring ten kan inchuh buai hut hut hi. Chutiang chiah chuan Vital force hi a awm ngei tih a chiang a, a dik a, kan taksa ralvenna atana engkim a engkim, Pathian duansa a ni.