Mihring originality...

Tunlai chu post pawh a awm khat riau mai ka ti. Keilah chu ka hman thathum der mai bawk silo a, mahse rilru a vei erawh paihbo hi a har a, ngawih reng te hi alo har a nih hi. "Mi a chuan sawi tur a hriatloh avangin a ngawi a, mifing chuan sawi tur a hriat avangin a tawng thin" , tih te pawh a awm kha maw. Puak leh phawng mai ang, dik tak leh rintlak ngeiin aw niang.

Satana hian a chance neih hi a hlauh ngailo tih chu a chiang; tun thleng hian tar at a nei ngai lo a, a fing telh telh zawk a nih hi! Pathian ruahmanna pawh hi mihringin a ngaih pawimawh em em luatah a zul ah zar zar satana hi alo che ve zel a. Pathian thu hi a hrelo niloin a hriat bel em avangin thei ei chungchanga Pathian(elohim) sawi pawh rawn debate ngam ngat kha a ni reng a; Pathian(elohim) anpui(image) ngei pawh hi a bawklawka lain oneness leh trinity debate tanfungah a hmang zak zak a, a kara Pathian thu sawichhiatna awlsam tak, satana tactic hi hai rual a nihloh nen ringtu inti tam tak chu a man bet tlat chu a nih hi maw.

Trinitarian hoin Pathian anpui mihring entirnan mihring chu taksa, rilru leh thlarau inzawmkhawm a ni an ti a. Oneness lahin mihring hi Pathian anga siam a nih chuan Pathian hi pakhat a ni tih tanfung an chhawrdawh luah mai! Kei erawh chuan he debate-na lungphum hi thiah ka tum lo, tum thei zia zang pawh ni ila denomination rilru hi ramhuai pai beih ai pawn a hahthlak zawk. Mahse Pathian anpui a siam mihring hi engdang mah a nilo, Pathian anpui a ni tawp mai.

Bible hian chiang em emin mihring nihdan tur a sawi a. Mihring chu Pathian anpui siam a ni a, thilsiam zawng zawng chungah thuneihna hlan a ni bawk a. Sam ziaktu chuan mihring chu Pathian aia hnuai deuh chauh a nih thu a sawi bawk. Thuhriltu ve thung chuan mihring rilru-ah chuan chatuan(eternity) a dah bawk a ni a ti. Mihring nihna chu perfect, a domain ram pawh lei ngei mai, satana thlaktu tura Pathianin a siam a nih hi a rinawm zual bawk a ni.

Heti hi lo ni se denomination tarmit atang thlir ang aw..Gen 1:26 ah chuan mihring chu Pathian(elohim) anpui a siam a ni a. Denominationist ngaihdan anga mihring hi siam an nih ve leha Pathian ang(likeness) nghal, perfect nghal a nih chuan context dang hi a fuhlo zo vek dawn a ni; Satan'n mihring a bumthlu tlat mai hi! Mihring hi Pathian ang a nih nghal chuan satana beihna leh thlemna mai mai hi chu a hneh tur zia Isua(Yeshua)'n tlemna tawh atang khan a chiang a, tlu thei rual an nih loh zia leh, satana hian chibai buk  hial a buk zawk tur a nih hmel daih. Bung 2:16-17 ah chuan mihring chu thithei(mortal) a nih thu a sawi bawk a. Anih chuan mihring hi Pathian anpui a siam ni mahse, Pathian hi suddenly a ang nghal tawp mai a ni lo tihna a nih chu.

Bawhchhiat tur awm lo a bawhchhiatloh hi perfect tihna lam a nilo a, mahni nihna ang phak lo hi perfect a nih ngaihna a awm hauh lo bawk. Mihring hi eden huan a  thlemna an tawh hma khan perfect lo, Pathian pawh la ang lo an ni zawk a.. Law leh order-in  a khuahkhirh ngai hi perfect a ni lo tihna a nih chu.

Anih chuan mihring chu Pathian angpui(image) a siam, Pathian ang(likeness) a thanglian tur  alo ni ta zawk a. A awmzia chu naute pianghlim chuan organs a nei kim biai a, physical develop chiah a ngai ang deuh hi a ni. Chu chu satana pawh khan hriain innocent annih lai takin a thlemthlu keuh reng a ni. Mihring hi engvang nge innocent khera a siam hmasakna chhan zawhna pawh hi ngaihnawm fe ala awm a nia(sawi thui rihlo phawt ang). Satana thlemna ah khan mihring hi tlulo ta se act knowledge lamah pawh hian ru ra tak a nih a rinawm ta a, satana ngei pawh hi mihring thuhnuai ah a awm ang a. Tunlai science thiamna zawng zawng aia let tam, Pathian(elohim) an tak takna, divine science hi a vir mup mup ang tih Isua(Yeshua) khawvela a chettlat dan atang hian a ngaih theih mai bawk a. Khawvel hi bawhchhiatna avanga anchhia lawhloh ni ta se; solar system hi mihring te hian choka ang maia hman anih a rinawm bawk a nih chu. Mahse chung zawng zawng chu mihringin a bawhchhiat ni khan a hlauh vek thung.

Pawi ber mai chu mihring suala tlu hi a ni a. Lawmawm ber chu Pathian'n a anpui a mihring a siam hi a ni. Davida chuan mihring originality ril zia hi a hre chiang em em a, "hlauhawm tak leh mak taka siam ka ni" a ti hial a. Mihringah hian midang te hmuhfiahloh, mahni pawh inhmuhfiah theih chuang bik hauhloh, mihring nihna zeril tak a inphumru a. A ril zia hi chhut tham a tling. Satan'n alo domain ta daih mai hi vanneih ava inti dawn lua em. Heng zawng zawng hian Pathian thlarau tello chuan engmah mihring a nih tawhloh zia te hi ngaihtuah a ti tling a...mihring nihna chu meihawl ling tha tak ang hi a ni a, a ling that em em laia tui a lei chuan a thi a, a ling tawh ngailo. Ling leh tur chuan meiling bulah a awm a ngai leh a, meia leihlum a nih avagin ling leh mai tur pawn hun a duh rei ve viau tawh ang.......

Setana leh a kid...

Post hmasa lamah satana helna chhan leh vang chu sawilan a nih tawhna chungin tlem han sawileh ila; a authority universe zauh hi a ni. Hei hi amahte chauh a suchhuak a ni ang tih hi rin rual a ni lo. A manifesto tha tak mai post hmsa lamah pawh sawilan a nih tawh kha, kha kha a hmang tangkai em em a. Yhwh leh Satana inkar hi politics a ni a; MNF leh CONGRESS party-in manifesto tha tawk tak an vawrhchhuak a, Lalna tuemaw zawk zawkin an chan vaih chuan an manifesto hman an tum thu ang deuh hi a ni. An inchuh chu Lalthutthleng hi a ni.

Khatia satana chu leia paihthlak alo nih tak atangkhan a functioning pawh alo dang zo ta, bible hian chiang takin a nihna chu a sawi tawl tawl mai a, Lal chhungkaw buaina hi zep a tum hauh lo.

