'HELLO' MIZO VERSION

Hello,

Min hria em? Keimah ka nia..ih..englo, hei leh chen hnu ah hian thawnthu hlui hlimawm lungchhiat thlak si te kha sawi in hun kal tawh ah kan let dun mai mai dawn em ni ang..? Ni e, mi te chuan hun in min thawidam ve mai ang ti in min hrilh thin a, mahse tun thleng hian chu hun chu ka tan chuan a la thleng lo chu a nih hi..

Hello,

Min hre thei em? Tunah hi chuan Khawpui ah te awm in khawpui nun te ka tem ve e ka tia..Ka ngaihtuah let thin a sin khang hun lai te kha..engkim mai a hlimawm hun lai, a awlsam hunlai leh engkim mai hi a that vel vek hun lai te kha. Ni e, khang hunlai, phurrit leh thawpikna tel lova Changtunu leh Changtupa kan nih lai hun te mumang ram ang riai bak in ka pawh pha tawh si lo..Tunah chuan Nang leh Kei, kan danglam tawh lutuk, mualzapui kar dan ah kan leng ta si nen..

Hello,

( mualza kar dan atang in)

Ni e,rawn be pawp tur che ka nia, engemaw tal chu rawn sawi tawh tur ka ni. Ka thil lo tih tak te,i lak a ka tih ngei ngei tur ka tihloh te,ka tih hauh loh tur ka tih tak zawng zawng ah te khan ngaihdam dil tur che ka ni. Mahse biak ka tum che in min chhang tur i awm ngai si lo..

Hello,

( Khawvel dang atang in)

Min dem viau pawh ni la a awm,a awm ltk. Mahse dik tak chuan tum chu ka tum ve chiang alawm. I laka thupha chawi tur a rawn biak che kha chu ka tum ve chiang a ni. Mahse awmzia a awmlo. I tan awmzia tak tak a nei dawn chuanglo a ni ti raw..

Hello,

Enge i an zel le? Ka dan ngai te te bawk in ka chungchang ngawt ka lo sawi leh pek a, min ngaithiam lul teh. I that zel ka beisei a nia. Kei ang vang mai mai chuan i chhiatphah in i nun i ti khawlo miahlo ang ti raw..Mawh? Sawi teh..Kha khawpui, natna leh hreawmna bak engmah pe lo tu che chhungah khan i la tawm reng em ni? Zep rual a awmlo, phat rual a awmlo.. Kha khawpui kha kan tan chuan a thi tawh a, kan hun kha a liam tawh a ni, alo kir tawh dawn lo. Awrawl tawp in Au mah ila a lokir tawh dawn miahlo a ni.

HUN NGAIHAWM

2013, thlasik intan tur lai vel kha a ni a. Chhungte phallo chung chung ka bialnu hmu turin Delhi ka zin risk ve tawp a. Rinloh takin thlakhat vel chu Mizoram House ah thlengin ka ti ve naw naw a! Mahse a ngai reng hau silo, chhungte pawisa ka dil ngam silova, ka phone ka hralh a. Ka bialnu te in a lenna atan chu pawh chu ni hnih chhungin a zoleh ta vek a! Pawisa ka neih reng reng chu Chaw ei aiin Delhi ka kal chhan ka bialnu te in a lenna tur fare atan ka dah tha zel a. Thla alo liam meuh chuan ka cher vek tawh! Mizoram house chaw pawh ka eipha tawh lo! Ka nghei char char a. Ka sum beitham tak chu ka bialnu hmuh nan ka hmang a, a awmna ka thlenin anin duat takin ka riltam lutuk reh nan a neih ang angin minlo hrai puar thin a! Ka taksa chu ei hmulo anih avangin a cher tawh tak zet a. Ani chuan an ina leng lova eitur lei zawk turin min khawngaih chuan min chah a, tap chungin eitur lei zawk rawh min ti fo thin! Mahse eitur aichuan a hmel hmuh a, a bula va awm kha ka thlang miau si a! Ani reng a, ka hmuh kha chuan ka riltam te, ka tamchhawl te kha a reh vek zel nghe nghe a sin!

