Thuhma
Hei hi Spiritual Condemntion siam tumna lam a ni lo va, kum 2000 chhung lo kui tiah tawh Christian theology tlânglâwn aṭanga fiah thei reng reng lo a ni a. Ṭhenkhat tân Thlarau nun a chawm lem lo mai thei. Tin, Pathian thu bu hian sawi tur a min duh leh Bible ziak chhan a nih hmel ber loh avangin Ringtu nawlpui(Layman) tân chaw hmuh tum luih vak a chi loh bawk ang. Nimahsela hriatna tihpun nân emaw zawhna awm ru reuh reuh ṭhin chhanna atân chuan a pawimawh hle mai thei.
Mee-kha-El Vs Lucifer
A hmasa berin Lucifer, Setana, Rul(Serpent), Dragon, tih te a Bible a kan hmuh hi mi hrang ṭheuh ah ring chhin phawt i la, a chhan chu an hna chanpual leh lan chhuah dân a in an loh vek avangin mi thuhmun an nih hmel loh a.
Tin, Bible pum ah Lucifer tlukna chhan inziahna awmchhun chu Ezekiela ziak leh Isaia ziak ah a ni a. An sawi dan chu hei hi a ni;
- Lei, Eden(Eden, Adama te chenna kha a ni kher lo mai thei, a chhan chu Adama te chenna tak kha siam thar leh a ni a, heta Eden hi chu lei hmun hring nuam êm êm sawina, Adama te awm hma a mi a nih hmel tlat. Hei hi Gap theory an ti) ah Lucifer a cheng a. Chutah chuan Hotu ber a ni bawk. https://ltahmarchhakchhuak.blogspot.com/2014/05/ramhuaidemons-leh-keinihuman.html
- A nihna chu lungawi tawk lovin Vanah Chungnungbera (hei hi Yahweh a nih hmel) ang(likeness) a awm a tum ta a(Yahweh do a ni lo va, paihthlak pawh a tum lo va, a ang <likeness> ringawt a awm a tum).
- Yahweh anga lo awm sa hi Messenger(Van- tirhkoh) zing ah an awm a, chu chu Mee-Kha-El 'Yahweh ang(Likeness)' tia an koh ṭhin chu a ni a. Chu ngei chu Lucifer hian a bitum leh a nihna chuh tum tak chu a nih a rinawm.
- Tin, Vanah a han lawn ta ngêi a, paihthlak leh a ni bawk a(engtia rei nge he Indona hi hriat a nilo). A paihthlatu pawh Mee-Kha-El ngêi a ni tih a lang.
- Mee-kha-El a hneh loh takah chuan Lei a awm Mihring(Adama), Pathian ang(Image) a siam, thuawina hmang a Pathian ang(likeness) tak tak tur chu a thuhnuai a dah a tum leh a. Hei erawh Bible ziak angin a hlawhtling ta! Tichuan mihringin Pathian ang zo lovin Rul(Serpent a nia aw. Lucifer a ni lo a nia. Rul hi Lucifera'n hmanrua ah a hmang ringawt a ni thei) thisen, mihring DNA ah kan lo kai/nei ta vek a nih hmel ta a nih hi. Chu chu Science hian mihring hi ramsa ang chiah a zia leh Lymbic system nei kan nih zia arawn tilang nghe nghe. https://ltahmarchhakchhuak.blogspot.com/2013/03/a-brief-history-of-medical-science.html
.jpeg)
A dikna chanvo Lucifer tihlan rem tih a ni....
Hetah hian Ruatlawk Beramno Y'shua lo awm sa mawlh hi a ropui a nia aw. Hriatpawlh loh tur erawh Yahweh hi ruatlawk a ni thei lo a, a ṭul hek lo. Lucifera a cho ber Mee-kha-El hi engkim a incharge a nih angin a tawp khar tur pawh amah Mee-kha-El tho hi a ni.
