Thihhnu ah thlarau kal nul nul thei kan nei em?

Juda hoin thlarau hi an mitthla ngailoh zia chu messiah lo kal tur an haina chhan pawh hi a ni a. Mellinium hi an mitthlana dik tak chu spiritual a ni lo a, physical zawk a ni bawk a. Chuan eden huana Pathianin mihring a siam dan pawh "vaivut i ni" ti chung khan thi tur nilo, leilung hi luahkhat a, khawvel hi domain a, Pathian ang(Gr. base-lem) a thanglian turin a siam a nih kha. Mihring hi spiritual a nihloh zia a chiang em em a. Spiritual hmanga vanram kan kailoh tur zia pawh Pathian TISA(Hb. Psykhe) alo channa hian a sawi chiang em em mai a ni. Bible kan bih phei chuan Pathianin mihring a siam dan hi taksa + thlarau = minung tih hi a ni.

Taksa - Hei hi Pathianin mihring a siam lai khan a sawi chiang em em a. "Pathian chuan vaivuta 'hlum' chu lain..." tih a nih kha. Chu hlum ah chuan tuna soil minerals zawng zawng hi a awm kim biai ang tih ka ring niloin logic, rau level atanga teh kher ngailo pawn a chiang khawp mai. Pathianin Adama a hauh tum pawn, "vaivut i ni a, vaivut ah vek i kir leh tur a ni" a ti mai a ni kha.

Thlarau - Mizo tawng leh sap tawng hian a lehlin pawlh nasa lutuk hi kan buaina bul ber a ni. BC 3000, Babel buaina kal zelin a hrin, AD 40 bawr Paula hunlai a greek philosophy-in khawvel pum mai a hneh lai khan Platonism zirtirna ang tak..taksa + rilru + thlarau = minung tih a, thi ve ngailo “thlarau” an tih chu sap tawngin soul an ti a, mizo tawngin Joba taksa pan kai leiluai sawi nan "spirit" tiin an let leh daih thung si a. Chinfel a har em em tawh a. Setana counterfeit a nih mailoh chuan puh tur dik hriat a har em em tawh a ni.

Thlarau tih chu tawngdang ah chuan "thaw" a ni a. A dang leh ah chuan "mei" , "thli", "boruak", "rilru", "lungngai" tih te hi an ni duah hlawm.

Metaphysic kan keu chuan "thli, “boruak”, “thaw”, “thlarau" hi “energy” a ni leh mai a. Chuan tunah kan hmuhtheihloh kan bul vela leng kual vel mai mai boruak pawh hi energy kan tih mai piahlam a boruak kan ti ang chiah hian "THLARAU" an ni ve tihna a nih chu. Chuan "van hmuna thlarau sual ho" kan tih te chenna leh min trigger dan tur chu boruak kan hipluh atanga blood an siam dan te, blood chhunga DNA anlo trigger dan te, DNA chu centre of life control tu a nih dan te kan man uar uar thei tawh ang. Chuan mihringin "thlarau kal ka hmu" a tih chuan boruaka thlarau lo ding vu niloin a conscience trigger hmanga perception leh deduction mai a nih zia kan man tawh mai dawn a ni.

Thuhriltu 3:20 , Sam 22:19 , Joba 17:16 , Sam 146:4, Sam 104:29 ...adt te hi kan chhiar chuan  Pathianin mihring hi "thlarau i ni" a ti lo a, "vaivut” mai a nih zia a sawi chiang a sin. Bible ah hian kur leiluaiin a inziak a ni.

Tihian ti ila, Radio hi amahin a nung ngai lo a, a tawng ngai hek lo. Mahse a mahah battery kan vuah chuan current kha a capasitor atang alo luang chhuak a, energy lo insiamin Radio chu alo zai ta luah luah a, news hial kan lo ngai thla ta a nih kha. 

Radio hi minung a nilo a, energy pawh minung a nilo a, an pahnih inbelhbawm hi Greek hoin "chayaah nephesh" an lo tih chiah kha a ni a. Sap tawng chuan "living soul" hi a ni.

Mihring pawh hi a nihna dik tak chu vaivut mai a nia, amah tinungtu atan "thlarau/thaw/thli/mei/boruak" hi Pathianin a pe a ni. Tichuan energy a dawng tihna a nih chu. Chuan taksa chu alo nung ta chiah a, minung alo ni ta a ni. Taksa hi amahin minung a nilo a, thlarau pawh hi amahin minung a ni bik hek lo. An pahnih inbelhbawm hi minung dik tak chu a ni.

THLARAU VAK VEL HI A AWMLO

Bible hian mitthi chu a thih chuan pahnihah a inthen a ti thin- pakhat chu a taksa(body) hi a ni a. Chu chu lei vaivut ah a kir leh a ti a. Chuan thlarau(energy/spirit) pawh hi leiah vak vel ruai loin Pathian thlarau/energy kan hman hawh a ni a(Joba 32:8, Sam 104:28, Joba 34:14). Khawvela vakvel ruai loin Pathian hnehah a kir leh mai zawk dawn a ni(Thuhriltu 12:7)

THLARAU CHU ENGE NI TA ANG

Sawi tawh angin minung thlarau tak tak hi khawvelah a vakvel ruailoh tur zia chu Solomona'n a sawi chiang em em tawh a. Mahse tichung hian khawvel pum buaina thlarau(eg. Pu muan thlahrang/thlaru ka hmu tih ang te) hmu an la tam em em si hi a ni.

Khawvel hi thlarau a khat a nih zia chu "thaw", "boruak" leh "thlarau" inlaichinna atang kan hriat tawh khi- Pathian thlarau aka angels, ramhuai thlarau leh mihring a thlarau te hi an ni  a.

Heng zingah hian mihringa thlarau awm chhun ve chu thih ve leh Pathian hnenah a let daih mai dawn si a. Pathian vantirhkoh te an ni ti dawn ila pathian dan pela an chet a thiang bawk si lo. Ramhuai thlarau an nih loh vek chuan puh tur an awm thlawt lo a ni e. Ngati nge mihring ah hian mitthi te thlarau anga an lo lan chhan kher pawh Isau vekin setana chu "khawvel zawng zawng bumtu" a tih nen khan kan ngaihbello theilo bawk a.  Bible- ah hian a chiang hlei hlei!! Min control dan chu topic dang ah chiang zawka sawi lan a ni ang…