Holy Spirit Leh Early Church History

Tun ang khawvel ah chuan rindan hrang hrang alo chhuak a, ngaihdan hrang hrang nen. Thenkhat te phei chuan hmufiah ber leh hmu dik ber angin an inngai ta hmiah hmiah mai bawk a. Anilah tak a, Bible kan han chhiar a, tlar khat ringawt pawh kan sawifiah dan a inang hlawmloh hi maw! Hetiang kara hmudik ber leh hre dik ber nih hi a har a, tunge hrefiah ber tih lah hriat a har em em tawh mai si a nih hi! Thlarau han hmachhuan pawh ni ila, thlarau bawlhhlawh alo awm veleh zel bawk nen!

Hetiang hun ah chuan mifing chuan THU DIK hre turin kawnghmang pakhat ala awm tih a hre tur a ni. Tu tu emaw sawi lo 'yes' nghal duam duam mai te hi thil pawi tak a ni. Chuvangin kan theih tawpin thu dik zawng mi kan nih tak zet chuan Document te nen kan beih a, History hlui te nen kan bih a, engtiangin nge kohhran hmasa te khan anlo zirtir tih hi kan hriat bel hmasak em em tur leh kan zawn hmasa tur chu a ni. Chuta tang chuan tun huna kan Doctrine leh Theology te hi belhfakawm a nihleh nihloh te, engtik atang a lo intan nge, a tichhuaktu te hi Pathian mi an ni em tih kan chik em em a ngai ta a. Heng zawng zawng zawh ah hian Thu dik chu Bible nen enkawpin kan hmu mai dawn a ni.

Sawi leh lawk ang. Thenkhat inzirtir ah chuan Lehkhabu dang leh mi sawi pawh chhiar emaw ngaihthlak phallo khawpin Blind Teaching an inpe thin a! khawilo Debate ni khua ah chu an rinna, naupan tet atanga an hriat chu, thudik ber angin an han puah pui ta phawng a. Hei hi a pawi lutuk. Thudik zawng tak tak kan nih chuan, tiamchin awm hauh lo va kan chhia leh tha hriatna thiangtak hian khawi site atang pawn Test Everything tih hi a zawm tur a ni. Chutiangnilova lehkhabu dang, mi rindan leh zirdan chhiar ve hauhlo, hre hek lo; mahni rindan dik ber a kan ngaih hian Muslim firfiakte inzirtirna nen a danglam lo hle a ni. Thudik hre tura Setana inhungna pawh a ni thei. Fimkhur a ngai e!

Awle, tunah pawh hian Church History atang tunlai a Kohhran Doctrine inhnialna tam ber 'Holy Spirit' leh a kaihhnawih 'Tinity / Oneness' hi kan bihlet dawn a ni. Enga ti nge kan bih let kher nachhan ni le kan ti mai thei? Ele, vawiin ni a kei leh nangin Pathian thu tlar khat pawh kan sawifiah dan a in anloh atang hian Kohhran hmasa te ah khan a dik zawk chu anlo zirtir dawn ngei ngei a, chu chu hun alo kal hret hreta Gentail Theology in a pawlhsawp ta kha a ni a, tun hun hi kan thleng ta a ni mai e. 

History chu i ring ve dawn em? Thenkhat chuan 'Bible in hei a sawi ngei a lawm' tiin kanla tang phet leh dawn tih a hriat a. Heng mite hi chu Paula'n 'Clear Conscious mind' neilo a tih te kha an ni a, chung mite chu a sawi belhna ah 'milem be mite' a la ti zui! A chhan chu Bible teaching kan chik tak tak chuan, rau vut vut, lam dur dur, lam ruih chiam chiam, rilru sak, ngaihtuahna fim hmanloh, extreme lutuk...adt te hi Thlarau rah atang a chhuak a ni lova. Thlarau chuan tumah pawlh zawptu awm hauh lovin; a awmzia chu 'influence -tu' awm hauh lovin kan chhia leh thla hriatna milhin min awmpui thin a ni. Chu chu tam takin haiin mahni site atang a dikna kan han haih buan buai a, Bible verse nen kan han tangphet zui phei chu engmah hre ngailo tan chuan kan BO mep mep mai a nih hi! Pathian hi mihringte hriat phak tawkin a inlar tih kan hre mawlh mawlh a, hriatthiam phakloh leh a phena ze ril lutuk awm anga kan han inbarhluih hi Plato te ho khan anlo uar khawp a. Tin, Paula pawn Gnostic ho a beih nachhan pawh kha a ni.