1. Khawvel zawng zawng bumtu(thupuan 12:9-10)
2.Khawvel pumpui ti sualtu(1 Johana 5:19)
3.Bumtu aka diabola (Mathaia 13:37-39)
4.Bawlhhlawh Lalpa( Johana 8:44)
5.Dawtpa(1 Petera 5:8)
6.Khawvel Lal( Johana 12:31)
7.Khawvel Pathian(elohim)(2 Korinth 4:4)

Khing atang ringawt pawh khian Satana domain ram chu ala lang uarh mai. A duh thala a chet ngamna tur chu Elohim te chuan anla zuah ve hram hram a ni. A khawsak pui, amah puitu te hi tu te chiang nge maw an nih reng le..Satana hian amah chauhin helei hi ching let rual a nih hmel si lo a, chinglet tur pawn a power hian a daihlo hrim hrim a ni zawk.

Fossils record kha keu leh ang aw...animal kingdom tam tak biblical period piahlamah anlo cheng tawh tih chu hai rual a nihloh kha. Khang khan valid chiang takin an nei a, chu chu engvanga that chimih vek nge an nih le. Nova lawng a chuang velo a lawm ti dawn ila sathianghlim ho chauh Nova lawngah khan luh phal a ni. Anih chuan sa thianghlimlo tihna chu an la ni fan a. Mahse carbon dating record danah kum chuangtlai a tam hret thung, tam hret pawh a ni lo, tam tak a chuang zawk a ni! Anih chuan 4.6 million vel chu an period lai a nih hmel ta ber a, tihmang an nihna chhan hi chhan tha tawk tak a awm ang tih a rin theih bawk.

Tihmang an nihna chhan point atan Nova period bawk kha chart ah hmang ang aw. Khawvel chu sualnain khat tawh hle mahse  a chhinchhiahte chu tihmang an ni ve hauh lo a. Sodom leh Komora sualna atang pawn Lota te chhungkua chu kal kan an ni leh daih bawk. Chart hi a dik a nih chuan vague alo lang ta; Dinossauras..Jurassic..Ape man zawng zawng zo zai hi Pathian do daltu an nihloh chuan enge maw an thih ve ngawtna chhan tur le. Achhan dang a awm thei lo a ni.

Reason leh logic hmang ang aw. Animal kingdom hi sual ah tlu lo se an thih na chhan tur a awm miauloh avangin sual lam, ramhuai an nihna chance hi a awm ta zawk a ni. Vantirhkoh(cherubin dang) an nihna chance pawh hi a awm bawk. Achhan chu embodies an ni ang tih mihring taksa an ngainat danah hian a lang a. Satana a hel tuma a domain ram a angel 1/3 a bumthlukte kha an ni thei bawk(Thupuan 12:7). Chung rebellious ho chu demons(ramhuai , ramsa hmelpu), evils spirit(thlarau sual), unclean spirit(thlarau bawlhhlawh) te hi an ni.

War of heaven, Pathian hremna hlau khan universe hmun hrang hrangah hian an pengdarh zo ta a, eden-a cheng thin an nih avangin "nunna thing" kha an lo ei hman ni ngei tur a ni disembodied-in universe hi an luah a, form hrang leh fragment hrang hrangin mihring hi tihbuai a, rinna sual neih tir an tum a, mihring chunga natna thlen te, rinna lem leh bible kalh thil thlen tir hi an tum tlat a ni. Rindan chhuizawn zel phei chuan UFO alliens te pawh hi evil spirit emaw demons an nih ngei a rinawm zual a. An thuken reng reng chu bible counter vek a ni. Achhan chu ramhuai ho te lo chuan Pathian leh a thu hi an do ngailo.

Setan(cherubin) tluk hma history..

Gap theory dikna lai chu chiang tawk thawkhat viau tawh chuan ngai ila. Pathianin mawi leh duhawm em em a a siam angel satana chu eden -ah chen tirin a domain atan universe a pe a. A mawina nena lo chapoin  Gen bung 1:2 -na hmalam ah hian Van indona a awm ta a; chutah chuan Cherubin pakhat satana chuan a domain ram zauh tumin vanthumna chu a thuihhrual demons te nen luh an tum rup mai(thupuan 12:4). Mahse hnehna chang zo loin leiah paihthlak leh a nih kha(thupuan 12:7-9). He vantirhkoh, suala alo tluk tak dan leh, cherubin meuh hi tunge maw a nih chiah le...Scholar tam tak hian Pathian(Yhwh) aia hnuai hretin an sawi fo mai thin hi dik tak ang maw.

Ni e, cherubin chu ni meuh e. Bible-in  van ah hian thildanglam, vantirhkoh danglam bik sawi hi a nei bik tlat a; seraphim, cherubin, the four living creatures(thilnung pali) te hi an ni. Chung zingah chuan cherubin pawh hi a tel ve ngei a. Heta van pawh hi van khatna, van hnihna leh van thumna te hi a huam vek a nih hmel.

Greek mythology han keu chuan cherubin-te hi naupangte, thla pahnih nei, cute tak niin a ngaih theih a, chu chu tunlaia ngaihdan tam zawk pawh hi ala ni. Bibel thu hi rinngam a nih tak meuh  chuan hetiang ngaihdan erawh hi chu a diklo hul hual ve thung tih Jewish prophet - Ezekiela leh Mosia hian an sawi chiang hle a ni.

Chutichuan mihring chu a hnawt chhuak ta a; tin, nunna  thing kawng chu vêng tûrin Eden huan chhak lampangah chuan Cherub-te leh mei khandaih vir tawn zawk zawk chu a awmtîr ta bawk a.Gen 3:24

He chang ah hi chuan cherubin chu eden huan veng tu tura dah an ni tih a lang chiang em em a. Ezekiela vision ah chuan cherubin te hi powerful tak mai leh tihbaiawm tak mai an ni bawk(Ezekiel 1:1-14, 22-24, 10:3-8, 14, 20-22). Cherubin te chuan hmai pali leh thla pali an nei tihna a nih chu. Heng atang hian ancient greek myths vision hi chu a diklo hul hual tih a tilang bawk. Salomona khan Temple a sak chhungah chuan a awm tir bawk a, Lal thutphah chu a ven tir a ni(Exodus 25:17-22). Hei hian cherubin chu hmun thianghlima an awm thin zia pawh a tilang nghal bawk a(1Lalte 6:23-28, 8:6-7). Ezekiela hian heibakah hian cherubin chidang daih a hmu bawk a, chu chu a makin a dangdai hle thung a ni(Ezekiel 1:15-21, 10:9-13, 10:15-19).

Cherubin te hi 18fit a sang, inches 96 a sei thla nei an ni a(1 Lalte 6:23-28) . An thla hnuaiah chuan mihring kut ang hi a awm bawk. Hmai pali an nei a; pakhatna chi "cherub hmai" a ni a, pahnihna chu "mihring hmai" a ni a, pathumna chu "sakeibaknei hmai" a ni a, palina chu "mu hmai" ang a ni(Ezekiel 10:14).

