Kha pa kha MNF sipai - Independent atan a mahni nunna pe te zingah khan a tel ve ngei a. Anlo chhuah khan Central atang hna pek tiam an ni a, mahni Quality milh pui ngei pek tur an ni, tiin.
Kum 18 atang a MNF zawm anih si avangin a Qualification ang zawng a a hna hmu tur chuan a sânglo hle a. An pu duhsaktu te chuan 'Tah hian Sign mai la; hna sâng i hmu a nga, i fate i nupui te nuam sa takin i awmtir thei dawn a lawm" an ti a. An hna offer chu chhâng se chuan tuilai a khâmpang a in lian pûi pûi sa te zingah khian kan tel ve awm ngei si a, a ti a! Achhan chu tihian a chhang a, "ka thiamna hian a tlin lova, ka thawh chuan Mizoramin hma a sawnlo mai dawn a ni. Ka aia zir sang, a dil thei tur Qualified ngeiin thawk se, kan ram hian hma a sawn ngei ngei zawk ang. Keichu, ka thiamna phutawk hna a tam e; he hna duhloh avang hian Pathianin min nghe tir bik nang" tiin a hnawl!
He pa- a tleirawl laia rinawmlohna leh diklohna lo hnawltu hi tunah chuan ka pa; a MNF sipai nihlai thlalak min hrilh tûm a ngaisang tak a ka ngaihthlak kha a ni! A fapa te ho hian kan ngaisangin, a hnung zuiin diklohna reng reng kan tih a rem velo a ni. Kan pa fapa kan ni tlat!
Pic: Ka Pa, MNF lai thlalak. A hnung ami khi a hming ka theihnghilh, Dãrlawn khua mi a ni a. Khang hunlai khan damin alo let ve tawhlo a ni! A pawikhawp mai. Khang sipai huaisen te kha TUNGE MIZO tih khawvel a puang darhtu te an ni!
.jpg)
No comments:
Post a Comment