He topic ah chuan Bible a hming chungchang pawimawhna leh alo thianghlim zia kan chik dawn a. Tunlai ah mi am takin P'thian hming hi Yashua emaw YHWH ti ta lo chuan 'Van Pathian emaw Isua emaw Khuanu' te kan han ti ta mai thin bawk a. Tin, heng English lam a 'Jesus' tih te , Greek lama 'Iesous' tih te, chubak ah 'God' tih thumal te hi Yisrael te P'thian hming lam nan hian alo thiangin alo rem ve reng em tih te, Bible hian Hebrai lam rik ni lova lam hi alo phal reng em tih kan chhui dawn a ni.
Thenkhat tan chuan 'duh duhin kan lam thei, mahni hnam tawnga a chian dan kha a pawimawh ber' kanlo ti mai thei a. Chutak chu a ni kan zir tur leh kan chik tur chu ni. 'Pathian' kan han tih mai te pawh alo accurate em tih kan en dawn bawk a. Nimahse chhiartu ten hriatthiamna an neih theih nan P'thian tih thumal erawh chu kan hmang rih thung ang.
BIBLE CHANG -
King James Version
Revelation 22:4
"And they shall see his face; and his name shall be in their foreheads."
King James Version
Isaiah 65:15
"And you shall leave your name for a curse to my chosen: for the Lord …"
King James Version
Ephesians 3:15
King James Version
Revelation 3:12
"I will write on him the name of My God, and the name of the city of My God, the new Jerusalem, which comes down out of heaven from My God, and My new name."
HMING(NAME) AWMZIA-
Greek Stong's Concordance #3686 'Onoma'
Original Word: ὄνομα, ατος, τό
Part of Speech: Noun(hming), Neuter(eng ah pawh hman theih)
Phonetic Spelling: (on'-om-ah)
Definition: character(zia/nihphung/awmdan/nihdan), fame(hmingthanna), reputation(hming hriat tlanglawn dan), cause(thlentir/nihtir), authority(thuneihna).
[Source: NAS Exhaustive Concordance of the Bible with Hebrew-Aramaic and Greek Dictionaries Copyright © 1981, 1998 by The Lockman Foundation. All rights reserved Lockman.org]
HMING AH CHUAN HENG TE HI A AWM -
A chunglam a kan sawi tak khi phuarkhawm ang aw. Tichuan tupawhin hming nei se, a neih chhan chu hei hi a ni e;
1. A hming chuan a thuneihna a entir a.
2. A hming chuan a thil thlentir tur a entir bawk a.
3. A hming chuan a zia leh nunphung a entir bawk.
4. Tin, a hming vek chuan mi hriat a hlawh dan a entir tel veleh bawk a.
5. A hming chuan a thiltihlawm man ang zel a pek nihna pu bawk.
Tichuan heng hming awmzia te hi a nihna tak ah kan han belh chuan, hming hi lo thlak a thiang reng reng lo va. Duh duh a lo phuah a, lo namnul mai mai chi zia zang a nilo tih kan hre tawh ang. Tiang hian;
King James Version
Matthew 1:21
"You will call the name(zia tur, nihphung tur, an hriat vek tur, a thuneihna entirna tur, a hmingthatna tur) of him Yahoshua"
[Full form: YHWH Shua ; Mizo: YHWH Chhandam- na/tu]
King James Version
Matthew 6:9
"Hollowed be thy name(nihna, zia, awmdan, hmingthanna, a ropui thuneihna, a thil thlentir)"
Mizo Tawng Version
Matthew 6:9
"I ropuina, i thuneihna, i awmdan te, i hming thatna leh i thatna te chu ZAHAWM mawlh rawh se"
E, ava ropuiin ava han turu rem rem em. Chung zawng zawng fuankhawmna chu Yahweh(YHWH), mizo tawnga AWMA, hei hian a sawifiah zolo ka van ti em. He khawvel(Kosmos) ah hian a awmin a khat vek a. Mosian a zawh tum khan, 'AWMA KA NI' a han tihawmzia kha tunlai ang chu nise; "SHUT UP AND TRUST ME" hian a sawifiah zo tak emaw. Hemi ringawt pawh hian Bible pum hi a sawi nghal vek a. Atheist ho ten a exist leh xist loh an han examine vel phei hi chu he thu nen hian a inkalh lutuk. Keini hian engmah kan sawibuai thei lo a ni e, engpawh thleng se 'KA AWM' tih hi he khawvel siamtu chuan amah kan hriatlet dan tur a min duh chu a ni. A ropui lutuk.
AWMA(YHWH- Pronunciation: Yahweh) chu a nihna a ni a, a awmdan pawh hetah hian a kim vek a. Hmingthatna alo chan fo tawh dan pawh ami te tan a a awm reng zia te, a ropuina leh a thiltih theihna zawng zawng chu 'KA AWM/AWMA KA NI' tih hian a sawi kim vek mai a lo ni!
HMING HI 'TRANSLATE' CHI A NI EM?-
Sawi tak angin Bible a P'thian hming kan hmuh hi P'thian NATURE zawng zawng fuankhawmtu a ni a. Mizo ten a rem rem leh mawi mawi kan inphuah ang ngawt zawng a ni lul lo mai!! Thenkhat chuan duh duh dana lam a koh theih, mahni hriatfiahna bera koh theih an ti thin a. Tin, Mizo hnam ah lo piang ta se, mizo hming a pu dawn a. Vai hnam zing ah piang se, vai hming a pu leh mai bawk ang. Chuvangin hming bik a nei lo ve, tih hi mi tam zawk ngaihdan a ni.