Cherubin nihna chu alo lang ta uar mai le; domain ram nei a, sualna leh helna lak ata venhim chu an functioning pawimawh tak chu alo ni ta a. Thenkhat chu Yhwh Lal thutphah kianga awm thin an ni bawk(sam 80:1, 99:1). Jewish vision-ah Lalthutphah kianga awm thin hi Merkabah a ni a, chu erawh chuan hmai pali leh lu pali a nei thung a ni.

Sam ziaktu leh Ezekiela hmuh dana danglam leh maksak deuha awm hi a tak a nih hmel loh a rinawm cheu. Achhan chu prophetic writing atanga han thlek hian engkim hmu thei leh khawi hmunah pawh kal kual thei tura duan an nihna a nih hmel zawk a. Hemi atan rau rau hian free permit pawh hi an neih ngei ka ring bawk. Gender chungchangah pawh hian biblical hian "he" tih kherin satana(cherubin) hi a dah thin a ni.

Cherubin rau rau-ah satan hian a domain ram bikah hian alo chang sang bik em em mai a. Pathian  hian cherubin dangte sawi tel hauh siloin satana chu lunghlu chi sawm laiin a chei mawi a, finna chungchuangin a duang a, Pathian tlang-ah chuan chen tirin, ropui takin a siam a, amahah chuan chhia reng ren ala awmlo. Nimahse van thumna ah hian alo la familiar lo khawp mai, Yhwh fate inhmuhkhawm ni pawh khan introduction pek chawp a ngai hial a nih kha. Kha khan Yhwh dawttu chiah a nihloh zia a tichiang em em a ni. Finna ah lah nise thilsiam zawng zawng zinga fing ber a nihloh zia chu Mikael-a pawh a hneh thei der lo a. Dik tak chuan a domain ram te chauh ah hian superior a nih hmel zawk a ni.

Lei leh van helna- Setan

Aw 'varparh,' 'zing lam fapa,' engtizia nge van ata i tlak tak chu le! Hnam tin titlâwmtu, engtizia nge lai sah thlaka i awm tak chu le! I rulruah chuan, 'Vanah ka chho vang a, Pathian arsite chung lamah khian ka lalthuphah ka chawi sâng ang; tin, inkhawmna tlâng, hmâr tawp reta awmah chuan, ka thu ang a: chhum aia sâng zawkahte khain ka chho vang a; Chungnungbera ang maiin ka awm ang, i tih thin vei nên khan. Nimahsela Seol-ah, klhuarkhurum tawp retahte chuan, hruai thlakin i awm dawn si. A hmu che apiangin an en ngun ang chia, 'He mi hi maw lei tikhura, ram tin tinghing a(Isaiah 14:12-16 KJV)

Pathian huan Edenah i cheng; Lunghlu tinreng i in bel a, Sardion, topaz lung leh diamond. Berul, Onuks, jaspi, sapphir, smarakdin, karbankul, A phûm nghehna a ziak mawina rangkachaka siamte Nangmah siam nîa buatsaih tawhte chu. Nang chu vengtu cherub hriak thih i ni; Pathian tlâng thianghlimah ka wmtîr chia, Meivam iang lung zingah i leng. I \ha famkim siama i awm ni ata, Nangmaha khawlohna a awm hmâ rêng zawng. I sumdawnna a pung tual tual, A tikhat che pawngnêkin, Sualah i lo tlu e, Pathian tlâng hnawmhnêa'n ka hnawl che, Vengtu cherubin a hnawt chhuak che, Meivam iang lung zing ata. I mawina vanga lo chapovin, I ropuinain i finna tikhawlovin, Leiah ka paih chia, Lalte hmâah mualah ka pho che-ennawmah.  (Ezekiel 28:13-17 KJV) 

Isaia ziak hmasa lam ah chuan he chang hi Babulon Lal sawi nana hman a ni thin(Isaiah 14:4). Scholar thenkhat ngaihdanah chuan chiang takin he babulon lal hi satana emaw Lucifer lamna lam niloin, mihring satliah Babulon lal sawina mai a ni an ti a.  Ezekiel 28:2 a mi pawh hi Tura lal sawina ah ngaih theih a ni bawk.

Mahse bible context meaning han hruat chian hian mihring satliah sawina a nih chuan mihring vana lawn an awm ngai lo tih chu hriat reng a ni a. Vana lawn thei lah an awm bawk hek lo a, van atanga paihthlak lah tumah mihring zingah an awm lo. A awmchhun chu Satana; chumi chu dan bawhchhepa, van a 

lawn tum, van atanga paihthlak tak chu a ni.

Satana hi  vantirhkoh zingah pawh cherubin niin Pathianin lei leh van a siam hmasak zawka van khatna leh van hnihna domain tura a siam kha a ni a. A chenna leh a domain ram chu solar system hi a ni( sam 8:8, 8:3) Tunah pawh hian he khawvel(earth) ah hian duhthalin a che mek zel a ni(matthai 4:1-11)

Gen 1:1 a lei leh van; ancient oringinal creation kha thlir kirin lei leh van(sam 8:3) inkar hi satana hian tha takin a enkawl tih a hriat em em a. A enkawl creatures inkarah pawh divine harmony hi ala awm tih a rin theih mai a. He universe-ah kher hi chuan Yhwh aia sang an awm leh tawh hauh lo a, Yhwh hian a siam chhan pawh universe hi authority turin a ni.

Satana chu leia Eden-ah a cheng a, lungmawi chitin reng 10 a thuam a ni a; Sardion, topaz lung leh diamond. Berul, Onuks, jaspi, sapphir, smarakdin, karbankul te hian Yhwh chuan mawi takin a chei a. Cherubin bikah chuan a mawi chungchungin a fing ber bawk a ni(Genesis 3:1. Ezekiel 28:17). Mihring chu nise Israel lal chuan lunghlu 12 kher -in an inthuam thin. A mawina leh finna chu a dai pelh ta hlauh a, a ringhlel a nih chu. A mawina chu duh tawkloin Yhwh an duhna chuan alo pianchhuak leh a;  'Vanah ka chho vang a, Pathian arsite chung lamah khian ka lalthuphah ka chawi sâng ang; tin, inkhawmna tlâng, hmâr tawp reta awmah chuan, ka thu ang a: chhum aia sâng zawkahte khain ka chho vang a; Chungnungbera ang maiin ka awm ang "

Theologian leh scholar tam tak hian helai changte hi an milh fulo fo thin. Satana hian a domain ram universe chu a duh tawk lo va, chu aia sangah chuan han lawnchhoh a van thumna han lawn a tum a ni. Van thumna hi a ram a ni ngai reng reng lo a, mahse a ramri pel rawk khawpa a tihtur leh chanpual a hnualsuat hi thil namai a ni lo...Yhwh Lalthutthleng a chuhpui pawh a nilo, a domain ram chu zauh a tum a, vanthumna hialah chuan a Lal thutthleng chu han sawn a, Yhwh ang mai a awm der der chu a chak a ni zawk.