Intro ava sei ta em, thupui ah lut tawh ang le. He kan chhui tur Doctrine hi tunlai a Christian te buaina lian em em, Denomination buaina bul leh inhnialna tawp theilo a ni a. Chu chu Church History ah tunge lo ching chhuak a, engtin nge a hmain anlo zirtir thin tih kan enlet dawn a ni. Chumi hnu ah chuan thuthlukna chu i kut ah a innghat tawh ang.

(NOTE: Reference ho hi Mizo tawngin ka letling lova. Achhan chu thumal lehlin hmaih ka neih ka hlauh avang leh a ziak ngei ngei hi hmu ula, a fiah ka rin vangin a ni e)

CATHOLIC CHURCH AND JENTAIL FATHERS

Catholic Church hi kan sawi fo angin Zabi 2,3 leh 4 vel a anmahni chauh kha Church lian awm chhun an ni a. Khatia Apostle te an boral zawh tak khan Johna hnuaia sei lian an tih thin Polycarb te pawh kha Historian te chuan Antioch Bishop niin an lo record a. He Catholic kohhran hi Apostle, Juda mi te zing ah a fawng vuantu an awm veloh avangin Greek, Latin pa leh Roman pa te enkawl a ni a. Juda pa te hian kum 4000 chuang meuh Pathian an han hriat belh teh lul nen. Tin, Pathian thu pawh an hria a an chiang em em a. Chu chu hun alo kal a Roman pa te, Greek pa te, Latin pate, an vaiin Jentail an ni a. Kohhran ah a fawng an han vuan a, Juda pa Pathian thu thlir danin thlir duh ve ta hek lo, alo rei tial tial a anmahni tawng te in an letling a Bible, an tawng chu Jentail Culture leh Tradition nen a lo inkawp tam nasa mai si a. Pathian thu an lehlin chu an han zir ta a le, Juda pa'n vawikhat pawh ala suangtuahloh kha an Traditional Language an hman avangin Jentail Traditional Religion a rawn lut ta tawk mai a nih kha. A pawi lutuk! Hei hi han enteh le,

"The Council, as is evident, held that there are Divine traditions NOT contained in Holy Scripture, revelations made to the Apostles either orally by Jesus Christ or by the inspiration of the Holy Ghost and transmitted by the Apostles to the Church. Holy Scripture is therefore not the only theological source of the Revelation made by God to His Church. Side by side with Scripture there is tradition, side by side with the written revelation there is the oral revelation. This granted, it is impossible to be satisfied with the Bible alone for the solution of all dogmatic questions(Source: Bainvel J. Transcribed by Tomas Hancil. Tradition and Living Magisterium. The Catholic Encyclopedia, Volume XV, Copyright © 1912 by Robert Appleton Company).

Hei vang hian a nia mi tam tak Juda pa te hmusit a anmahni aia Pathin thu hmufiah kuara inngai te hi a awm anglo kan tih fo chu. Entirnan, mizo pa ten Liandova tih kan sawi rik rual rualin Arbawm, kawtlai naupang tual chai, ui boh ri..adt te kan mitthla nghal vat a. Vaipa hian Liandova thawnthu hi han dream ve ta sela, Arbawm chhunga ar naute chiap neuh neuh te hi a hrethiam phalo vang a, Sing-a nupui te tui chhipchhuan khel hang ngaihno beilo zet a mitthla daih ang. Tiang hi a ni a, Juda pate tarmit vuah hi Bible zir nan chuan alo pawimawh em em kan tihna chhan chu. Vuah duhlo Church Father te an buai zo ta a nih kha.  

