PUAN HNUIAH

Puanlum hnuaiah
Min ngaina suh
Nunna hlu hi
Puanhnuai-
Mai ah a
Awm si.

PIANCHAM CHIBAI

Hmuhloh der theih anilo,
A kawrhak chu a sen taitek mai a.
Tuman inhre ve der silo,
A zahzum hmel aiin a ngainawtawm a.

A nui her her kher zel nen,
Tumloh thleng thleng sawi a awl a.
A nui satliah pawh anilo,
A nuih pahin mi a melh zui kher zel si!

Nu lian leh sang tak a ni biklo,
Mahse kawngkham leh ringruh kham awm lova en reng pawha nuam tawk chiah zu nia!

A hmu ve tawh sit in awm em?
Chumi chuan " Zan ah thla a lang" timahse awi sak loh tur! "Zing ah ni a chhuak" pawh tise awih sakloh tur!

Ani chu vawiin ngei hian,
"She was only sixteen, only sixteen" 
Tih chunglam ah a vawikhat nan
A piancham alo thleng leh ta!
Hmana miten hrelo mahse
Keinin kan hria hi i lawm ang u.

KA DUAT CHAK CHE

ATM kawtah ka ding a,
Ani chu ka sir veilam ah;
A hmui a sen no hiam mai a.
Tarmit fim phena a mitmeng mawi,
A mawng toih tha lutuk tak leh a thuam nalh te,
Huiha, a va sial teu teu em!

Tunge siam che le!
Ka duat chak che!

ROMEO AND JULIET

Lehkha a zawnga lehkhathawn pawimawh em em Friar Lawrencea lehkhathawn chuan Romeo lusunna thlanchhung thleng hman lovin hripuiin a dang tlat si a!

Ani, Romeo hmangaih Juliet-i hmel chu a dâng riai riai a, Romeo lungngaih aû-aw chuan, “Then I defy you, O stars” tiin a mittui a hru mawlh mawlh a!

A rilru a fim thei tawk hek lo, beiseina beidawng laka a beiseina mei mit theilo pakhat chiah ala awm tih a hria a, âw dûl chuai fan reih rawi takin an tiamthû ala vawng reng ani tihlan nan, “Well, Juliet,” tiin a kianga Jaliet-i taksa hik tak chu a bia a, chân tura a suangtuah ngailo Juliet-i thlarau lenna ram tur a mitthla a, “I will lie with thee tonight” tiin a hmui la sen vam ham mai chu a fawp a; Mirethei tak hnena tûr alo leisa chu a in ve ta.....!!!

LETTER

YHVH HMING PHENA VANTIRHKOH(TUEMAW) AWM

Hagarin thlaler ah LALPA betu hming a phuah sak ,

Genesis 16:13
New International Version

She gave this name to the *LORD* who *spoke* to her: "You are the God who sees me," for she said, "I have now *seen* the One who sees me"

Hetah hian Hagari hian amah betu chu YHVH(LALPA) ani tih chiang em emin a sawi a. Chu chu hming phuah sakin El-roi(Min hmutu ELOHIM chu ka hmu ta) a ti a ni.

Hagari tawngkam hi enchik ta ila.

1. Amah betu a sawi chu YHVH tiin Bible hian a ziak a.

2. Chu chu Pathian a ti bawk a.

3. Pathian vek chu ka hmu a ti bawk.

HAGARI'N DAWT A SAWI EM NI

Isua hian tihian Hagari sawi kalh takin thû a sawi pek a,

John 5:37
New International Version

And the Father who sent me has himself testified concerning me. You have *never heard* *his voice* *nor seen* his *form*

Isua hi nge dawt sawi a, Hagari zawkin dawt sawi ????

Oneness rindan nise chuan Hagari hian YHVH mihring emaw pianhmang neia inlar- Theophanie an tileh mai a nga. Tin, YHVH tak tak *lang* leh *tawng* leh *hmu* angin an ring bawk ang. Hei hi comment atang a in type ka sawi chhawn a ni e.

Tin, chutih laiin Isua sawi pawh khi aah ngei *tisa* inalo chan phah alawm an ti bawk ang!

BIBLE CHANG DANGAH "PATHIAN" HMU AN AWM VE EM

Awm e, chu chu Jakoba bawk a ni. Hagari pawn a hmu bawk.

DAWT AN SAWILO VEK 'HAGARI', 'JAKOBA LEH ISUA HIAN

Hagari bik khi en ta ila, a tirlam ah kan en chuan YHVH nilovin *Vantirhkoh* a bia tih kan hmu a. Chu chuan YHVH hna a thawk a. Hagari chuan-

*YHVH min betu*
*Pathian*
*Ka hmu Pathian*

a ti ta mai a ni e. Hetiang chiah hian Jakoba pawh khan, YHVH buan lovin *Vantirhkoh* a buan bawk a.

Tin, Isua sawi *Pa an hmuh ngailoh* a sawi hi a dik chiah chiah a. Tin, *elohim* hi *Vantirhkoh* sawi nan pawh alo hman theih zia leh, YHVH *aiawh* sawi nan pawh alo hman theih zel zia a sawi chiang em em anih hi!