Kum 2000 chhung Juda te buaina ngailo han chinpawr meuh chu siam that leh a har zia hi Thlarauthianghlim tello chuan tih mai mai chi pawh a nilova, chuta karah Thlarauthianghlim tello chuan hmuhfiah pawh har vet vet tawh tak a ni! Kum zabi 1 laia Isua hunlai kha a liam a, Kum zabi 2-3 alo kai meuh chuan Church Father, Apostle te pawh anlo muhil zo ta. Juda mitthlana a engkim mai dik leh fel zawk thin kha Greek leh Rome- pa ten kum 200 chhung lekin an han chingpawr tak tak mai chu kan buaina hi a ril vet vet tawh tih hian sawi a ziaklo zawk ang. Buh lem leh Buh tak pawh hi hemi phenah hian a inphumru nasa a nia.
Chung zinga langsar ber chu denomination hi a ni. Mahni hriatdan leh tuina lam atang Pathian thu keuh thlu luia, a diklohna aia a dikna chauh zir a, hriat tum a, inhnial tawnna hian hriatloh karin Pathian hming hi sawichhiatin alo awm nasa em em mai a! Chu chu kan hmu thei der bawk silo! Kum zabi 1 hnu lama Council of Nicea, Council of Loadikei, Council of Carthage, Council of Hippo..adt ten doctrine leh Dogma nasa tak mai an rawn hrin chhuah hi dik tak chuan Juda pa khan a tum a nilo a, Greek leh Rome-pa in hmu dik ber inchuhna avang zawk a lo irhchhuak a nih hmel a. He denomination phen hi tunlai tawng takin "Biakin phena inngaihna thianghlimlo" ang vel a ni ber mai e!
Kan hmuhfiah theihloh leh Bible hian chiang ngei ngeia a ziah pawh kan ngaih kawih a, kan duh dan te lo chuan zirchhuah kan tumloh luih hi saptawng takin Egocentric ti ila a sual lovang. Oneness leh Trinity dik zia leh inhnialna teh fung atan tak hian John 8:58 "Abrahama awm hma pawhin ka awm(I AM) tawh" tih Isua sawi hi hman a ni fo thin. Hei hi hman chi a ni em? A dik em? Kan duhlam lam hi kan dah sang mai a nilo maw tih hetah hian chik chhin ang aw.
John 8:58 hi King James Bible(2003) ah chuan tihian a inziak a, "Jesus said unto them, Verily, verily, I say unto you, Before Abraham was, I am". Heta "I AM" tih hi Exodus 3 leh Isaiah 46:4 tea YHWH-in "I AM" a tih te nen hmehbelin Isua chu YHWH ngei a ni tiin ngaih nghet tlat a ni a. Hei hian kum zabi 2 na daih tawh atang khan Sabellus ho khan anlo ring ve diam tawh bawk. Tunlai Oneness doctrine tanchhanna atana Theologian lian leh miril tak tak ten an thehlar chang a ni bawk.
He verse hi mak tak mai chu ngaihkawih luih, egocentric kha a ni a tihloh theihloh. Miril, Greek leh Hebrai tawng lama mithiam tam tak te pawn anlo zir tawh a nia. Mahse Doctrine humhim nana an hmang lui tlat mai hi mak tak a ni. Ngati maw? Tawitein aw- Abrahama awm hma hian Setana, Vantirhkoh, Adama, Evi, Neffilim, Nova..adt atam lutuk, hengte hi an awm tawh a ni tih te mai hi a ni.
Mizo Bible ah chuan a chiang mai a lawm a ziak ang ang chuan. Mahse Roman Theological huangchhunga twist luih a nihdan zawk hi a ni pawi em em chu. Acts 10:21 ah chuan Petera chuan, "Inzawn hi ka ni e; enge inrawn kal chhan?(I'm the one you're looking for. Why have you come?) " a tia. Petera chuan "I AM" tih a hmang ve tho a. Tin, Luke 1:19 ah chuan, "The angel answered, "I am Gabriel. I stand in the presence of God, and I have been sent to speak to you and to tell you this good news" tih ani leh a. Gabriela chuan "I AM" tih a hmang ve bawk.
"I AM" tih ringawt Isua'n a sawi avanga YHWH-in Exodus ah "I AM" alo hman ve avanga Isua chu YHWH emaw tih mai hi thil pawi tak a ni. Chutianga Word Game ang zawka lak dawn chuan Setana hi a upa em em a. Babelism hi keini hian lo inlakchapo pui chi vak chi ni pawn a lang lo. "I AM" tih kan tuipui ro ro a nih chuan Gabriel leh Petera pawh khi YHWH an nihna lai a awm ve tlat bawk si a ni. Hei hi kan hmuh thiamloh luih a ang a, tihsual palh ni pawn a lang lo.
Thlarauthianghlimin YHWH mitirh Yahoshua min hriat tir hi Thlarau rah leh hnathawh a ni e.
.jpg)
