A BRIEF HISTORY OF TIME-SPACE

Kum 340 BC ah Aristotle-in a lehkhabu 'On the Heaven' ah kan lei hi a zawl duai ni lovin a sawl deuh va, a mum deuh bawk ani, a ti a! Ani bakah Ancient Greek ho kha he ngaihdan lamah hian anlo kal thui tawh em em a. Mahsela kan Earth hi a lai takah awmin Planet leh Ni te hian an hual vel ani, a ti thin thung! Earth hi kan Solar system ah a centre lo anih tih tuman 1514 hmalam ah anla hrelo, Polish puithiam Nicolas Copernicus chuan ngaihdan danglam deuh neiin 'Earth hi a lai takah awm lovin Ni zawk hi a awm zawk a; Tin, Planet leh Earth te hian an vir hual zawk a ni' arawn ti a! Ani model siam hmang hian John Kepler leh Gallileo te pawhin idea thar an siam chhuah belh leh a; John Kepler chuan Copernicus-a sawi Ni kan helna kawng ‘orbit’ hi a mum pup lova, elliptic zawk ani, a ti a! Chutih lai vekin Gallileo pawhin planet te hian Ni hi an hel satliahlo tih Jupiter a zirchianna aṭang a hmuchhuak bawk!

Kum 1687 alo chuang kai a, Khawvel a scientific law hmuhchhuah zinga ropui ber mai hmuchhuaktu Isaac Newton alo chhuak a. Ani chuan a hmalam a mithiam te ngaihdan lachhawngin a tidanglam bawk a. Chungho thlunkhawm nan chuan khawvel a pawimawh em em 'Gravitational Force' hi arawn thehchhuak ta a ni. Tin, chung te chu 'motion' chithum ah hman annih dan arawn sawifiah bawk a. Isaac Newton's Law pathum te leh Gravity te hian a hunlai mithiamte ngaihdan a siamchhuah sak dan ah Planet te hian Ni hi Gravity avangin kan hel a; chung gravity pahnih te chu Repulsion leh Attraction te an ni a. Tin, mass nei tam a piang ah force a chak a. Distance nei tlem a piangah a chak bawk tih ani a. 

Tichuan kum 1929 alo ni a, Star te hlat zawng teh tum tlat mi pakhat Edwin Hubble-a tihdan arawn chhuak ta a. A ngaihdan ah chuan Arsi te hi an hlatzawng teh theih niin a ngai a. Chumi Model atan chuan Newton Laws of Reflection kan tih mai thin kha a hmang a. Chu chu tuna Chhimbal(Rainbow) kan hmuh ang te pawh hi a ni a; Ni in kan Earth arawn sut dawn reng reng hian atmosphere an kaltlang na lamah spectrum an pe chhuak ṭhin a, chu chu Physics a lar em em 'Dispersion of Light’ kha a ni. Chumi hmanga Star te hlat zawng kan teh dawn chuan star atanga 'êng' lo chhuak hrim hrim hian blue shift hi kan lei an rawn thlen hian an rawn siam a. Nimahsela chumi chungchang a hmuh chhuah zingah 'red shift' a awm ve tlat chu Hubble a buaina a ni! Heivang hian Droppler's Effect, Police hovin motor speed an tehna a an hman thin hman alo ngai ta a. Droppler's Effect ah chuan motor speed tehna chu an engine sound cham rei zawng leh cham reiloh zawngah a innghat a. Chutiang chiah chuan Arsi te hian 'Blue Shift' bakah 'Red Shift' an lo pek ve hian an awmna original position ata an hla tial tial tihna alo ni a. Tichuan, Hubble chuan Arsi atang a eng lokal ‘blue shift’ te chu reilo te ah ‘red shift’ ah an chang ve leh nghal zel thin tih a hmuchhuak bawk a! Chumi awmzia chu arsi te chu an hla tial tial a, an rawng pawh 'blue' aṭang 'red' ah a inthlak tih a hriat theih ta a ni. Chung zawng zawngin a tihchian leh zual chu kan Universe hi a zau mek (expanding) a ni tih hi a ni!