HOLY SPIRIT AS GOD

Kum zabi 2 laia Heretic lar em em leh 'Holy Spirit' hi 'God' ang a sawi hmasa ber tu chu Valentinus leh Montanus te an ni. Anni hi Gnostic lam kaihhnawih anni nghe nghe a. Zabi 2 hunlai a Catholic, Orthodox te, a hnu a Protestant lo piang leh zel te pawn 'heretic' ah an la puang char char a ni. Montanist Oracles, tih ah chuan Montanus chuan ti hian a ziak a, 'I am the Father and the Son and the Paraclete.", he ta 'Paraclete' hi Holy Spirit, Greek tawng a 'parakletos' sawi tumna a ni. Eusebius chuan a lehkhabu Eusebius. Church History, Book V, Chapters 18-19- ah chuan Asia Minor leh Antioch a ringtute chuan Montanus ngaihdan hi an pawm lo hle tih a ziak a. Nimahsela zabi 3 tawp lam ah khan Montanus ngaihdan 'Holy Spirit hi God' anga a sawi chu Roman Catholic Church khan a pawm ta a ni. Zabi 4 lai a Catholic Bishop, Marcellus chuan Valentinusa'n 'Holy Spirit' chungchanga a zirtirna chu tihian a lo ziak a,

"Now with the heresy of the Ariomaniacs, which has corrupted the Church of God...These then teach three hypostases, just as Valentinus the heresiarch first invented in the book entitled by him 'On the Three Natures'.  For he was the first to invent three hypostases and three persons of the Father, Son and Holy Spirit, and he is discovered to have filched this from Hermes and Plato (Source: Logan A. Marcellus of Ancyra, 'On the Holy Church': Text, Translation and Commentary. Verses 8-9.  Journal of Theological Studies, NS, Volume 51, Pt. 1, April 2000, p.95)"

Oneness ho pa ni a an sawi mai thi Sebellus chuan Tertulliana 'Trinity' chhanlet nan 'one Person (hypostasis), three names' a ti ve thung a. Hei hian Holy Spirit pawh 'God' ang a an sawi ve tak zel avangin Trinity nen thuhmun an ni. Tin, Heretic Montanus leh Valentinus te phuahchawp an la ring ta zel bawk a ni. Brown HOJ chuan a lehkhabu Heresies: Heresy and Orthodoxy in the History of the Church, 1899 a publish ah chuan Sabellus chungchang a ziak a, 'The modalism of Sabellius influenced later orthodox formulations in that it insisted on the deity of the Holy Spirit...By insisting that the Holy Spirit is also God, Sabellianism helped counteract the tendency to what we might call ditheism' tiin a dem. Catholic Encyclopedia, Volume XV-ah chuan Sabellus chungchang tho tihian a inziak,

"Yet further evidence regarding the Church's doctrine is furnished by a comparison of her teaching with that of heretical sects. The controversy with the Sabellians in the third century proves conclusively that she would tolerate no deviation from Trinitarian doctrine. Noetus of Smyrna, the originator of the error, was condemned by a local synod, about A.D. 200. Sabellius, who propagated the same heresy at Rome c. A.D. 220, was excommunicated by St. Callistus (Source: Joyce GH. The Blessed Trinity. The Catholic Encyclopedia, Volume XV. Published 1912. New York: Robert Appleton Company. Nihil Obstat, October 1, 1912.)"

Irenaeus, Catholic Bishop chuan zabi 2 laia a lehkhabu Adversus Haeres. Book III, Chapter 3, Verse 4 ah chuan '......than Valentinus, and Marcion, and the rest of the heretics' tiin a ziak bawk. Irenaeus  ve thung chuan a zirtirna ah chuan Holy Spirit hi 'God' angin a zirtir lova, 'Wisdom of God' tiin a zirtir thin thung. 

"...the Word called the Son, and the Spirit the Wisdom of God(Source: Irenaeus, St., Bishop of Lyon. Translated from the Armenian by Armitage Robinson. The Demonstration of the Apostolic Preaching, Chapters 5,7. Wells, Somerset, Oct. 1879)"

Zabi 2 tawplam ah Apologist pakhat Athenagoras chuan Holy Spirit chungchang a an zirtir thin dan chu sawiin 'The Holy Spirit...which operates in the prophets, we assert to be an effluence of God,flowing from Him..(Source: Athenagoras. A Plea for the Christians, Chapter X. Translated by B.P. Pratten. Excerpted from Ante-Nicene Fathers, Volume 2. Edited by Alexander Roberts & James Donaldson. American Edition, 1885)' a ti a ni!