Mi pakhatin 'Lalthanhawla hian a eiru lo tih insawi chhen a, keimah ngei hian a eiru tih kum 6 chhungin ka finfiah ang' a tih ang hian, Lucifer hian Yahweh hi a chhuahchhal a nih hmel a tih thei bawk ang. Bible ah erawh chutiang a inziak kil kel lo, hmuh pawh tum loh tur. A chhan chu Bible hi sawi tawh angin Saltang chhanchhuahna chauh a ni. Hei vang hian Lucifer hian a ṭha ve tawk tih a fiah zet hma chu thu neihna pek a ni a tih theih a! Hetia Thil ṭha lo ti ve thei tura hun a neih ve zelna dân hian Lucifer hi engemaw Right(a dik ve a ni tih lan tir theihna chanvo) pek ve ngei a ni tih a chiang a, nilose hman hman ah tihboral a ni daih tawh ang!
Hetah hian Yahweh dik leh fel(Justice of justices) a nih zia a lang a tih theih. A chhan ni thei chu Lucifer hian Right a neih chuan Yahweh hian full power a hmang lo tihna a ni a. Yahweh hian 60% hmang se, Lucifer hi 40% chauh hmang ve bawk se la. Hei hi Legal metrology ah chuan Justice a ni thei lo. Lucifera hian Justice ah dikna chanvo a nei ve tih Bible pum kan en hian a lang a. A hriat theihna pawh Setana(a phena Lucifer awm) hi a che nasa buan buan hle a, Pathian lah hi hun a tih ah lo chuan chet a tum lo ve bawk si. A nih chuan Lucifer hian 50% chiahin a duh duh tih nan chance pek a ni a, Yahweh ngei pawhin chutia amah fiah ngam ngat tu chu a tluk chiah 50% chance bawkin a chhang let ve dawn tihna a ni. (https://ltahmarchhakchhuak.blogspot.com/2012/11/genesis-3-thihna-hi-pathian-anchhia-nge.html)
Hei hi Pathian ropui zia ngaih nepna a ni miah lo. A lo ropui zia leh dik zia lanna zawk a ni tlat! Duh chuan Lucifer hi chawpchilhin a ṭhuai chhum hmawk thei, mahse a ti lo! Yahweh mi dik, Justice of Justices lanna vek zawk a lo ni.
He Justice, Yahweh Pathian nihna ze ril tak mai ah hian equal opportunity ve ve a inbeihna a nih avangin tunge chak ang a, tunge chak lo zawk ang hriat a ni lo a. Y'shua hi chak lo vaih se Yahweh Pathian in he Earth (Lei) hi a chân ang a, Setana ta a ni ang a, Mee-kha-El emaw Y'shua hi paihbo a ni ang a, Yahweh ang chiah in Lucifer hi a awm tawh bawk ang.
Plan B inbeihna ah lêt leh duai ang. Eden huanah khan Adama hi a tlu thei a, a tlu lo thei. Thuawina hmangin Pathian ang alo ni thei a, thuawilohna avângin a nihna a chân duai thei bawk. Tah chuan inbeihna chu Thing pahnih - Nunna thing leh A chhia leh ṭha hriatna thing te hmangin neih a ni a. Mihring hi amah ngeiin Thuawina ah a awm thei em, tih enchhinna a ni. A awiloh chuan thih, a awi chuan chatuana nunna a ni thung bawk ang. [Thi theilo thlarau 'Immotality of Soul' hi Setana bumna a ni a. Thu awihna hmanga Thih theihlohna chang tur mihring kha thu an awihloh hnu ah pawh 'in thi lovang' a ti a ni]. https://ltahmarchhakchhuak.blogspot.com/2014/05/mihring-tlarau-zir-chianna.html
Tah hian Adaman 'A chhia leh ṭha hriatna thing' hi ei lo turin Pathian hian veng se i ti ve em, hrilh mai se, tun thleng thlengin buaina a awm lo tur, tih ngaihdan i lo nei tiraw? Nia, Rul(a phena Lucifera) hian ṭawng thei tura dikna zu nei leh tlat pek hi a lawm le mak leh zual ni! Rul(Serpent) hian a dikna chanvo a hman laiin Mee-Kha-El chet chhuah a thiang lo, a hun a nghah a ngai tlat a lawm. Hei hi mihring ngaihruatna a ang i ti em. A ang rêng ang! A chhan chu Mihring hriat thiam theih turin Bible hi Pathianin a ziah tir miau va, miin a Saltanna ruam ata chhuahpui nâna a hman phei chuan sawi buai pui kher a ṭul lo!
