Cessession vrs Charismatic

Thlarau thilpek hi ringtu tana Pathian thilthlawn pek a ni tih hi hai rual a ni  lo.  Mahse hunbi nei zawnga pek leh pekloh ah hian ringtu tam tak inkarah debate nasa tak a awm thung lawi si a. Chu chu bible hian engtin chiah nge a sawi le tih hi ngaihtuah fo a ngai a ni. A chhan leh vang bible atanga zir ngawt lo a mi thlarau thilpek lo sawisel chiam hi a fuhlo em em thei a, thlaru thilpek nazawh hi awi tur tihna lam pawh a ni chuang hauh lo.  Sawichhiat chiam lah hi thlarau tih vuina awlsam ber alo ni reng thei bawk a ni.

Thlarau thilpek ringtu pawl hi Charismatism tih an ni a, an thu kalpui dan chu  Charismatic movement tih a ni. Kum zabi 1-na lai khan Marka nu pindan chhunga thlarau thianghlim alo thleng a, Apostol te chuan thlarau thilpek nasa takin an dawng a, an zirtir leh zel te pawh chuan thlarau thilpek chu anlo nei ve ta zel a ni. Mahse Apostol age alo liam chuan theologian leh philosopher tam tak te, kohhran hotu tam tak te pawn thlarauthilpek chu bo ve ta nghal duak ah an ring a. An bible chang thur chhuah ber pawh, “a famkim alo thlen hun chuan a famkimlo hi tihban a ni tawh ang(Ikorinth 13:8-10)” tih hi a ni. Hetianga thlarau thilpek a awm tawhlo titu te hi Cessessionist an ti a. Bible erawh chuan thlarau thilpek hi a tawp thu ala sawilo reng reng a, a famkim hun pawh hi enge hriat a ni hek lo!

Cessessionist tena mak tak tak leh ramhuai thil tih ni hiala thlarau thilpek  pawm tute an puh chung chuan kum zabi 7 lai mai chu a karah alo tla ta der mai a. He kum zabi 7-na ah phei hi chuan khawthlang ram chuan thlarau thilpek chu an lo muthil san nasa em em hman tawh a. Chu aichuan inlak  fekfawn lam anlo buaipui nasa tawh khawp mai. Kohhran chhungah muthilna a thleng nasa em em a, thalai te sual ah an pilbo zo a, thlarau thilpek anlo hlat tawh em avangin ramlak lamah pawh thui takin anlo muhil hman tawh a ni. Chutihlai mek chuan  kum zabi 2 -na lai atang tawh  Montanusa’n thlarau thilpek a bo loh a rinna chu rawn parchhuak thar lehin, kum zabi 20-na  tir lamah chuan Bethel Bible College chuan “tawnghriatloh” chu thlarau baptisma chang hriat theihna awlsam ber a ni tih an rawn sawichhuak ta. Kum 1906 atanga 1909 inkar chuan Azusa Street Mission revival chu Los angeles-ah a thleng ta tlat mai a le. Dr. Ken Matto chuan“Setana revival” a ti hial a, hemi tum hian nasa takin revival a thleng a, “tawnghriatloh” in an tawng nasa em em mai a ni!

Kum 1914 alo nih leh chuan a thawhhnihna atan revival lo thleng chuan  Assemblies of God a hring chhuak a, chu chuan Cessessionist te rinna tam zawk chu pawmloin an hnawl ta a ni. Chutichuan America ramah  a darh ta zel a, reilo te ah chu revival chuan khawvel rampum mai chu alo deng chhuak ta a. Thlarau thilpek mi tam takin an dawng a, tihdam theihna te, hriatna te, tawnghriatloh a tawng te, thil mak tih te nasa takin an pung a. Sawi tak angin Cessessionist ho chuan Setana thilmak, setana thlarau a ni e an ti ve thung.

Hetiang deuh hian Penticostal movement chu kum zabi 19-na atang khan alo intan ve det det a.  Topeka, Kansas-ah kum 1901 phei kha chuan mi tam takin thlarau baptism an chang nasa ta em em a ni. Achang chuan Charismatic movement an ti ve bawk a. Zirtirna hran dang an neih lemloh avang hian charismatic movement nen hian sawi hran an ni teh chiamlo. Mahse tun hnu hian penticostal movement tih deuh kher thin a ni tawh a. A chhan chu Penticostal movement hi chuan penticostalism(penticos ni a thil thleng, apostle te hnung zui) hi a tum ber a, Charismatic movement ve thung hi chu thlarau baptisma atanga rawn dingchhuak an ni a. Thenkhat chhut dan atang chuan Charismatic movement hi kum zabi 20-na laihawl a rawn chhuak niin an ngai. “Charismatic”tih hi greek tawnga “charisma” tih atanga lak a ni a, a awmzia chu “thilpek” tihna a ni. Charismatic leh penticostal movement atang chuan “thlarau thilpek” tih kher thin a ni.