KOHHRAN HMASA LEH 'TRINITY'

Pathian pakhat ah hian minung pathum an awm em? Trinity hi Kohhran hmasa te khan anlo zirtir reng em? Tin, Holy Spirit hi 'God' tiin kohhran hmasa te khan anlo sawi ngai reng reng em? Holy Spirit hi 'God' ang a Trinity hian a ngaih chuan Oneness pawh hian a ngai si a, thuhmun anni mai lovang maw? A chhangtu atan Catholic Encyclopedia hi bih let ang aw,

"In Scripture there is as yet no single term by which the Three Divine Persons are denoted together....The Vatican Council has explained the meaning to be attributed to the term mystery in theology. It lays down that a mystery is a truth which we are not merely incapable of discovering apart from Divine Revelation, but which, even when revealed, remains “hidden by the veil of faith and enveloped, so to speak, by a kind of darkness” (Source: Joyce G.H. The Blessed Trinity. The Catholic Encyclopedia, Volume XV Copyright © 1912 by Robert Appleton Company)

"Monarchians...Heretics of the second and third centuries...All Christians hold the unity (monarchia) of God as a fundamental doctrine. By the Patripassians this first principle was used to deny the Trinity, and they are with some reason called Monarchians. But the Adoptionists, or Dynamists, have no claim to the title, for they did not start from the monarchy of God, and their error is strictly Christological...The Monarchians properly so-called (Modalists) exaggerated the oneness of the Father and the Son so as to make them but one Person; thus the distinctions in the Holy Trinity are energies or modes, not Persons: God the Father appears on earth as Son; hence it seemed to their opponents that Monarchians made the Father suffer and die. In the West they were called Patripassians, whereas in the East they are usually called Sabellians (Source: Chapman J. Transcribed by Anthony A. Killeen. Monarchians. The Catholic Encyclopedia, Volume X. Copyright © 1911 by Robert Appleton Company)"

"In Scripture there is as yet no single term by which the Three Divine Persons are denoted together...The word trias (of which the Latin trinitas is a translation) is first found in Theophilus of Antioch about A.D. 180...Afterwards it appears in its Latin form of trinitas in Tertullian ("De pud." c. xxi) (Source: The Blessed Trinity. The Catholic Encyclopedia, Volume XV Copyright © 1912 by Robert Appleton Company)"

Theophilusa sawi nia an record ah chuan "...are types of the Trinity..." tiin Trinity support-tu atan an lehlin sak a. Amah Theophilus vek chuan 'Trinity' lam hawi a nihloh zia tihian a sawi thung,

"In like manner also the three days which were before the luminaries, are types of the THREE of God, and His Word, and His wisdom. And the fourth is the type of man, who needs light, that so there may be God, the Word, wisdom, man.(Source: Theophilus of Antioch. To Autolycus, Book 2, Chapter XV)"

Kum zabi 2 leh 3 chhung hian Catholic Church chuan Trinity hi thilmak tak a nih zia te, Bible atang a an lakchhuah a nihloh zia te an Encyclopedia ah anlo ziak tlar del dul tawh a ni, tih kan hre ta e. Reformation alo thlen tum pawh khan Protestant tam tak chuan Trinity(Holy spirit as God) chu anla ring ta zel a. Martin Luther ngei chuan a lehkhabu ah 'It is indeed true that the name "Trinity" is nowhere to be found in the Holy Scriptures, but has been conceived and invented by man(Source: The Sermons of Martin Luther, Church Postil, 1522; Chapter III, page 406-421)' tiin a ziak hial a ni.

MISSTRANSLATION BY TRINITARIAN

Hei Trinity(Holy Spirit as God) hi zabi 2 ah Heretic hovin an sawichhuak tan kan tih tawh kha. Do dalna hrang hrang a awm hnu a zabi 3-na ah Roman Catholic chuan a pawm ta a ni, tih te pawh. Chu chu Ringtute khan hre ve heklo le. Achhan chu kha tih hunlai khan Bishop leh Saint te chauh khan Pathian thu kha an chhiarin an zir thin a. Chu chu tun huna mi tam zawk te chuan THU DIK pawmin kanlo pawm ta a ni. Tin, kan Bible rin te pawh hi Greek Septugiant atang a Latin Vulgate a lehlin a nih dawn khan Catholic Chuch Father te chuan a lettu tur mithiam an zawng a. Jerome chuan zabi 4-na ah a rawn peih ta chiah reng a. Contraversy rura tak mai Catholic Father te chuan tihluihna hmangin I John 5:7-8 hi an tidanglam a ni, tih alo chhuak ta reng a ni. Hetiang hian,

King James Version

"7 For there are three that bear record in heaven, the Father, the Word, and the Holy Ghost: and these three are one. 8 And there are three that bear witness in earth, the spirit, and the water, and the blood: and these three agree in one."

