HRINGNUN HI INDONA TUAL A NI

Hringnun ah hian sipai ang kan ni a; indona hmuna sipai nun derthawng taka ding ang hi a ni! Silaimu tam tak leh bomb hlauhawm a tlep tlepa an sûrna; thisen luang leh taksa them darh neinuai kar ah; mahni sahimna theuh zawngin kan tlan darh vek a! Zahngaihna awm lovin, khawngaihna awm lovin, hlauh leh thlabarna pawh awm lovin, kan inkarah inthahna leh inrikrapna a bang lova! Dan leh dun a awm tawhlo, Pathian pawh a awm tawhlo ang mai hi a ni! Hmelma leh hmelma lo a hriat hran theih tawh hekloh!

Chu hmunah ngei chuan keipawh ka silai leh thuam famkim nen, bomb denkhuarna lei kawchhungah ka la him a! Hmelma te hi engtik ah tak tlawm hlawm ang maw tiin an tlawm hma chu ka post hi ka luah reng a nga, ka hnungtawlh lova nga, ka tlanchhe hek lova nga, ka nunna ka la hek lovang! Sipai tha tak ka ni a, sipai huaisen tak ka ni a- sipai hnungtawlh ngailo ka ni bawk! Ka pa sipai chhuan ka ni bawk!