Tichuan, OT pum chu Lucifer leh Mee-Kha-El inbeihna hian a chhoh ta mup mup a. Khatia Pathianin hnam thlan bik a neih tak ah pawh chung mite tân chuan Mee-kha-El chu anmahni vengtu leh humhim tu a la ni chhoh char char zel a. Yisrael mite chuan Mee-kha-El hi Yahweh thu a ken ṭhin avangin 'Yahweh thu kengtu' tih te hian koh chhoh a ni zel a. Mosia hnena Torah pe a, Avraham khualbuk zu tlawh tu, Mathusela nena leng dun leh OT lama Yisrael tana awm ṭhin kha Mee-kha-El vek hi a ni a. NT thlengin Yisrael humhimtu leh Messiak hial a ni ta zel a ni.
Ruatlawk Y'shua a ngaih chhan..
Hetah chiah hian Pathian Chatuan Ruatlawk Y'shua hlimthla a rawn lang ṭan a. Chu chu Eden huan a Adama tluk theihna khan Pathianin a chhan chhuaktu tur atân Lucifer an tluk ve a tum Mee-kha-El kha amah leh amah a inhlan sa nghal thlap a. Hei hi a turu lutuk, 'A fapa mal neih chhun a pe' han tih mai te hi a ropui lutuk tlat! Luciferan post in thlak puiah a challenge a, Mee-kha-El an alo paih thla a. Adama, Mee-kha-El nêna leng dun fo ṭhin Luciferan a thu hnuaiah a dah leh a. Tichuan Yahweh anga a awmna pawh hlipin Adama tluk hma anga thisen thianghlim leh thiltihtheihna tlem tê(hei hi a Pathian thiltihtheihna ni lovin Pathian thu awina hmanga thiltihtheihna thuneihna zawk a nih hmel) chauh neiin khawvelah a rawn kal ta a ni.
Tichuan Ruatlawk a nihna ang zia zelin hun tiam chuan arawn nih pui ṭan a. Ruat a nihna leh a mission, purpose leh tih tur ang zia zelin a hming chu thlak a lo ni ta. Hmana Mee-kha-El ni ṭhin kha Yahweh chhandamna thu puangtu tur leh thlentu tur a nih avangin a hming ah 'Y'shua(Yahweh- Chhandamna emaw Chhandamtu)' tih alo ni ta a. Hming zawng zawnga hming chungnungber Yahweh hming nei/pek a ni tihna a ni.
[Note: Judate hming phuah hi an tihtur ang zela hming nei an nia. Mee-kha-El tih pawh hi a hming engzahna nge ni ang tih a hriat loh. 'Lucifer' tih te pawh hi NT leh OT lam hian Mee-kha-El a hming ve ṭhin tho a nih zia an thailang tawh bawk a. Tuna Lucifer ṭha lo zawk kan sawi pawh hi a hming hmasa emaw tuna a hming hi enge a nih ang tih kan hre tawh lo a, Bible phei hi chuan a thup hmiah tawh a nih hmel. Hre zau duh tân 'Lucifera hi Setana a ni chiah em?' tihin a chhiar chhunzawm theih kha.]. https://ltahmarchhakchhuak.blogspot.com/2012/04/lucifer-hi-satana-ni-em.html
Popular Christian zawt ta ila, "Y'shua kha ngatinge a thih kher a ngaih" tiin; a chhanna chu "Thisen chhuak lovin sual ngaihdamna a awm lo" tih a ni vek hlawm ang. Anih leh Kross ah ngatinge khaikânin a awm kher? "A hunlai misual ho hremna a nih vang mawle" tiin kan inchhang leh maiin a rinawm.
Mahse sawi tawh angin mihring leh mihring kan indo satliah hi alo ni ngawt lo kan tih tawh kha(hei hi Principality an ti). Mihring phen ah hian Thlarau sual leh Thlarau fel indona a lo awm reng a. An indo dân chu sawi thui lo ila. Y'shua leh Lucifer Indona zawk a Y'shua'n 'Thingler(Kross kan tih tak hi)' kher kher a khai a nih chhan leh Paula'n "Ka Lalpa Thingler(Kross) chanchin lo chu chhuan tur ka nei lo" a tih chhan te hi thlurbing lai tur a ni.
