THIHNA HI PATHIAN ANCHHIA NGE SETANA HRUALHRUI

Chhungte kân tur in motor in an tlan a, kawngchhak aṭangin lung rawn lumin thing a delh tlu a. An car hnawlin a pa a thi a, amah a thi bawk a. Tunah a fapa kum 5 mi thihna kotlang ah a dak mek bawk a. Kohhran upa chuan a chhungte hnen ah thil thleng chu Pathian Remruat ah pawm tur in zuk fuih a! 

Thihna ah hian "Pathianin a nunna ala ta, “Pathianin a koh ta”te kan ti leh mai ṭhin hi pawm a har tlat! Dik tak chuan thihna hi Pathian remruat a ni lo. Thihna hi Hmelmapa kutthlak a ni zawk a; mihring an thih hian Setana hi huat tur dik tak chu a ni zawk! Engvanga Pathian hi diklo taka a tih ni reng reng lo a hmingchhiatna awrhtir nge kan nih tâk?

• Tlangval a bialnu in a ban a, a inawkhlum hi Pathian hremna a ni em? 
• Hmeichhe naupang kum 5 mi misual in a pawngsual a, a that zui hi Pathian hremna a ni meuh em? 
• Sâwn tleirawl, a nu in a piantirbha a tlanbo san. A pa hriatloh in mi ar a ru a, khawtlang in an um hlum hi Pathian hremna a ni em? 
• Chhungkaw pa ber, a nupui leh a fa naupang tê tê 4 thihna kutvawt in a man a. He khawvel a retheihna leh thinlung hrehawmna zawng zawng pum bilh bik tura an kalsan hi Pathian hremna a ni em?

Ṭhenkhat chuan Eden huana Adama leh Evi bawhchhiat kha Dân ngêi a ni e an ti tlat. Dan an bawhchhiat avangin Pathian pawn anchhia a lawh niin an zirtir bawk a; "Ka unaute, tisa lama ka chipuite aiah hian, kei hi Krista hnên ata tihhran khawpin ânchhe dawngin awm hial ila ka ti si a”(Rom 9:3) — Krista hnen ata tihhran chu thihna a ni, anchhe dawnga awmna a ni bawk tiin Bible hian a ziak a(Galatia 3:13). Eden huanah Dan an bawhchhiat tir a, Dan an lo bawhchhiat tak avângin Pathianin anchhia a lawh a, tichuan an lo Thi ta a ni, tiin an zirtir thin.

Pathian chu Thihna thlentu a lawm tiin Nova hunlai hremna, "Ka mihring siam hi ka tiboral teh ami ang" tih ṭanchhan ah an hmang bawk ṭhin. Heng mite hian Dispensation fel fai tak inpharh sa hi an bawhchhe lui dawn em ni— Dan awm ala thianglo tih hi. Chulo rengah Nova hunlai thilthleng kha bêl chiang tur a nih dawn chuan a hmalam thilthleng en fe a ngai ang. Eden a thihna hi Pathian hremna a ni tih duh vang a Tuilet a thihna(Pathian hremna) kan hmang lui dawn a nih chuan hei bak bak a 'out of context' rinna hi a awm thei dawn em ni!

Nova hunlai Pathian in nunna a chimit chhan kha mihring fate leh Pathian faten hybrid sex(sex inhman pawlh) hmanga thlahpawlh an tam chak ta lutuk a, inchimralna a thleng dawn tak ngial a( Setana thiltum pakhat a ni), chuvangin Pathian in  nuaibo ta a nih kha. Eng Dan leh a hremna mah a awm lova. Thihna hi Pathian hremna tih ang zawnga zirtirna chu hmanlai Dark Age Church Inquisition ho chindan leh tunlai Islam terrorist ho hman dan mek hi a ni zawk--- midang an thah avangin an Pathian pawh a lawm em em ṭhin alawm(an ring). Pathian erawh chu "Mihring fate thihna ah hian lawmna reng reng ka nei lo ve"  ti a thinlung nâ em em thin a ni zawk!