Latin Vulgate Bible

"7quia tres sunt qui testimonium dant 8 Spiritus et aqua et sanguis et tres unum sunt"

Tawng tlanglawn taka kan sawi dawn chuan 'in heaven: the Father, the Word, and the Holy Spirit; and these three are one. And there are three that bear witness on earth' tih hi a ni khing verse tum chu. Hei hi hian Contraversy a nei an tih avangin Interlinear Transliterated Bible a Greek thumal nen kan va khaihkhin ta chu, 'Word' tih hi alo tello ngei a. He tihian,

Original Translation 

"7For there are three that testify, 8the Spirit and the water and the blood, and these three are in agreement."

Dallas Theological Seminary a New Testament Professor pakhat Wallace DB chuan The Textual Problem in 1 John 5:7-8 tih a ziahna ah chuan, 'The Trinitarian formula (known as the Comma Johanneum) made its way into the third edition of Erasmus’ Greek NT (1522) because of pressure from the Catholic Church. After his first edition appeared (1516), there arose such a furor over the absence of the Comma that Erasmus needed to defend himself. He argued that he did not put in the Comma because he found no Greek manuscripts that included it' tiin a sawifiah! Protestant leh Catholic Church te pawh khan a ziak Original(Canonize a ni tawh tho na a) ah a tello a ni tih pawh an hre ve bawk.

Tin, Matthew 28:19 chungchang a Holy Spirit- Pathian ang a lantir theihna, Trinitarian ten tan funga an hman thin pawh hi Greek text of the New Testament, kum zabi 4 hma lama Bible version ah ala awmlo niin Unitarian(Oneness) scholar thenkhatin an sawi bawk thin. Nimahsela thenkhatin Diatessaron Version an tih kum zabi 2-na ami ah kha chuan a awm ngei niin an ring ve leh thung a, chu pawh a chiang chuang lo! Chhui zawn theihna awmchhun chu Theophilus, Antioch ami in Autolycus lehkha a thawnna ami atang an lakchhawn a nih hmel. Theophilus chuan tihian a ziak a,

"In like manner also the three days which were before the luminaries, are types of the three of God, and His Word, and His wisdom. And the fourth is the type of man, who needs light, that so there may be God, the Word, wisdom, man. (Source: Theophilus of Antioch. To Autolycus, Book 2, Chapter XV)"

Hei hi zabi 4 hmalam a Trinity ringtu te ho khan tanchhan ah an hmang nasain Matthew 28:19 a 'Pa, Fapa leh Thlarau Thianghlim' pawh hi an belh chhan niin rin a ni. A lehkha ziak khi ngun taka kan en chuan, 'And the fourth is the type of man' a tih tel khian Trinity lam hawi a sawilo a ni tih a rin theih a. Tawngtluang pangngaiin han letchhuak ta ila, 'mihring hi PA tan a thawktu palina a ni theih' tih lam a hawi mah zawk a ni. Theophilus ngei hian hmun dang ah a thilsawi awmzia chu ziak chhunzawm ve bawkin, '...if I call Him Wisdom, I speak of His offspring' a ti a ni. Hei hian Wisdom hi Pathian a nihloh zia leh Holy Spirit hi person a ni tih pawh kawk chuang lovin, Pathian thlarau thianghlim a thuam kan nih chuan a fate kan ni, a tihna a ni!