THLARAU THILPEK

Bible hian thlarau thilpek  hi chi hrang hrang ringtu te thlarauvin a pek thu kan hmu a. Chung thilpek chu kum zabi 1-na laia Penticos ni atanga  intan a nih hmel a; chi tam tak awmin 1korinth 12:8-10 -ah chuan hriatna te, rinna te, finna te, tihdam theihna te, thilmak hrillawk theihna te, tawng hrang hrang a tawng theihna te(tawng hrang hrilfiahna te pawh a tih theih), tawnghriatloh hrilfiah theihna te; tin, tawnghriatloh te, thuhril hna te, zawlnei nihna te, tirhkoh nihna te,  remruat thiamna te pawh hi an ni (1korinth 12:28-30).

He thlarau thilpek hi thil namai a ni awzawng lo a. Paula chuan Ephesi khua a mite hnena lehkha a thawnna ah chuan, “thlarauva Pathian awmna tura rem khawm inni”  tiin thlarau thilpek chang tute chu Pathianin ama duhthu ngeia a thlan liau liau, a cheimawi an ni tiin a fuih hial a nih kha(Ephesi 2:22,23). Miin piantharna a chan chuan a taksa tanpuitu leh chhinchhiahna, midang tan pawha sawt tlanna tur hi hremhmun hriat rilna aipawh a pawimawh zawk a pe thin a. Thilpek pahnih khat maia lungawiloin, thilpek dang, a aia tha leh hmantlak pawh chak cheu turin Pathian thu chuan min fuih bawk a ni(1korinth 12:31).

Tin, kohhran chawmtu nihna te, zirtirtu nihna te leh pastor hial nihna thlarau chuan a pe bawk a(Ephesi 4:11-16). Tirhkoh Paula vekin thilpek lam  te, khawngaih theihna te chu thlarau thilpek a ni a ti bawk(Rom 12:4-8). Paula ngaihdan hi zir chian phei chuan thlarau thilpek hi a uar em em a. A sual lem lo a ni ang e. Thilpek zingah chuan thuhril hi chak ber turin min ti a. Engpawh chu lo nise Isua pawn talent tipung turin mi a zirtir thin a nih kha.

Vawikhat chu colledge kal lo a ka thianpa damlo ka buaipui lai chuan ka kiangah hian ka thianpa, rangbawlna lamah pawh lo tlan hrep tawh, thusawi thiam em em mai hi alo kal a. Kan thianpa  damlo chu a tawngtai a, mahse a dam hauh lo. Kei rawngbawlna lamah la tlan vaklo, theih ang tawk tawk a mahni a lo tive naw naw thin kha ka nia, a luchungah kut nghatin ka tawngtai chu a zan la lain a dam nghal hmiah mai a ni. He thu ka ngaihtuah hian thlarau thilpek hi mitin chuan kan dwng hauh lo a, mahse thlarau chuan kan dinhmun a zir zelin a tawk chauhin min pe thin tih ka hre chiang ta a ni(1Korinth 7:7).

A tawp berah chuan tihian khaihkhawmna i han siam teh ang. Pathian thu hian thlarau thilpek hi ala titawp mailo a ni tih hi kawng tam takin a hmuh theih  a. Kei ngei pawh hian vawi tam tak chu ka unaupa damlo ka lo khawihdam tawh a ni. Ringtu dik tak chuan thlarau thilpek hi a dawng ngei ngei tur a ni zawk a. Nitina thilmak lo thleng te hi chhut neuh neuh a, dept analys chuan “thilpek” vek zawk a ni. Nunna lam thleng hian Pathian thilpek a ni a. A pekloh reng hi engmah a awmlo. “Thlarau thilpek” a awm tawhlo titu te mu tanna ber chu ramhuai thlarau a nih mai zawk rinna lai hi a ni awm a?! Isua ngeiin ringtu dik tak heka, sawisa a, diklo taka puhtu tur chu ringtu der te an ni a ti a. Thlarau thilpek pawm duhlo tu te hian Pathian an sawichhia a ni mai  lo maw tihna rilru a lian zawk mah. Pathian tana thil tha tak sawi niin an inhria a, ramhuai thiltih theihna niin “thilpek” chu an puh a! Witchcraft leh magic lam a nilo. Bible chuan thilpek chu thlahthlam hauhlo tur te, chhemalh zel tur leh tipung deuh deuh turin min ti zawk a. Chu chu ringlo mite tan chhinchhiahna a ni a tifan zawk a ni(1Tim 4:14; 2Tim 1:6).

Reference:

1. 18 Dangers of the Charismatic movement. by Dr. Ken matto

2. The baptism of the Holy spirit. by LE maxwell

3. Holy spirit in your life), Ben publishing, Secunderabad, 1999

4. Hinn, Benny, welcome, holy spirit

5. Thomas , Robert L, Understanding spiritual gifts, 2001

6. Scotland, Nigel, Charismatic and the New Millenium, OM Books, Secunderabad, 2000

7. Turner, Max, The holy spiritual gifts then and now, OM Books, Secunderabad, 2003