Mahse kan Bible kan en chuan Khawvel hnam zawng zawng zing ah Hnam Thianghlim bik turin Abrahaam atang Jakoba, chu chu Yisrael alo ni ta chiah a ni! Hnam dang thianghlim an awmloh avangin hnam thianghlim ni tura Torah hmanga a training tir hnam hming chu YHWH fapa Yashua chuan arawn pu ta mai reng bawk a ni. Keinin duh duh hnam tawngin kan letling velin kan chingpawr thei tih hi chu a awm anglovin P'thian YHWH zahlohna lian tham tak a ni!
A inpuanna hnam tawng Hebrew(Aramaic - tih pawn a dik ngei ang; Hebrew leh Aramaic hi chhulkhat kual deuh thaw a inang a ni) hian a nihna zawng zawng leh ropuina chu 'KIM(Fuan kim)' ber tura a ngaih avangin chumi hnam tawng chuan a inpuang ta bawk reng a. Chu chu awmze nei leh thil entir nei a ni a. Keini mihring te hian a inpuanna tawng(language) hman chu thlakin kan siam danglam thiang lo hrim hrim ringawt mai a ni.
Entirna tawi tak han siam chhin ila; Mizovin kan piang a, mizo tawng ngeiin hming kan nei a. Office leh Hna vel ah Document submit ngai nise, kan hmingpui tak lo chu pawm a ni ngailo. Thumal pakhat lek pawh kan hmaih chuan engkim a buai nuai a ni mai zel a. Tin, Nick name-te phei chu hman a rem lo. A chhan chu tupawn nick name hrang hrang kan nei deh duah a. Pawm a ni ngailo. Chubakah mi tam tak ngaihdanin Document a chiang em em a kan hmingpum ziah lan kalh chu tute emawin Hindi emaw English emaw Korean emaw tein lo thlak velin lo belh vel se la. Pawm a ni chuang hek lova. A rem hek lo va, lehin thui poh leh a buai thui telh telh dawn a ni.
Hetiang hi kan YHWH hming Bible a inziak dan pawh a ni e. Hebrew/Aramaic tawngin chiang takin ziahlan kalh a ni a. Chu chu midangin mahni tawnga a zawlpui leh a milhpui lo nena lo thlaka lo siam rem ve hi thil kalhmang lo, tih ngailoh a ni. Kan Bible thu nung inziak lek phei chu miin a ringa tihsual a hlau tak zet a nih chuan a Original a ziak kan ziak chhawng thiamlo a nih pawn a THLUK DIK ngeiin kan thluk ve tur a ni tawp mai a ni! Chu chu YaHWeH chu a ni e[
].
].
HMING LEHLIN DIK THEILO TE-
Greek: Iesous
Full form: Ioe----- sus
Hei hi Latin tawng atang a lak a ni. A full form a nih chiah hian kha hming nihna kha a BO ta vek. A zahawmna, chungnungbere hming a bo va, chhandamna thu te a bo va, a nihna leh zia te a bo vek. Hetiang a lehlin hi Bible hian a phal reng reng lo!
English: Jesus
Full form: Jehovah - sus
Jehovah - tih hi a dik ve mai a. Mahse 'J' riklai hi Hebrew ah a awmloh chuan 'Y' zawk tur a ni ang a. A dik chuanglo. Tin, sus- hi chhandamna tia let turin English thumal awmze neilo a ni. YHWH nihna, a ropuina, a thuneihna leh a thil thlen tir tum a lanna zawng zawng a bo vek. A pawi lutuk!
Mizo: Isua
Full form: ?????????
Hei phei hi chu Greek thluk dan zul a siam chawp mai a ni. Mizovin a awnzia pakhatmah a lang eilo. Tawl mai a ni! P'thian in hming a phuah chhan zawng zawng a BO zo vek. A pawi lutuk. Lam dan dik chu-Bible ziak angin, a hunlai mite tawng hman angin, hebrew emaw Aramaic lamrik ngei, english alphabet a rikchhuah dan an entir chu - Hebrew -in YaShua , Aramaic-in Yahoshua hi a dik ber chu a ni.
Thenkhat chuan a awmzia kan hre chuang hlei nem, inlo ti a nih chuan, a chung ah khian a awmzia chu kan sawi zo vek tawh e. Tin, midangin an hriat ve loh chuan awmzia a awmlo, kan lo tileh a nih bawk chuan. YahShua hming hian midang i kohvin anlo hawi dawn a ni lova, i lam rik hian 'YHWH(Mizo: AWM) ' leh a CHHANDAMNA thu i auchhuah pui a. Mihring nilo a phena Demons te hlauvin an khur a, Vantirhkohte lawmna hla remin Chungnungbera YHWH chu lawmin van mipui ten chawimawina anlo pe ve thin a lo ni! Chu chu Setana hian TIHBO a duh em em a. Translation hmangin a awmze bo leh rik dan mak thei ang berin a tibo ta daih maia ni. Chu chu Spiritual warfare chu a ni a. Hrethiam ngei ngei ang che.
A tawp nan-Bible a 'hming' hi kan hmuh a kan chhiar zawngin hei hi a thumal milhpui chu a ni tih hre reng la, khawihdanglan thiang a nilo, chungte chu -1) Nihna 2) Thuneihna 3)Thil thlen tir 4) Hriat tlanglawn dan 5) A ropuina.
Hollowed be the AUTHORITY of thy.
Hollowed be the FAME of thy.
Hollowed be the REPUTATION of thy.
Hollowed be the CHARACTER of thy.
Hollowed be the CAUSE of thy.
Hallelui-Yah: Full form - Hallelui(Praise) -Yah(YHWH)
.jpg)