.

Newton Law hi Hubble's Observation ah vawm kai ila, Universe past history hi kan hre thei a nga; chutiang bawkin a future pawh kan hre thei tawh dawn bawk a ni. Newton 1st Law chu kan han vawm kai ta ngei a, thil engpawh a chet chuan a chet tanna- initial state a awm a ngai ta a. Chu chu Universe zau mek a kan hmehbel chuan kan Universe hi hman ah chuan ala zau miah lova nga, a te hle a nga, point chhunhan khat tiat lek ani a nga; chutiang a nih chuan motion avang a space-time lo awm ta pawh hi a te hle dawn avangin a awm dawn miah lo va. Universe ber a chu singularity anih tawh dawn miau avangin eng force leh energy mah a awm thei tawh dawn lova. Keimahni pawh hi kan awm dawn miah lova! Kan 'consciousness' tuna he Universe nena inthlunzawm tlat pawh hi a awm dawn miah lo bawk a, a awm miau loh chuan kan ngaihtuahna a Pathian awm ṭhin pawh hi a awm thei dawn miah lo tihna a ni bawk ang.

Entirnan, 'Age of Reason' lehkhabu Thomas Paine ziak i lei a. I chhiar dawn a. A kawm i keu hawn chiah khan a chhung thu awm alo lang ṭhin ang hi a ni. Lehkhabu hi Singularity nita sela, lehkhabu kawm i keu tam tial tial kha Expanding Universe nita bawk sela. Tichuan Singularity aṭanga Expanding Universe alo thlen ve leh nang leh kei kan lo awm a, ngaihtuahna leh consciousness hi alo awm ta chiah bawk- lehkhabu kawm kan keuva a chhung thuziak alo lang ang chiah hian!

He lehkhabu hi keu miah lova a chhunga thu awm i hmuin i ngaihtuah thei miah lova nga, I hre dawn heklo. Chutiang chiah chuan kan Universe hi singularity aṭang Expanding Universe hi nita lo se, he electric field, magnetic field kan tih te, kan consciousness leh mind te pawh hi alo awm dawn miah lo tihna a ni a. Consciousness leh Mind a awm miau loh chuan kan ngaihtuahna leh rilru a 'Pathian ka  mitthla fo pawh hi a awm dawn miah lo tihna ani bawk ang! Tichuan, Universe History Physical Laws hmanga kan siam hi a dik a nih chuan..Pathian hi a awm lo chiang ani tih hi a fiah thawkhatin a dik tlat!

Expanding Universe Vrs No God

Hubblea leh Newton laws te avangin kan Universe a zau tih kan hria a. A zau hmain a Singularity dawn tih kan hre bawk a. A singularity lai hi kan chik bik chuan - space leh time a awm dawn lova. Kan brain a thought leh consciousness te, mind te awmtir theitu Electrochemical energy pawh hi a awm dawnlo tihna ani!

A fiah nan, lehkhabu keu hma hi Universe leh energy zawng zawng Singularity lai ani a. Kan keu hmain a lehkhabu chhung thû kan hrelo. Chuan kan keuva -Singularity chu alo Expanding ta a, lehkhabu chhung thû kan hmu thei ta chauh ani. Kan keu lohva kan hmuhloh, keuloh avanga kan tun huna a nghawngloh thil tihna nih chu!

A awmzia chu- expanding Universe hi thlenglo se, kan consciousness hi a awm dawn lova, kan rilru a Pathian kan hriatna pawh hi a awmdawn lo tihna a ni. Mahse hei a expand si a. A expand lo anih avanga Pathian kan hriatna a awmloh chuan, a expand tak avangin reality ah Pathian hi a awm tihna ani chuang heklo!