Pathian Chatuan nihna- Justice(Rorelna dik)..

Pathian nature chu Justice a ni a, Justice chu tehna intluk(equal scale) a ni bawk. A bias zeuh tur a ni lo a, 50/50 equal opportunity hi a ni. US President nupui hi lo pawngsual ni ta se, a pawngsualtu chu Karimganj vai nise, Court ah chuan US president leh Karimganj vaipa chuan 50/50 an dikna tilang turin Chance an nei tur a ni a. Chu chu Justice chu a ni. Miin rawng var hi a rawng dik tak sawi fiah tur chuan rawng dang nen uluk taka tehna neih a ngai a ni.

Eden huan a thing pahnih te kha Judicial ah chuan 50% Pathian leh 50% Setana te chance inang a inbeihna a ni a tih lohtheih loh. Pathian hi a hmelma te chung ah pawh a fair em em zia hi a turu lutuk. 'Rul in ka mei rap se, keiin chu ila' tih ang zia zang a tlukna Thing kha dah a nilo. A chhan felfai tak a awm. Court ah Judge in misualpa(rapist) leh pawngsual tawktu(victim) te hnena ṭan bik nei lova Thudik hailang tura equal platform pek ang hi a ni. 

Mihring an bawhchhiat hian Setana thuhnuai ah an lut tihna a ni a. Setana custody a an luh khan Pathian tân va hrem a rem tawh lo, hun bi tiam a zawh hma loh chu. Tichuan, thihna hi Setana vang zawk a ni! Thihna a lo thlen reng rengin ringtu dik tak chuan Setana hi huat nachang a hre ngei ngei tur a ni, chu chu Setana thilthup pakhat chu a ni e!

Justification of God- Innocent Period...

Dispensation ah chuan Innocent period hi Dan hmanga rorelna a nilova, khawngaihna leh enchhinna—  Mihring khan Pathian puihna tel lovin Pathian a hre reng thei em tih enchhinna a ni a. Chutak chu Innocent period anih chhan pawh a ni. 

[Eden thar pawh hi Adama hunlai ang kha a ni leh dawn a. Adama hmasa hunlai a Dân bawhchhiatna a awm lo ang bawk khan, Vanram/Leithar ah pawh Dan bawhchhiat tur a awm dawn lo bawk, Dan zawh kim luhna a ni tlat a lawm]

Innocence period a Law(Dan) lo barh luih hi a kalhmang lo, naupang kum tlinglo nêna thuthlun ang vel a ni. 'Jurisprudence— invenlawkna'  chiah an mamawh. Chumi zawh ah 'Conscience— a dik zawk hriat theih na', chumi zawh ah Searching, chumi zawh ah Dan hman a ni thei chauh ang.

A nih chuan Genesis a 'Dan' hi?

A hmasa berah translation a buai chiam chiam hian Babelism avângin Juda pa thinlung a pawh tak tak theih loh. Entirnan, Juda thinlung a 'Elohim' hi Greek pa thinlung a Olympus Titan ho an kohna, 'theos' hian a mechanical value(a neitu rilru puak chhuak ang) a tehchhuak zo tawh lo fo. 'Pathian' tih phei chu tehchhuak lo vêng vêng tak a ni! Latin 'Deus' leh Gothic 'Goth' leh Celtic 'God' te hian an hlat lehzual a. Mizoṭawng a 'Pathian' phei chuan a nihna phawk chhuak zo lo teu teu tak a ni tawh. Heivang a Greek leh Latin Church father te an inhnial tâk luai luai a, an khawro zawh tak vek ni. A 'dynamic meaning(thlarau lama Juda pa'n a awmzia a hriat dan)' Juda pa thinlung a mi letchhuak ve thei hek lo le! Juda pa thlirna ah chuan Isua(Yeshua) hi Yahweh Pathian a ni ngai lo. Greek thlirna ah chuan 'Iosous' hi 'theos' a ni. Keiman uluk taka ka thlirna aṭang chuan Isua hi hebrai ṭawng 'elohim(eh·low·heem)' a ni a, Greek ṭawng 'theos' pawh a ni a, mahse 'Pathian' chu a ni lo!

