Kan pian hma kan hre lova, kan thih hnua kan awmdan tur pawh kan la hre lo. Awm leh tawh miah lo tura kan boral tur te hi a rapthlak! Hei vang hian kan damlai hun hi hrehawmin ninawm chang tam mah se thil tak tak kan hriat theihna awmchhun a ni a, dam hi thlakhleh tur. Hei lo nung dama Khawvel kan chen theihna hi a awm tawh dawn rêng rêng lo a. Hei lo mahnia ngaihtuahna kan hman theihna Khawvel hi a awm tawh dawn bawk hek lo!
.jpeg "Jean- Paul Satre") |
| Jean- Paul Sartre |
Hetiang ngaihdan hi thil chik mite mit aṭang pawhin a fiah hle a. Philosophy ṭawngkam takin 'Existentialism' tih a ni.
Philosopher hmasa ṭawngkam "existence precedes essence" thumal hi existentialist philosopher Jean-Paul Sartre khan a lo tuipui tawh ṭhin a. Sartre chuan mihringte hi a awm hmasa zet a, duhthlanna leh thiltih hmangin a nihna (essence) a tifiah a ni, tiin a sawi. Thinker dang Søren Kierkegaard, Friedrich Nietzsche leh Simone de Beauvoir te pawh he lamah hian hriat hlawh tak an ni.
.jpeg) |
| Søren Kierkegaard |
He ngaihdan hi zabi sawmhnih hun laihawl a France ram Indopui- 2 na hnu lama lo chhuak niin existentialism a an thû chai ber ṭhin a ni. Sartre-a ngaihdan hi 'essence precedes existence' tih ngaihdan nen hian khaikhin ṭhin a ni a, chu chu traditional philosophical view a ni. Entirnan, paper-cutter hian a awm hma essence a nei a, a chhan chu paper-cutter a ṭûlna chu siam a nih hmain a awm ngei ngei tur a ni.
A bulpui berah chuan tunlai Existentialism hian mimal zalenna, duhthlanna, khawvel buaithlak leh awm chhan tum mumal nei lo takah mi tinin mahni nihna awmzia neih a ṭul zia a ngai pawimawh hle a. Traditional existentialism ang lo takin, existence awmze nei lo leh a hrin theih beidawnna lam a chhui a, mimal nihna thuneihna chungchang thlirna a pe a ni. Mimal tinte chu kan awm chhan lama harsatna- existential dilemmas hmachhawn tur leh anmahni chanvo siamnaah nasa takin a fuih a ni.
.jpeg) |
| Friedrich Nietzsche |
Tun huna Existentialism in a thil ngaih pawimawh ber pakhat chu mimal mawhphurhna ngaih pawimawh a ni. Nitin khawtlang nunphung leh beiseinain min rawn khuahkhirh a tum rengna boruakah hian kan duhthlanna tak tak bânsan a, kawng ruat sa niloa tluk luh a awlsam hle a. Mahse, existentialist aṭang mihring awm chhan hlawhtlinna dik tak chu zalenna kan hriatthiamna leh duhthlannate huaisen taka pawmna aṭanga lo chhuak a ni tih a pawm nghet tlat a. Thutlukna tin hian kan nihna ber ril ber a siam a, mahni inhriatthiamna lam panna kawngah kan zinkawng a tichak a. Chu beihpui thlakna chu kan thil tawn atana thil pawimawh tak a lo ni a. Chumi hmang chuan kan lo ṭhanglian a, kan insiam thar thei bawk a ni.
.jpg)