Kan awm tih kan inhriatna chu kan consciousness a kan ngaihtuah chauhvin hei kan awm tih kan inhriat hi maw! Consciousness awmtan hun pawh chu kan Universe awmtan hun anileh mai bawk ang!

Kan chet avanga thil dang rawn awmchawp anih chuan Pathian hi - Law of Entropy ah hian a inthlung ve tihna ani bawk ang a. Chu erawh Pathian thukalh ani lawi si!!

Expanding ah a awm a, singularity ah a awm siloh chuan a awmlo hrim hrim zawk tih hi ngaihdan awmthei chhun chu a ni!

Questioning Of Our Consciousness

Physics hi history turu ber alo ni e. Medical nena belhbawmin consciousness hi a awmtan dan leh a awmdan zel ka hriathun chuan Pathian awmleh awmlohvah hian thutlukna ka Siam ve thei tawh ngei ang! Tuna physics hi chuan ka chhiar leh ka ngaihtuah chet chet hian Pathian awmloh zia min hrilh a. Philosophy lahin doubt bak minla pe heklo! Ka hriatloh tam zia leh thuthlukna kalo siam hma lutuk Khan Ka atzia min hriatchhuak tirlek fang chauh ani! Nimahsela sakhuana leh Pathian hi a awm tak tak chuan Judaism baka dik tur hi ka Bible hian min hrilh hauhlo thung!

Line ngil tak hi Universe a ni a. Tah chuan Universal Laws kan tih Physics, mathematics leh Biologic laws zawng zawng an awm vek a. Chumi Laws chu mihring hian kan zawm vek a. Chu Laws ngei a pawh chu kan hriatloh ala tam em em bawk a! Nimahsela chu LINE chhung amilo chuan Mihring ngaihtuahna hian a hre phak reng reng lova. Line pawn lama eng rin emaw pawh a hre thei heklo va. Achhan chu, he Line chhunga Laws hian a thlen phak chin ani miau si a; a thlen thui theih ber pawhin 'eng(Light)' hi ala kalsan thei heklo! Chu laws hmanga kan hriat he Pathian hi he Line anga entir Universe ah hian alo awm ve reng ani mai em! Nge, chu kan ngaihtuahna atang a kan hriat Pathian chu thil awm tak taklo alo ni thei reng tho em!

Ngaihtuahna kan tih Mizo tawng tluangtlam tak hi a bulpui chu Consciousness ani na meuh va, chumi atang chuan Perception(sense atng a kan ngaihtuahna a thil lo awm) leh Imagination(kan tawntawh atang a kan ngaihtuahna a awm) an awm hrangleh a- chu chu keini Mizo ten 'ngaihtuahna' kan tih hian a fawmkim vek mai ani ber. Chu ngaihtuahna he Line anga entir Universe a kan neih- chu ngaihtuahnain Pathian alo hriat chu a dik meuh kan ti thei em! A awm tak tak em kan ngaihtuah rikngawt hian!?

Nitin Zarkawt kal thin te hian mitchhing chungin Zarkawt an kalna hnu fo chu han kal tum tehse; an tawn hriat tawh ngaihtuahletna hmanga Zarkawt kal chu action ah an buai tho tho vang. Chuvangin Imagination hi a Reality thei lova! Tin, Thenkhat ah kan mit ngeia kan hmuh tuifinriat pawl(blue) dup mai te hi thudik han tidawn lah ila- an awmna property ang ang anlo pu ve mai zawk bawk si a. Perception pawh hi Reality zawn nan engmah chei alo ni hawt lo ve!!!!

Pathian hi reality alo ni miahlo em ni? Ka ngaihtuahna hi thil engmahlo mai em ni? Nge, engmah hi Reality a awm lo nge- keimah ngei hi ka mumang mai mai ka ni zawk a. Ka mumang ka tih fo thin kha a tak tak zawk ni dawn le!!!!!