Mahse a tawp ah chuan Mizoram house awm man te, eitur man te, ani chenna in a lenna fare tur tak ngial pawh ka nei ta lo! Inbe tur pawn phone ka nei tawh lo! Ka phone pawh ka hralh tawh si a! Vanneihthlak zetin chutih lai a Mizoram House lo awm ve te phone atang kan inbia hlauh, Mizoram House alo kal tur thu min hrilh a!

Thla 2 zet Delhi a awm dun siin kar 3 dawn chu kan inhmuh tawh lo vang vang a! Sum leh phone awm tawh miau lo le!

Tichuan, a lokal dawn zan ka nghahhlelh em em hun alo thleng ta a. Chu zan ber kher chu Delhi mizo hun hman zan ani ber kher a! Mizoram house chu alo kal ta em ka hre theileh lawi bawk si lo! Mahse min tiam si!

Phone turin mobile ka hralh daih tawh a! Khawilai ah nge a awm pawh ka hre thei lo. Ani pawn min hmu thei lo! Inzawh tur lahin kan inzawt theilo! Mipui an tam si a. Mipui tam tak karah chuan kei- eitur aia amah hmuh nana sum hmangraltu leh chaw reng reng la eilo mipa kha, min hmuh chak em em tu leh min hmangaiha ka tana tap fo thin ka hmangaih nula nen chuan kan inzawng ta a lawm le! Mizoram House a mizo zo zai khan kan boruak tawn an hre hauh lova, min ngaihven hek lo! Rei fe kan intawngpawng zawn hnu ah kan han inhmu dun ta chu- kan inkuah a. Kan infawp a, kan mittui alo tla dun zung zung thei hial anih chu!!

Tunah chuan nunhlui ah anlo chang a, ani chu a liam ta a. Kumkhua atan midang ta alo ni ta! Ka hmangaih, ka nunna aia ka hmangaih thin kha ala ni reng a. Khang hun kha atan pawh a hrehawm ve fo ngei ang! Mahse tunah chuan pawisa nei ngailo ngaihzawng a neileh tawh ngai lova nga. Bialpa, chaw eitur neilo leh cher em em a neileh tawh ngai lovang! A bialpa chuan keimah ang nilovin eitur a ken sak fo zawk bawk ang.😂

Ziak pakhat chuan "keimaha ka hlimna zawng zawng aihian nang nena hrehawm kan tawrh dun hi ka hringnuna la hlimawm leh ka theihnghilh phalloh ani" a tihial a sin!

Show More Re

HMANGAIHNAIN A HRIN

Ngawl vei ang mai hian chu thil pakhat tello chuan ka kim lova! A tello chuan hlim har ka ti a! A tello chuan eng mah ka tui lo va! A tello chuan ka nun a ruak vek a! Ani, a tellova ka tlei theih hauh siloh avangin thlah mai ka duh a, ka paih a, ka rapsawm a, zu ka in a, damdawi ka ti a! Mahse a theih silova, min hlat pauhleh ka nâ a, ka zungzam ah a châkna alo lang, thikhawpa tuihal meuhvin mi siam a! Ka hlimna zawng zawng siamtu nibawk kha, ka hlimlohna siamtu alo nichhoh ta zel zawk a! Achang chuan ka hriatna te hi an rum vawng vawng a, min khei sawk sawk a! Damlai a awm lova, damin ka awm heklo!

Ani, he ngawlveina lak ata min chhanchhuak turin midang dang ka sawm a, ka rûm zia ka hrilh a. Ka theih tawp ka chhuah a! Theihnghilh daih duhin, mahse a zual zel a; tuman va hrethiam suh, ka ral raih raih mai zawng anih hi! Tunge, he ngawlveina lak ata min chhanchhuak a nga; a zunzam, a ngaihna, a hriatrengna, ami hipna te lak ah min pui theih ang le!!