He a thiltih avang hian helna lei leh van(van thumna tello)ah a chhuak a. Thilsiam zawng zawng zingah sual hmasa ber alo ni ta a ni. Pathianin Adama a siam hmadaih tawh atanga lo sual tawh a ni ber. Adama a chin hi biblical period-ah kum 6,000 ni ta se, geological period -ah chuan satana chu kum  500-600 million vel daih tawh a lo sual tan a ni tawh tihna a nih chu. Chuti a nih chuan gen 1:2 a "void..without form...darkness.." tih hi a dik hmel ta a nih chu. Chang 1 leh 2 inkarah hian kum tam tak alo tla tawh ang a, satana helna avanga lei leh van hremna leh tlenfaina chu chang 2 hma lamah hian alo awm tawh a nih a rinawm ta. Anih chuan Ice age pawh hi a thleng ngei ang tih rinloh ngam pawh a ni ta lo. Pathian hian  helna avangin khawvel hi alo hrem ngei ang tih hi rinhlel rual a ni ta lo.

SPIRITUAL TONGUE(THLARAUVA ṬAWNG)

He ṭawng mizoa kan lehlin dân hi thil pawimawh ngaihtuah ngai hmasa leh rilru sawrbing ngai hmasa ber niin ka hria. Ṭhenkhatin nasa zawkin he thil hi an kalpui lutuk a, hei pawh hi ngaihtuah chiah a ngai tak zet. Tin, piangtharna hian tawnghriatloh hi a nei ngei ngei emaw an ti fo bawk. Ngaihtuah chiana zir thuk a ngai kawp mai. He zir chianna pawh hian tu kohhran mah sawichhiat tumna leh dona a nei lo a ni tih min hriat sak dawn nia. 

Engvanga ṭawnghriatloh tiin thupui khi ka dah mai loh tiin zawhna i nei nghal ang tiraw? Ṭawnghriatloh tih hi english lamah chuan 'unknown tongues' tih a ni a. Chu chu 1korinth 12:2, 4, 13, 14, 19 ah te hian chiang em emin KJV ah a hmuh theih a. Mahse hei hi a dik chiah em. Original Greek manuscript- ah 'unknown' lai hi a awm lo an tih thung a.  Chuvangin tawnghriatloh tih pawh hi ka hmang ngam mai lova, tawngthar(new tongues) tiin dah ka han tum zeta 'thlauva ṭawng' tiin thupui pawh ka dah leh ta zawk a ni.

'Tongue' tih hi greek tawngah 'glossa' tih a ni a. Chu chu 'language' emaw 'speech' sawina a ni. Greek New Testament hian glossa hi vawi 50 aia tlem lo 'Lei(part of organ)' sawi nan a hmang ṭhin a(Juda 3:5). Vawikhat vel chu 'Thlarau thianghlim' sawi nan a hmang leh a(Tirhkohtethiltih 2:3). Ṭhenkhatah 'tehkhinna' angin a hmang bawk(Tirhkohtethiltih 2:26).

Heng bakah bible hian tongue hmanna dang a sawi zel a. "Tin, heng chhinchhiahnate hian ringtute chu a zui zel ang: Ka hmingin ramhuaite an hnawt chhuak ang a, tawng thartein an tawng ang a(Marka 16:17)”. He tah hian English lam chuan 'New tongue/Tawng thar' a ti a. Greek lamah ve thung chuan 'kainos', chu chu ṭawng hman ngai loh leh la zir thiamloh ṭawng hman hi a ni. Tirhkohtethiltih 2:4- ah ve thung chuan 'other tongue/tawng dang' tiin, Greek 'heteros' tih a ni a, chu chu ṭawng tluang pangngai/hman ṭhan nilo, ṭawng hran daih sawina a ni bawk.

He'ng ṭawng(tongue) hi hnam hrang hrang khan thlaraua an lo khah takah khan mahni ṭawng ang ṭheuhin an lo hre ta a. Ram hla tak tak ami te nen Pathian thlarau chuan an leite a kang ral a, Babel phuarna(ṭawng hran hmann) ata ala kiang a, an ṭawng hman chu an ṭawng ang thlapin an lo hre ta vek mai a ni. Hei hi a mak em em a(Tirhkohtethiltih 2:9-11). An ṭawng(tongue) hman reng reng chu hnamtin zinga tawng engemaw tak a ni zawk zel tihna a ni bawk(Thupuan 5:9, 7:9, 10:11, 11:9, 13:7 adt).

Tawnghriatloh ve thung hi chu inhnialna ti tam tu ber a ni. Bible commentarist pṭhenkhat hian Greek ah chuan 'alo emaw lalia' tiin an letling ṭhin a. Mahse ṭawng hriat hi hrilhfiah hran a ṭulna a awm lo. Midang hriatfiah theih si loh hi ṭawnghriat theih(universal tongue) a ni thei ngai dawn lo hrim hrim bawk. Chuvangin tawnghriatloh hi chu a awm a ni tih a pawmawm tak zet.

Ṭawngdanga ṭawng(other tongue)  hi chu thlarau thilpek  a ni a( 1 Korinth 12:28-30 ). He gifts(thilpek) hi Dispensation ah chuan Order aiin a hmasa daih zawk a; 'Divinity of Human' mihringin a hlauh tawh, mihringin a neih leh ang pawn a ngaih theih. Chu chu mihring nih dan tur zawk tak pawh a ni.

Mahse thilpek hi tuman an dawng vek kher lo(1 Korinth 12:30); a ṭhena zarin a hrang hrangin an dawng a(1 Korinth 12). Chu pawh chu mihring thawhchhuah ni lovin chunglam atanga lokal zawk a la ni cheu mai(1 korinth 12:4-11).

Anih leh tawnghriatloha ṭawng chu chatuan thil a ni em le. Nilo, tih ban a la ni dawn tih Bible ah ngei a lang(1 Korinth 13:8). A pawimawhna erawh puitlingin Pathian thû a hriatfiah a sawi nan leh Pathian nena an inkar an sawina a ni. Midang tana tangkaina  a awm em em lova, mahni leh Pathian inkar anih avangin tihluihnaa in tawng tir tur pawh a ni lo(1 Korinth 14:4).

A tawp berah chuan tawnghriatloh hi a pawimawh em em a. Thlarau thilpek, mahni lama Pathian thu ropui ṭhan lenna a ni. Chuvang erawh chuan extreme luat hi sual a nihna lai a awm thei a, fimkur a ngai hle. A dikloh theih dan pakhatna ah chuan mahnia tihluihna in a tawng theih a, a pahnihna ah chuan midang vangin a theih bawk a. A pathumna ah chuan Setana vangin a ṭawng theih bawk. Fimkhur tak leh Pathian rawn chung lo chuan tawngdang nazawng hi rin tur a nilo bawk. 