KOHHRAN HMASA TE NGAIHDAN

Matthew 28:19 hi Version hlui ber ah pawh lo awm nise zabi 1-2 a Apostle te khan he thumal pathum hi an hrechiang em em a nih hmel a. Acts(Tirhkohte thiltih) ziaktu chuan Acts 19:5-6 - ah chuan 'When they heard this, they were baptized in the name of the Lord Jesus. 6 And when Paul had laid hands on them, the Holy Spirit came upon them ' tiin a ziak a. Bible chang dang ah pawh hmuh tur a awm nual a ni. Hei hi kan sawi tak fo 'Yashua' hming ah hian Pa hming YHWH - a awm tel a ni kan tih kha. Chuvangin 'Yashua' hming an lam hian 'YHWH chhandamna/chhandamtu' tiin a dawngsawngtu te chuan an hre mai thin. Apostle Petera chuan '..you shall be baptized with the Holy Spirit(Acts 11:16-17)' tiin Holy Spirit pawh hi Pa atang a thiltihtheihna leh ropuina zam chhuak a ni tih a tilang bawk. Chu chu Kohhran hmasa te pawh khan an rindan a ni a. Irenaeus ziak ah chuan,

"...the Word called the Son, and the Spirit the Wisdom of God(Source: Irenaeus, St., Bishop of Lyon. Translated from the Armenian by Armitage Robinson. The Demonstration of the Apostolic Preaching, Chapters 5,7. Wells, Somerset, Oct. 1879)"

Tin, Athenagoras pawhin zabi 2 laiin ti hian a ti bawk,

"The Holy Spirit...which operates in the prophets, we assert to be an effluence of God,flowing from Him(Source: Athenagoras. A Plea for the Christians, Chapter X. Translated by B.P. Pratten. Excerpted from Ante-Nicene Fathers, Volume 2. Edited by Alexander Roberts & James Donaldson. American Edition, 1885)"

An Ancient Christian Sermon-an tih zabi 2 lai ami ah pawn,

"Now if we say that the flesh is the church and the Spirit is Christ, then the one who abuses the flesh hath abuses the church. Consequently such a person will not receive the Spirit, which is Christ(An Ancient Christian Sermon (2 Clement), 14:3-5. In Holmes M.W. The Apostolic Fathers: Greek Texts and English Translations, 2nd ed. Baker Books, Grand Rapids, 2004, p.121)"

Middle age laia Catholic Encyclopedia,

"On the one hand, it expresses the Procession of the Holy Ghost from both Father and Son as one Principle..(Maas A.J. Filioque, 1909)"

Zabi 21 laia Eastern Orthodox Theology -ah pawn tihian a inziak e,

"Indeed, we say that God is Spirit, meaning by that the common nature as much as any one of the persons. We say that he is holy...Taken in itself, the term Holy Spirit thus might be applied, not to a personal distinction...(Clendenin D.B. ed. Eastern Orthodox Theology, 2nd ed. Baker Academic, 2003, pp. 165-166)"

PRONUNCIATION 'HE' LEH 'SHE'

Sawi tawh angin Holy Spirit hi English Bible hian Gender nei angin a ziak a. Chumi avang chuan mi tam takin 'Person' ngei niin an rin phah a ni. Mahse heng thumal ho hi en chik chuan thumal ngau ngau buaina a nih hmel a, Holy Spirit ngei kha Gender nei lam a ni lo a ni. Bih chiang ang le,

John 14:16-17, 26 New King James Version

"16. And I will pray the Father, and He will give you another Helper, that He may abide with you forever— 17 the Spirit of truth, whom the world cannot receive, because it neither sees Him nor knows Him; but you know Him, for He dwells with you and will be in you.

26. But the Helper, the Holy Spirit, whom the Father will send in My name, He will teach you all things, and bring to your remembrance all things that I said to you"

Hetah hian 'Helper' tiin a hmang a, version dang ah chuan 'Comforter' a hmang ve thung. Chu chu English pronouns- ah chuan 'he/him/whom' tih a ni. NASB Lexicon- ah chuan Greek tawngin 'paraklēton' a ni veleh bawk. Commentaries ho chuan Greek tawnga noun te hian Person nihawt lovah pawh Gender thumal hman an chin thu an sawi a. Entirnan, Greek thumal a sual sawina 'Hamartia' tih te pawh hi Greek pronuntiation ah chuan 'Feminine Gender' a ni daih. Tichuan khi kan Bible chang dah taka 'Helper/Comforter' tih pawh khi Greek pronuntiation- ah chuan musculine gender a ni ve bawk. Hetah hian kan chik lai tur chu 'Thlarau' sawina 'Pneumah' neuter gender hi a ni. A awmzia chu 'thlarau' hi Bible hian tiang hian a hmang vek a-  'a)Thli b)Boruak c)Thaw d)Ngaihtuahna'. Tunlai tawng taka kan sawifiah dawn chuan 'Thil engemaw chakna nei; awm si, hmuhtheih siloh' tih hi a ni. Kan fiahleh zual nan, 'boruak' chu kan bul vel ah hian a awm a, chu chu hmeichhia emaw mipa emaw ran emaw pawhin kan hiplut vek a. Chumailo pawh mihring hian 'ngaihtuahna' kan nei vek bawk. Tichuan kan taksa, keimahni ah 'thaw/thlarau' chu alo luh veleh Pronunciat tur chuan 'Kan CM hian a thlarau venhim a mamawh tawh hle mai' tih a, 'thlarau' hi musculine gender a pu tawh dawn a ni. Chutiang bawkin Pi Rii ngaihtuahna pawh hi Feminine gender kan ti veleh thei bawk a ni. Hei hi Greek pronunciation a Holy Spirit alo rik chhan pawh a ni e!