ROM 5:14 chungchang hi le....

"......Adama hun aṭanga Mosia hun thlengin, mi zawng zawng chungah Adaman Pathian thupêk awih lova thil sual a tih tâk anga sual ti ve lote chungah pawh thihna chuan thu a nei a(yet death reigned from Adam until Musha/Moses on them also who had not sinned(gk.hamartia) after the manner of the transgression of the law(gk.parabaseoos) of Adam, who was the type of him who was to be." 

Theologian ṭhenkhat chuan— Adama bawhchhiatna hi 'parabaseoos' a ni a, 'violate a command or transgression' tihna a ni. 'Parabaseoos' hi Hamartia(sual) nen a inang tawh lo a. Parabaseoos(bawhchhiatna) avângin hamartia(nih tur ang nilo) a lo awm a ni zawk, an ti ṭhin.

'Parabaseoos' chu 'trans-gression' a ni reng a ni - ramri kham an kân a, an va thi ta chiah a, Pathianin a umzui a, a va 'tihlum' tihna a ni lo. Chu chu 'Mi nunrawng zia' a ni! Theologian ṭhenkhat lah in verse neih loh chuan an hnawl deuh tlat bawk si. Bible hi a zau lo, Saltang chhanchhuahna tur a siamtu inpuanna zuai a ni mai. Verse lakhawm neuh neuhin chik em em in an thlir a, hre dik ta ber emaw an inti ta deuh mai ṭhin. Loodikei Kohhrante hnena Paula lehkhathawn bo ta te kha an va ui ṭhin awm mang e aw! Bible hi awm ta lo se, an kal zel thei ang em? Bible awm tawh loh hnu, kum sang Lalram, Bible in a thawi feih feih a min hrilh hi ka va thlir veng veng ṭhin. Bible chang han refer tur awm tawh lohna hmun chu!

Dân bawhchhiatna hi ringtute tân chuan he chang hi 'Legal term' emaw an ti fo mai anih hi. Sual hi Legal term kan pe lutuk hian sualna a fiah theihloh nachhan a ni thui em em a sin. Hamartia(sual) hi 'violation of law(rukruk, pawngsual, eiruk, tualthah, uire)' a fihlim ten an sualna an manfiah theih reng reng loh hi! Nih tur ang ni lo, purpose(chhan) hlen lo, target fuh loh hi 'Sual' chu a ni a. Chu chu Legal biahthudi a ni lo, Anthropology(tisa chanchin) a ni zawk. He 'Eden natna(taksa a nih tur ang nilo)' hi heresy a nih chuan Isaia pawh hi a heretic(kal sual) ve fu ang— a sual chu panhnai a khat, vuak duk chur, damlai reng reng awm lo a tih kha. A medical ang reng fu a nia, Legal(Dan leh hrei) thil vek a ni lem lo a sin.

Dan chungchang hi kan khel tak tak a, a ziak bul, verse lakkhawm..atd ang zawnga kan tidawn a nih chuan Pathian thu dik hi hmuhchhuah a ni ngai lo vang. Deceptive Bible interpretation(bumna) leh erronous translation(lehlin diklo) leh mechanical(a neitu mitthlana ang chiah) leh dynamic forced error(thlarau diklo thil tih) thumal hmang a Court room trial a chak tum hi Setana tactic turu ber a ni! Chuvangin mi tam takin 'Eden Bawhchhiatna' an tih aiah 'Eden Natna' hman hi a rem zawk tlat a ni. 