The gap theory

Tin, Lei hi a chhiaa a ruak  ngawt a ni a; tui thûk tak chung chu a thim  mup a. Pathian Thlarau chuan tui chungte chu a awp reng a. Gen 1:2

Heng hi an haider lui si thin: Pathian thuin hman laiin vante a lo awm a, lei pawh tui ata leh tui zingah awm khawmin a lo awm a; chungahchuan chu mi laia khawvel awm chu tuiin a chim a, a boral ta, tih hi; nimahsela tunah vante leh lei awmte hi chu mi thu avang vek chuan Pathian ngaihsak lo mite rorel leh boral ni atana dahin hal tura khek a ni. 2Peter 3:5-7

Gen 1:2 ah chuan lei chu a chhia a, ruak leh awmna tlak a nih loh zia chu chiang em emin a inziak a.  Tui thuk  tak chungte pawh chu a thim mup a, awmna tlak leh nunna awm theih ruallohin a chhia a nih chu.

Gen 1:1 hi han en ve leh thung ila…Pathian’n lei leh van  a siam a nih kha. Bung 2 thu ah erawh chu lei leh khawvel chu awmna tlakloha chhia leh thim, tuiin a chimkhah vekna hmun chu a nih leh lawi bawk si! Pathian rilru tha leh ruahmanna fel tak mai nei thin, sualna leh chhiatna ngaina lo tak hian khawvel  hi a chhe sa a siam turin a rinawm em? Pathian hian thilchhia hi a siam nghal a rinawm si lo! Engvang nge Bung 2 thu hian lei chu chhia leh ruak ngawt mai a a sawi mai le. Bible context hrang hrang leh bible chronology han bih kawp ang aw; gen 1, chang 1 leh 2 inkar ah hian kum tam tak a tla thei ta tlat mai a nih chu mawle!

A chhan i han ngaihtuah let ang aw; Gen 1:3 ah chuan “eng lo awm rawh se” tih a ni. Eng awmhma erawh hi chuan lei a awm tawh a, tui pawh a awm daih tawh. Tui chu oxygen leh hydrogen siam a ni. Light energy tello hian tui hi a awm thei ngai hauh lo tih chu Theory of relativity hian a tichiang em em si a. Anih chuan 6 days creations hma daih hian eng(light) alo awm tawh tihna a nih chu!

Gen 1:2 ah chiang taka hmuh theih chu matter ho chu thim(darkness) leh tui(water) hi an ni. Logical meaning ah thim chu nunna awm theihlohna, sual lam sawina a ni. Tui erawh chu tlenfaina, silfaina a ni thung a. Gen 1:3 ah eng(light) alo lang leh a, chu chu nunna(life energy) tihna a ni. Chuan heng zawng zawng hi remkhawm chuan gen 1:2 hmalam ah hian sual nasa tak mai alo awm tawh a, chu chu hrem leh tlenfai niin, nunna alo awm leh tihna a ni.

Archeological evidence  a fossils record leh geological time scale han rin zawm ang hming. Ape man ho te kum hian biblical age 6000  hmalam hi carbon dating ah an pel daih mai nia mawle.  Carbon dating hi rinawmloh zawk zawk chu a ni bik der bawk silo. Chutiangin dinosourus  leh Jurassic, cabon datinga 16,000 hial mai kai te hi pre-adamic  a minungte an nih mai hmel e. Biblical age hnulamah hi chuan Adama te hi mihring awm hmasa ber ber te an ni a. Pre-Adamic race ve thung erawh hi chu Adama te blood pattern ang hi annih hmel lo a. DNA pawh hrang daih an ni. Heng ho hi gen 1:2 a hrem leh tihboral te chu an ni ta ber a ni.

Heta rawn lang uar ta chu tuna kan lei awmhma daih hian lei hmasa  zawk alo awm tawh a. Chutah chuan minung, mihring, ramsa pawh anlo cheng fe tawh a ni. Mahse sualna leh bawhchhiatna nasa tak avang Pathianin tui hmangin a timang zo a, chu tui lian chu Setana tuilian an ti hial reng a ni.

Hei hian evolutionist tena  life come from non -existing life an tih hi anihloh dan chiang takina paihthla  ta chiah a. Mihring hi zawng atanga kan pianloh zia leh lei hi Bing bang theory mai atanga lo piang a nihloh zia a pholang chiang em em a ni. Chutakarah Bible zirtirna a nilo emaw tiin tanfung kan lo khawh leh chiam an e, setana’n a thuruk hi pholan a duh hauh lo a, chu chu diklo takin evolutionist ten an rawn zirtir mup mup mai a nih hi. Anihna tak man erawh chuan lei hmasa chu sualna avanga hrem leh tihchimih vek an ni zawk a ni e.

Second death hi enge?

Kum tam tak mai he thupui khel hian theologian ho an loin debate zak zak tawh a ni tih chu ka hre reng mai. He thih hnihna hi engtiang chiah nge a nih tih hi ngaihtuah tham chu a tling reng a, keini pawn thihna hmasa zawk kha  taksa thihna nge thlarau thihna tih kan khel chiam tawh a nih kha. Ni e, bible hi  chiang tak a tlir a bih a, chhut chet chetloh chuan a nihna tak hriat hi a theihloh tluk chu a nih hi. Setana lah hi a fing ang kur bawk si a, thudik karah thudik tep hi alo zep tel ve khanglang thin bawk nen, vawikhat sawi maia fiah chi chu a nih hmel dawn loh. Mahse thihna hmasa(thil chihnihah “ber” a awm theihloh avangin “zawk” tih ka hmang mai a ni) ka han sawi tak atang khan thihna vawihnihna chu hriat mai theih a ni tih hi khel ho ila ka tih chu a ni.

Thihhnihna ah hian  thlarau chatuan a kang tih hi chu popular tak a kan hriat chu a ni. Chhumhmin hnap tawh pawh kan lo ni mahna le! Engpawh nise han kher tan ta phawt ila aw, rintlak a ni emaw chu. Side hrang hrang atang ka han thlek vang vang hian  he theory hi chu immortality of soul rinna kal zel kha dik tak chuan ala ni miau mai a. He thlarau hi Pathianin lo kalsan ta pawh nise chatuana kang tur chuan Pathian thlarau a ni kan tih tawh kha. Pathian thlarau chu chatuana kan(burn) ngaihna reng reng a awmlo. Dik tak chuan thlarau ,  energy , vitality hi kang tur lo ni ta pawh nise engtia kang tur tak ni ang maw!  Mei chu carbondioxide leh oxygen , hydrogen kang a ni miau mai si a, chutah chuan energy kang leh tur chuang reng reng a awm hauh lo bawk, energy a produce deih bawk si. Pathian hmangaihna thuk zia leh san zia hi han ngaihtuah vang vang ila ; a hmangaih leh a duh em em, an duhthlanna piahlam a Setana avanga chatuana kang char char tur a ruat hi a inmilh leh thlawt bawk si lo. Ni e, side dang atang pawha thlek pawhin thlarau hi mihring  a nihloh zia chu Pathianin Adama(mihring) chu “vaivut i ni” a ti miau mai si a le, vaivut chu thlarau emaw energy a nih ngaihna hi a awmlo hrim hrim phawt a. An composition pawh a hrang hlak a ni. A nung hek lo a, a thi ve leh chuang bawk hek lo!