TLIPNA

Holy Spirit- kan tih fo hi AD zabi 2 tawplam a thlen hma kha chuan 'Pathian(God)' ang a ngaih a ni lo va. Apostle Juda te anlo thih zawh tak khan an hnu a Gentail Church Father - Ignatius, Polycarb, Melito, Theophilus te chuan Holy Spirit hi 'Pathian(God)' tiin anla zirtir chuanglo bawk a. Zabi 2 tawp lam, zabi 3 -na a intan chhoh tih vel ah Valentinus leh Montanus chuan Pathian ah an rawn nih tir tan a. An hunlai a Gentail kohhran hmasa Asia Minor a mite pawn an dem thu an lehkhathawn ah an ziak kur lei luai a. Nimahsela vanduaithlak em em in zabi 3 tawp ah Roman Catholic Church chuan 'Pathian niin, Person a ni bawk' tiin anlo pawm nghet ta a ni tih an Catholic Encyclopedia ah kan hmu!.

Tichuan, chumi zirtirna chu zabi 3 hnu pawh chuan anla pawm duak lo va. Tertullian chuan nasa leh zualin Valentinus te zirtirna zul zuiin 'Trinity' theology chu a vawrh lar ta em em a. Amah chhanglet turin Sabellus arawn ding chhuak veleh nghal bawk a, tunlai a Oneness doctrine hi a ni. An inhnialna chu 'Pathum - pakhat' tih leh 'Pakhat -pathum' tih ang vel hi a ni a, an sawi tum inang reng si hian, an sawi dan a inang lo va. An buai a ni! Tumah dik zawk lah an awm si lo!

Pawi ta em em chu Bible thu belhchhah a Scum turu tak tak te nena ringtute bumna hi tunlai ringtu tam zawkin thutak emaw tiin kan chatuan puahpui phawng phawng mai si a. Hriatohna hi alo pawi em a tin a ni! Tin, hriatlohna avanga Khawvel thar kai tur erawh kan ni leh lawi si lo va. Pathian thutak hi khawi site atang pawn kan um a kan chik a ngai tawh tak meuh e.

Mak em em chu Teologian turu te hian keini lo hriatve thil te hi hriatloh an nei tak tak lo, an hria! Catholica Encyclopedia ah an ziak nasa lutuk. Mahse chu chu ‘cattle(ringtu mipui naran an sawina)' ten an hriat ve zel a tul kherlo, buaina a tam mai mai, an ti a. Chuvang chiah chuan an zirtirna zawng zawng kha khati chen monastery-ah Puithiamte chiah an hriattir thin a. Bible pawh latin tawnglo chuan an translate duhlo va, monastery ah chiah latin chu an zirtir bawk a, mipui ten Pathian Thu an hriat ve pawh an phalloh a ni. Chutichuan rationalism a lo chhuak a, reasoning leh education chu mi thilchik miho kut ah a lut ta chiah a, kohhran chu an han phawrh ta chiah a, thil a pawi zo ta a nih kha. Pawi bulthum chu puithiam/theologian naran ho hnena thudik thup a, Pathian THUDIK ai a Church unity(kohhran inawpna) a ngaih pawimawh avanga thil thup an lo neih a, an lo in la lian ta kha a ni. A rahchhuah chu Protestant reformation a ni ta chiah a, chumi hmu a protestant theologian ten Roman puithiamte idealogy(ngaihruatna), (Bible kalh) chiah chu an la practice zui ta zel a.