Zirtirna diklo hi Kohhran inawpna sum leh pai vang a ni...

Theologian turu te hian keini ang lo hriat ve thil hi hriatloh an nei tak tak lo. An hria a, Catholica Encyclopedia ah an ziak nasa lutuk. Mahse chu chu 'Cattle(ringtu mipui naran an sawina)' ten an hriat ve zel a ṭul kher lo, buaina a tam mai mai, an ti a. Chuvang chuan an zirtirna zawng zawng kha hun engemaw chen Monastery ah Puithiamte chiah an hriattir ṭhin a. Bible pawh Latin ṭawng lo chuan an translate duh lo a. Monastery ah chiah Latin chu an zirtir bawk a, mipui ten Pathian Thu an hriat ve pawh an phal lo!

A rahchhuah chu Protestant reformation a ni ta chiah a. Pawi leh chhawng chu Protestant theologian te'n an kalsan tâk Roman puithiamte Idealogy(syatem ngai) an la vawng zui zel hi a ni.

Tichuan rationalism a lo chhuak a. Reasoning leh education mi thil chik mi ho kutah a lut ta chiah a, kohhran chu an phawrh  a, thil a pawi zo ta a nih ber kha! Pawi bulthum chu Puithiam/Theologian narân ho hnena Thudik thup a, Pathian Thudik ṭan zawk aia Stewardship(kohhran inawpna sum leh pai) a ngai pawimawh a thil thup an lo nei a, an lo in la lian ta kha a ni!

Mi an thih a, Pathian remruat ang a zirtir fo hi a him lo. He Khawvel leh a chhunga chengte hian reilote atân, mihring duhthlan sual vangin a domain pumpui Setana kutah a tlulut tawh hrih a, Setana chu khawvel Lal tih a ni zui bawk. Chutiang a nih lai a God's Sovereignty changchawi a he khawvel a thihna leh natna te zelah pawh Pathian thu lovin engmah a theng lo tih lo zirtir hi a dik ngailo a ni e!

Setana lalram a nih chhung chu Pathian chuan thei teh meuh mahse, a lo inrawlh ve chuan a nihna Justice nature kalh tlat a ni. Chuti chunghmang  pawh a a mite bika Setana kutthak tuartute arawn tuam dam ṭhin hi a lawmawm em em a ni! He'ng exceptional case, 'hremna leh thununna' hi chu sawi zingah a tello a nia.

Tlipna..

Pathian hi a chak ber lo ve tihna a ni lo a, the silence of God, Setana case kallai ah kan awm hrih a. Setana a duh dan in a la tal hrih a. Isua pawn a pawm thlap leh a sawi fo, 'he khawvel Lal chu Setana' tih a ni rih a. Chu Lalna chu a lawm Isua pawh a offer kha. Hei hian khawvel ram rorelna leh Lalna hi Setana ta a ni rih tih hi a pawm tihna a ni a, "he khawvel hi misual(Setana sawina) thu thu in a awm" a ti rêng a ni! Chulai kara Pathian thlen tirah kan ngai vek erawh a fuh lo. 

Isua'n a sawi kha, Pathian hlau deuh pa khan a talent kha a phum a, a pu tihbaiawmzia leh thu zia leh a tih lam ti ngut, a tihloh lam tilo ngut ngut a nihna(ṭawng dangin God's Sovereignty kha intlawkkhalh nân a hmang a, a chan a chhe hle a nih kha! Vawihlo vawih a inpuh mah mihringte hian nâ kan tih chuan a tih ni miahloa Pathian hi kan puh a. Miten chu avânga Pathian chu sual, nunrawng an tih a, thlarau 1 pawh an bo phah chuan chu chu' zirtirna hi Pathian in a lawm a rinawm lem lo a. Pathian hian“ka tihloh pawh ka tih a min puh a majj low?" a ti dum dum mai lo vang maw?