Khing atang khian thihhnihna chu engtiang chiah nge maw a nih chu a lang ta ruai ruai mai. Pathian thlarau chu a kan loh tur zia chu kan hriat vek a ni tawh kha. Lo kang reng pawh nise chatuan a kang tur chuan ala rinawm lo leh cheu pek a. Miin Mount. Everage sang tak mai a sawi a, pakhat chuan an insang tak mai a sawi bawk ang vel hi a ni chatuana kang chungachangah kher hi chuan. Chatuan hi hebrai tawngah Olam a ni a, greek tawngah Aionios a ni. English bible hian Forever and eternal  tiin a dah ve bawk. Bible hian misual te chu chatuan hremhmun ah kal tur leh kang turin hmun tam takah hian a sawi ta mai bawk si a. Chatuana kang tur annihna hi Pathian kalsanna/thihhnihna chu a ni em tih hi pawimawh lai tak chu a ni. Mahse chanchintha hian taksa(soul) leh thlarau(spirit) tihlum thei tu lo chu hlaulo turin min zirtir leh tlat mai a. Tura Lal sunna hla ah lah Setana chu awmleh ngai tawhlo tura tihboral vang vang a ni dawn bawk si. Ni e, context hrang hrang atanga reason leh logic han hman chuan bible hian misualte hi kumkhua a kang tur tak tak chuan min tilo tih hi alo chiang ta, kang/hrem hnu a tihboral vang vang tur a ni tih hi alo chiang ta em em a nih chu.

Engtia kang tur nge kan la nih cheu  tih chu zawhna awm leh thei a ni. Physical death hi Pathian hremna leh alo kal chhan a ni tih chu “in thi tur a ni” tih kha Physical death a ni zia  Thuhriltu chuan mitthi’n conscious mind a hlauh zia leh midung dam te angin nerves pulse anneih loh zia atang a tifiah em em a. Chu chu thihna hmasa zawk a ni tih pawh a ni. Chutiang chiah chuan Pathian hmangaihna nasa tak chuan thih hnihna chu ala tih ve hi a rinawm. Engtin? Mihringa thlarau chu Pathian thaw, Pathian ta a ni a, thihna hmasa zawkah khan a thi ve reng reng lo a, minung a chu alo thih ve a nunna thlarau chu Pathian hnenah a let leh vek zawk a ni. Heta tang chiah hian a ni pawimawh em em chu lo intan ta. Thenkhatin thlarau kang turin an ngai a, thenkhatin thizui vang vang turin. Thawhleh na, taksa thawhlehna hian a nia rawn sawi chiang ta em em chu(mahse bible hian a chian luatah a sawi ngun lem lo). Mitthi hriatna reng reng nei tawh loin a nerves rawn activate a, na(hurt) hre tur chuan thlarau a dawn a ngai ta a nih chu. Chu thlarau kan dawn erawh chu mifel leh misual inkarah hian category hnih a awm thung ang. Taksa tawihthei tawhlo a nun rengna petu thlarau chu mifelte chan tur a nih a rinawm a . Misualte chan tur erawh logical takin han ngaihtuah ang aw; Bible hian kang(burn) tur hian a ti miau bawk si a, kang tur chuan mei(fire) a ngai bawk si a. Chu mei chu OT hian chiang deuhin alo sawi reng mai-thlarauthianghlim tiin. Heng atanga rawn lang ta ruak mai chu misualte taksa thawhlehna thlarau dawn chu hei chiah hi a ni. Misualte tinung a, tihrehawm/tikang tu chu. Hei hian an taksa ah hrehawmna nasa tak a siam ang a, chumi hnuah  awmtawh ngai reng renglo turin chu thlarau chuan a kalsang ang a, engkim engkim ata hi tihboral an ni tawh dawn tihna a ni. Hei hi bible hian sawi diak diak lo mahse thihhnihna hi tihboralna chiang tak mai, physical death bawk kha a ni. Pathian that zia hi chu aw, taksa tihsual chu taksa vekin a tuar tir hi a tha tak zet a ni.

NUN HI A FIM FO TUR A NI

He damchhung hun hi ngaihtuahin a reilo lutuk. Vawikhat chauh kan hmang dawn a, hman rei tum viau pawh ni ila pawh sei theih a nilo a, beihdawnna mai bak kan hmu ngai dawn lo. Thirtum pawh sawi tum ang chauh a ni ang. A hmang rei awmchhun te lahin lungngaina mai an ti leh bawk si. Bible lam keu pawh ni ila nun lah hian awmzia a neilo a ti elo maw..! Nun hi hman ve tak tak alo ṭul ta. Chu chu ka nun, ka chanvo chu a ni ngei a ni. Tûma khap theih pawh kan ni lo e, Sawrkar dan emaw, Kohhran tana hnawksak ka nih loh chuan chu chu i thu ka  thu a ni.

Mahse heivang hian chhia leh ṭha hriatna chu hloh kher a ṭullo. Mahni chanvo daitheu a ramri pel hi a dik tawh lo. Chuvangin reasoning hi hringnun ah a tel tlat tur a ni. Mizo nu rau deuh tena“rau thawh ang zelin" an tih ṭhin te nên kha chuan chhim leh hmar ang hlauh a ni thung. Keichuan rational taka rau lo thleng ṭhin dawngsawng tute hi an thlarau nun a nghet ka ti. 

Mahse Age of Reason a cheng tawh tura ngaihte pawh hian hringnun hi an lo hmu phe ve fo ṭhin. Chu chu mihring nun tingaihnawmtu chu a ni lawi si. Fimkar reng tura inngaih hi a hah thlak. Fim a har zia chu mihlimnu hote aṭang hian kan zir thei. Hmangaihna ruamah phei chuan 'a fim fim' tih chi a ni lo; a fim lutuk chuan  a par hmain a kuhmum ah a tawp mai ṭhin. Hmangaihna chu a mit a del an tihchhan te pawh hei vang hi a ni mahna le; lo var palh se chuan kan invawthlu rem rum zawk mai lo maw? Thinlung taka inhmangaihna phei chu a awm ka ring hauh lo, kan tlinlohna hre reng chunga kan inpawm luihna zawk hian hmangaihna a siam ni maiin a lang.

Fim luat tuk hi chu a ṭha lo hrim hrim. Mi fim lutuk chuan nun hlimna a chan a, an bula awm pawh a hahthlak ṭhin. Midang tan pawisawi hauhlo mahse an kianga awm a hahthlak a, inven reng a ngai ṭhin. Dik tak chuan kan felfai lutuk hian midang tan phurrit kan lo ni chawk a nia.