'Thingler' awmzia hi..
Thingler chu 'Lei tawk lo Van si lo' sawina a ni a. Chu hmun chu 'Boruak/Van' tihna a ni. Paula chuan 'Van/Boruak' chu 'Thlarau sual ho awmna' tiin a sawi a. Tin, Bible thu tam tak pawn 'Boruak' chu 'Thlarau' sawi nan an hmang bawk a. Creation story ah pawh Pathian khan "Tui leh tui chu lo inṭhen se la, boruak/van lo awm rawh se" tia a siam lai khan a thilsiam dang te ang lo takin "Ṭha a ti hle a" a tih ve theihloh chhan kha a ni. Chu chu tawp nei lo, Vântirhkoh sual leh ramhuai ho hremna hmun kha a ni a. 'Thingler' a Y'shua khaikan a nih chuan Demons leh Thlarau sual awmna hmun ah a kal tihna a nih chu! https://biblehub.com/topical/a/air.htm
Kross thu chu le...
Bible ah Dan bawhchhiatna chu Sual a ni a. Sual man chu Thihna a ni leh bawk. Y'shua chu Sualna nei lo, Torah zawh kim vek niin Thingler a pan ding chat a ni. Torah zawh kim tih hi Yahweh Pathian angchhung/humhimna a awm tih nen thuhmun a ni a. Chuvangin Thlarau sual te awmna hmun ah Yahweh angchhunga awm mek Y'shua chu Thlarau sual ho awmna 'boruak' ah khaikân a, thihchilh a tum tih a hriat theih ta a. https://ltahmarchhakchhuak.blogspot.com/2012/11/genesis-3-thihna-hi-pathian-anchhia-nge.html
Hei hi Setana pawn a hria a. Thingler a khaikân a nih hma ngêiin Rome sipai leh Temple kawt ah te, Puithiam hmang te in Y'shua vuak hlum tir a, thih tlaw tir a tum a. Nasa taka sawisain, thi lek lekin a awm a. Mahse chu chu Y'shua hian a mission a ni lo tih a hria a; a Ram, a mi Yisrael te, a pa Yahweh zahawmna te nei let turin Thingler ah(Chu chu Thlarau sualte awmna ah) thih kha a ni tih a hre tlat a. Thlan thisen far zawih zawih leh, a mi Yisrael te hmuhsitna karah pawh a hmangaihte tân a puanven a sawichhing a, amah an thahna tur Thing chu puin a biangah mittui a lo luang ngiai ngiai a. A tuihal a, mahse a tuihal hnem thei awmchhun chu a mite tân a thih a ni. Chumi hma chuan thih thiang a ni lo! https://ltahmarchhakchhuak.blogspot.com/2014/05/women-seedhmeichhe-thlah-vs-serpent.html
Tichuan an khai kang a, a tuarna chu tlin lovin Van/Boruak ah Thlarau sualte awmna hmun ngêi ah Torah zawh famkimtu Y'shua, Yahweh humhimna angchhunga awm mek chuan ''a kin ta'' a han ti a nih chu! Hei hian Yahweh ngêng a chhun hle mai a! A fapa chuam, Thlarau sualte chenna hmuna a thihna ah Lucifer ngaihdam theih a ni ta lo. Y'shua pawh a ranglamin Thihna ata kaihthawh ve nghal a ni a. Torah zawh kim Thlarau sual Setana angchhung ah a thih hlen a thiang lul lo a ni e!
Yahweh chuan Lucifera Thihna thuneihna chu a pum hmawm a phalsak ta lo va, Y'shua chu a chawi sang ta. Y'shua avângin chatuan a thi tlaw mai mai tur a thihna leh thuawina hmangin Tholeh taksa nei turin zalenna Dar min khawn rik sak ta a ni. Amein, Y'shua hi mihring tân hero ropui a va ni teh lûl em!
He Thingler(Kross) phena thuruk awm hi a ril êm êm a. Miin Thlarau aṭang lo chuan a phena Y'shua tuarna rapthlak zia leh hmangaihna lo lang an hmufiah tawp lo ang a. Tisa tak lo pawn Thing tlawn ding bak hmuh a nei thei ngai bawk hek lo ang!
Amein! Lokal ta che Lalpa Y'shua
.jpg)
