FRIENDSHIP

Ka thiante u
Dam reng ang che u
Ka tan hian inhlu thin a sin
Ka naute mah ni ula min fuihna
Min fuihna zo zai hi ka tan hlimna a ni

KA DUAT KA FAPA

Ka duat
Ka fapa
Ka va hmu chak thin che em!

Nangmah
Nangmah kha
Ngai hian ka mittui a tla thin a sin!

I hlimthla
K bula i awmlai
Engkim mai hi ka ngai thin a ni.

Ka hmuhleh
Hun che chuan
Min hre tawhlo mai thei
Mahse ka hmangaihin ka ngai che a

Minlo hre reng thin dawn nia

IH MAW....

I aw ka hriatloh zante hian

Khawharin ka khat thin asin.

BIBLE I RINGNGAM DAWN EM

Tleirawl missionary hian a missionary chhung khan vun lam natna a vei tlat mai. A haw a, doctor hnenah ava inentir ta a.

Doctor- Leprosy(phar) i kai tan anih der tawh hi a

Missionary nu- Ekhai, ava mak ngai em!

Doctor- Tinge i inentir vatloh a?

Missionary nu- Missionary in thingtlangah ka awm a. Min tawngtai pui tawh a lawm.

Doctor- Mahse hei a stage a sang vaklo a damdawi hmangin ila dam thei a nia.

Missionary nu- Ka va lawm em!!!!

Doctor- Chutih rualin Bible pawn Leprosy tihdamna a inziak a sin.

Missionary nu- Khawiah maw? Engtin?

Doctor- Leviticus bung 14 ah a inziak a lawm. Zava thianghlim pahnih lain........... pakhat pastor-in a that a nga, chu sava thisen chu i taksa ah vawi sarih a theh a nga, i thianghlim mai dawn lawm!

Missionary nu- Mahse!!!???

Doctor- Missionary i ni a. Pathian leh bible i ring a. Science thiamna hmanga dam nge i duh bible hmangin, i duhthlanna a ni e!!??

Missionary nu- Science damdawi chu ka lo ei mai a nge!

Doctor- Mahse Bible kha i ring sia!! Tunah i ring ta lo tihna em ni?

Missionary nu- Teuhlo mai. Science damdawi aiin Bible in damna tura min sawi hi kan pastor ka va tih tir a nge.

Kum 1 hnu ah chuan hmel hmuhtlak meuhloh thlaklak nen Leprosy natnain a boral ta ngei ngei a.

?????????

CHHINGKHUAL THALENGHERI

Ka phone bo ta ah khan ka pa hian a thianpa nen tingtang kuaha tlawrh em em a he hla an sak lai video hi minlo thawn a. Zanin ah youtube ah he hla ka han hmuleh thut chu lung avan leng duh em aw. Mizo lengzem zainem ho hian lunglen an hnem miah lova, lunglen an titho a, chutih rualin ngaihthlaknin lah an har mang e. Tunah chuan "CHHINGKHUAL THALENGHERA" ti thungin ka fapa, a pite inlama zin mek tan ka han hlan ve thung a nge...

_______
Awmhar saisen nau'ang tah ka bang dawnlo.
Chungkhua alo hnim van zawl ah.
Tahlai min hnemzo an awmlo;
Ka tan khawtlangpui zaleng an chuai!

Engtin ngai ve tak ang maw zalen zawng hian,
Hleite'n i dang chuang thinlai ah!
Dawn ti tam thinlai tiriangtu-
Ngaihnobei CHHINGKHUA THALENGHERA

Aw lunglen a thar nang vangin
Ka tan tahna mai ilo ni.
Pialleiah inthen mah ila,
Min rawn zawngchhuak lehla tlangvalte-
Pialral ah!

FAPA HNENA LEHKHATHAWN

I dam that ka beisei hmasa ber e. Engpawh nise ka hmu chak chung chung chea kei aia hmangaihtu che i nu bulah i awm a ngai si a. Keichu min hrereng thei anih chuan ka lawm em em ang!

Ilo pian ni chawhnu lamah khan thingthiin i nu awmna room ah ka awm a. Ka nghakhlelh chein piantha taka i pian leh pianloh tur ka hrelo a. Ka mittui a tla hial a sin. Nang ilo lan tak avang a ka hlim zia kha. Ka hlimna kha nasa tak ani. I hmui ah ka fawp bang lo a. I muhil lai pawn ka fawp ngawih ngawih zel che.

Min hmuhleh hun chuan i pa ka ni tih min hre tawhlo pawh ani mahna. Mahse ka hmangaih em em che a. Miin ka fapa anih an ringlo che chung pawh ka fapa i nihoh ka phal ngai lova. Mahse min hmuhleh hun chuan min hrechhuak tal rawh aw. Ka ngaih em avang che a i nu ka call fo thin khan kan karah buaina a siam ta si a. Ka hmangaih, ka ngaih em em, kar khat chauh ka hmuh lai che kha ka tan avan hluin ava lunglen thlak em.

Engtik ni emaw chuan i pa hian hlawhtllin hun ala nei a nga. I nu ka hmangaih a, nang phei chu kan tan rangkachak i ni.

Lehkha i chhiar theih hun chuan he lehkhathawn hi lo chhiar la. I pa dawt tinrenga an puha ka lak ata an laksak che hi hriatchhuah hun lo nei ve rawh aw. Ka hmangaih che u i nu nen.

Dam takin le

I pa