Nut phut lah chu a ni bik miah lo. A nut phut chuan mahni leh mahni a inhmu chiang thei lo a. Kawm tlak pawh a nilo. Reason leh emotion  hi thil inang lo tak ni mahse an pahnih hian an intifamkim êm êm a. Mihring min timihringtu pawh a ni. Chumi karah chuan hringnun hi alo inbuk tawk êm êm tur a ni bawk. Mahse bazar nu hoin a inbuk tawk chiah an tih ang nilo, Legal metrology hoin a inbuk tawk an tih ang chiah tur hi a ni. 

Achang chuan head  hian heart hian a over-rule fo ṭhin tur a ni. A over-rule reng erawh chuan kan taksa ah Chemical Dopamine  a insiam tlem a, hlimna tak tak hi a kim lo ṭhin. Chuvangin heart hian head pawh hi a over-rule ve leh fo ṭhin bawk ang. Chuti chuan hringnun chu a beat  leh rhythm alo dik ta chiah a. Hmangaihna ah ngat phei chuan heart hian chanvo la se, a dik ber mai.

Hriatreng tur chu thil inbûk tawk zawng zawng hi a inzat thlap chuang lo. Lapaw kg 1 leh thlirtum kg 1 hi a intam hleih a nia. Chuvangin emotion leh a beh bawm zawng zawng hi chu reason hian a thlifim fo tur a ni. Emotion hmachhuan a piangthar Mizo ho rêng kan daih rei thei lo. Emotion hmangin Thlarau Thianghlim kan dil a, tlo zia rêng kan nilo. Chuvangin reason hian hringnun-referee angin mi a thlifim fo tur a ni.

Kha chrismass nawm zia kha! Mahse…

Mahni chanchin sawi reng mai pawh hi a nuam lo. Thiante ho hian i inti mualpho min ti fo leh nghal. Awmdan pawh thiam a har a nih hi. Mahse ka nu han hrilh ngawt dawn ila ni ber dawn bawk silo. Ka pa lah han hrilh dawn ila “i pa lo e mai” min tih ka hlau leh bawk si. Thiante ho lah hian lungleng reng mai, i sawi ngun hi min fo bawk si a. Engpawh chu nise ka inthup zo ngang silo a, ka tuar ang tuar ve, ka rilru ang pu mi anlo awm ve hi ka ring a; chungho tan chuan ziah chhuah ve mai hi pawi tihna ka nei hauh lo. Mahni chunga thleng chu hrilhna tur nei heklo le, mahniin zan reh takah phone hum chungin message ka nghak a, alo thleng thei si lo. Achhan dik tak nen lam hria ula chuan min dem bik hauhlo tur hi a nia. Nie, mahni blog ngei maiah hian meng parawl pur chungin khawnge ka han thai leh mai ang e, min dem bik lo ang che u.

A vawikhatna atan ka pa’n  ka nau bike thar a leisak tum kha bike ka khalh hmasak ber leh thiam hmasak ber a ni. Ka tangkaipui narawh e; zan lamah lengvakin zing dar 1 rik dawn dawn ten ka haw thin. Mahse aizawl a awm ka nihlauh avangin chu hun tawite chawlh ka neih ve chhun chrismass chu duhthawh tak a hman ka chak ve hle a ni tih ka chhung te pawn an hre mai a. Min hauh ngai lem lo.

Kha chrismass aizawl ka haw tum zet a nuam a ka hman kha ka la hrelo! Achhan chu ka duhtak nen kan hmang dun miau a lawm; A  tello a hun hmang thiam lo, zan pawh hi a message dawng lova rei ti em em thin kha ka ni a.  A aw ka hriatloh chuan mu thei lawklo thin ka ni. Amah pawn a hai ka ring bik lo e. Ni e, ka hmangaih em vang leh nupui atana ka hual reuh reuh a nih avangin ka duat a, ka veng him hi ni berin ka inhria. Lo induh ta pawh nise ka hrethiam, ka duat em a tin ni.

Zan inkhawm ban alo ni a, bike ka tinung vut vut a, an inlam hmachhawn chung chuan ka inkhalh chhuak ta le. An inkawt chhuk thla step a ka pen thla ri tak tak a, an in ka han lut chu ka duhlai te i ngei mai khan nui sang chungin minlo chhawn thin kha a nia, ava ngaihawm em! Achhungte phalna ngeiin urlawkzan aizawl khawpui an chei en turin dar 10 vel ah kan han tlan chhuak a, khalh thiam tha over ka nihloh avangin bawngkawn atanga ramhlun luhna kawiah kan hanin bun rap mai chu zakthlak tak a sin! Bialnu te tlukpui rap mai chu. Kan tho a, kan han tlan leh ta. Ka tlu tawh lo ang tiin ka hrilh dap, chanmari kawn kan thleng chiah chu kan thlu leh ta, ava mak ngai em! Zan lama aizawl khawpui chei dan en tura mipui lo tlim mur mai chuan min rawn bawr luih luih a, zahthlak leh tak chu a ni! Atawp nan “ka tluk pui tawhlo tak tak ang che” ka ti a, temple kawt kan thleng ta maw tihah kan thal leh tawp mai. Awle, ka thiamlo a ni tiin ngaihdam ka dil a ngai ta.

Heng zawng zawng baka ka taksain ala tem nin reng rengloh chu ka hnungah thlamuang taka arawn bei lai te, ka beng bulah “ka hmangaih  che” min tih laite. Mela en tura kan kal tum, thinrim taka ka hauh laia ngawi renga alo ngaithla deuh deuh lai te, “min kalsan suh aw, min kalsan chuan ka that ang che” a ti lai te kha ka rilru hian ala vawng reuh reuh thin. Khuarei hian min theihnghil tir dawn reng reng lo.  Hmangaihna hi chu alo mak thin ngawt mai ka ti! Kei zawng ka mit hi a del lua a ni e. Kha ka duati tello kha chuan ngaihzawng dang reng reng neih hi ka tui thei tawh lo. Ngaihzawng neih nawmna hi ka hre tawhlo, ka hlim lo a, ka tuipui tawh bawk hek lo.

Achhan chu maw, kan hun tiam a pel ta. A message reng pawh ka dawng lo a, a phone call pawh ka dawng hek lo. Ngawi rengin he amah ngai leh hmangaih em em tu hi minlo kalsan reng chu niin! Tunah chuan ngaihzawng dang alo nei ta. Engpawh chu nise he thawnthu hi timai hian a tawp ka ring ngailo a. Harsatna leh dona nasa tak karah ka pawm vawng vawng thin kha  a ni si a. Mahse kha chrismass chauh kha a ni, ka nuna chrismass hmasa ber chu.

“Ka taksa chuan hlat viau che mahse, ka thinlung erawh i kiang ah ala awm fan a.

I duhloh hnawl hnu ni mah ila ka la hmangaih reng che  a sin;

I tello a ka hlimna zawng zawng te  ai hi ,

Nangnen a harsatna kan tawrh dun te kha ka la ngaihlu zawk fo thin.

A  thinlung ka hliam  ang tih hlau reng renga ka duat chuan

Ka thinlung a hliam ta si a!

A rilru a na ang e ti a ka hmangaih em em khan

Ka rilru a ti na  a sin! ”

Tuaktir nupa inthen chhan zanlai service?

Tunlai chu facebook THU NGAIHNAWM HUANG hi ka bih ngun khawp mai. Vawi hnih lai chu ka blog ami pawh ka thian pa’n min post sak ve tawh bawk a, ngaihnawm ka ti thin khawp mai. Mahse inlo chinglet ve thin em aw ka ti, Tragedy story ho reng reng hi sex problem a ni deuh vek mai a. Chu pawh chu mizo ram leh ram pawnlam thil thleng deuh vek ami a ni, mizo te vek a tawngtu  an la ni bawk.  A tak nge a lem chu ka hre hauhlo a, mahse background nei chu an ni thung. Hetiang hi a nih chuan aizawl thleirawl kum 13- 24 inkar khi chu sex ah hian nasa takin an lutthuk tawh tih a hriat mai. Tenawm thawkhat deuh chu a ni!Ka thian pakhat chuan ti hian min hrilh fo thin; hmangaih leh duh em em, an tello va awmhar kan tih thin ngawih ngawih te hlut zia hi i hria em? Kan hmangaih tak tak avangin an thianghlimna pawh laksak kan la phallo a, midang te zinga inchhuan ruk nan kan hmang fo thin. Nu leh pa te phalna ve ve a zanlai khum chungah hmangaihna par inthliah dun mawlh mawlh te hi a special tiraw…Mahse duat leh lungchim taka  dawm, an thianghlimna pawh ngaihhlut sak a  dil lui ngailo hi nupa kan nih zan, khumlai zawl chung ngeiah a virgin lo tih han hrechhuak ta ila na ka va ti dawn em a ti thin.

Nilah taka , hmangaihna hi pure heart ringawt a ni ngailo. Mipa hmangaihna chu thluak-ah, hmeichhe hmangaihna chu thinlung ah a ni daih. Hetiang a nih chuan sex leh heart hian 50+50  angin hmangaihna hi an siam a tih theih mai awm e. Anilo ti tur banphar rawh se ti ila 30% vel chu mihring pangngai zingah ah hian an awm a rinawm chauh bawk. Kohhranin diklo taka hmangaihna ah hian sex alo hnawl ngawt mai thin hi a pawi ngawt mai, bible ziahdan a ni der silo! Thalai ten hmangaihna awmzia an bo map map a, in “khilai”  tur a maw an inti a. Virgin-na hlan hi hmangaihna emaw ti tlat pek an awm a, virgin nih hlau an tam a, virginity nuihsawh tu an awm bawk.

Mipa lah bang hek suh. Nupui lo tur chu an kawr phelh saklo mai se tha tur a nia. Hmeichhe virgin tlemna chhan tam tak hi mipa demand a awm vang a ni. Demand thintu chuan virgin-lo nupui nei ngam rawh se. “Virgin kher a ngai mi” ti tu pawn sawi sawilo mai se, hmeichhia ten hetiang rinna der dep tak hi innghah nan anlo hmang a,  an inthlahdah fo thin.

Thupui lam hnaih tawh teh ang. Nupui chu ka la nei hauh lo. Mahse presumption zam ang aw; Hmangaihna avanga nupui pasal inneih hnu reilo te a nupa inkara inhmuh thiamlohna, inthenna hi engvang nge ni ang tih hi ngaihtuah a ngai khawp mai. Thalai tan a pawimawh si a. Past life leh future hriltu ka ti hial thin. Ti hian ngaihtuah chhin ang aw…


Nupui pasal inneih chhan ah chuan hmangaihna mai bakah sex hi a ni tel tih chu tupawn kan hai loavang. Duh tak, thianghlim tur a an ngaih te nen nupa a insiam ve leh tuma hriatlohin sex hman a ngai a. Chutah tak chuan sex hian “Past” chu a rawn pholang thin. Chutah chuan an  hun kal tawh a an nun dan chu sex an hman chuan a pholang ta a. Mipa in sex alo hman fo tawhna hmeichhia te a diriam thin zia kha  a hrechuak a, a lungawi lo, hmeichhe hmusit si. Hmeichhia inthlahrung, inthen leh mai zak tawh si, mipain a hmuhsitna hre ve kur tawh bawk si. Chu an problem solve tur a chhungte pun chu an pahnih duhthlanna avanga innei an nih tawh avangin an zak bawk si. Inhmusit ru tak leh indiriam ru takin thu sawtlo tak takah intithiamlo in reilote ah an inthen ta thin niin ka ring.Enge inngaihdan le????

Zu ka in, mahse sual???

Mizo kristian te ah hian engvang nge Pianthar hnu a da(sual a inhriatna) hi a tam em em zel mai le? Kan piangthar a, zu vawikhat in avanga da leh ta a inhriatna te, dawt sawi avanga sual ta riau a inhriatna te, Pathian duhloh zawng ti ta mai a inngaihna te. Biakin pawh thleng tlaklo, sualna leh bawlhhlawhna a khat ta mai a inngaihna te hi engvang nge ni ang le! Rawngbawltu te pawh hian hetiang hian mi an zirtir thin a nih chu mawle!!!

Hetiang a nih chuan ringtu tan hian engmah hi tih thianglo a ni ta mai em mi le? Engmah ngaihtuah leh suangtuah hi a tha lo tihna vek a ni dawn a sin? Engkimah hian sual a awm ve vek si a ???!!

Korinth ziak ah chuan ” thil engkim tih ka tan a thiang a, thil engkim tih ka tan a tha vek kher lo” a ti a, a dik thei ngang lo, ”  thil engkim tih ka tan a thiang a, eng bawiah mah ka inphallo” a rawn ti leh ta!

Pathian hian ringtu tan engpawh tih a phal a sin. Zu in hi a phal a. Sex hman pawh a phal a. Dawt sawi pawh a thiang a lawm. Ringtu chuan engkim hi a ta vek a ni a sin.

Mahse chung tih chu sual na a ni dwnlo em ni? Nilo e, Setana chuan zu in hi sual a tilo, sex hi sual pawh a ti bik hek lo. Dawt sawi pawh hi. Mahse a chung ho tih avanga lo thleng thin Pathian ngaihsaklohna hi a ni sual ta ber mai chu. Heng avanga kan thinlung a Pathian lak a zahna, hlat mai duhna te, chaklo ta riau a inhriatna te hi setana chuan chance tha takah hmangin a tluk hlen tir thin. Suala inhriatna te nen lam hian min tichau daih thin. Chu chu setana tectic, tha awm taka langa tha silo tlukna hmawr inphum ru chu a ni.

Thil engkimah hian a tha a awm a, a chhia pawh a awm bawk. Chu chu Pathianin a rorelna dik zia setana’n a chhuahchhal loh nana a pek chu a ni a. Pathian hian engkim kan tih hi a phallo a nilo, kan tluk ber hi a phal lo a ni. Setana ve thung chuan kan tih a, tluk hlen vawng vawng hi a duh chu a ni.