Don’t tell me to stop loving you

Khami ni kha eng ni nge  ka hre mai tawh lo, ka hriat chhun erawh frame mawi tak mai min hlan ni a nih vang a ni a. Keipawn a rulhna turin thil tha tak tihsak ve niin ka inhre bawk a. Khami ni kha chu kan hlim kher mai! Ka theihnghil ngai tawh lo reng a nih hi maw. Chu frame ah chuan he thu hi a inziak a;

Sweet memory- Just- Have u

Oh my love my darling
I’ve hungred for your touch a long
And times come by slowly
And you still mine
I need you love

Vawikhat te mah  bialnu leh ngaihzawng nei ngailo tan chuan hetiang tluka thuril leh ngaihnawm hi a awm dawn chuang em maw ni le! Min hlan ni te khan ka hawng phal mai lo a, a ruk tein inah ka hawng ru dem dem a, en pawh kha ka ngam tha manglo te kha a ni si a! A mak ngawt mai khatiang em em a ka nun tidanglam a, vawikhatna  atan a khawvel thar min siam sak tu kha tun thleng hian ka hmu tawh ngailo, hmuh pawh ka inring hek lo a ni zawk. Hmuh tum pawh ni ila ngaihzawng dang buaipui turin hun ka nei tawhlo chu a ni tan der  tawh bawk si a. Ka thiante  bialnu  ka han tehkhin kual vel pawh hian ka bialnu ang renga min tidanglam theitu hi ka tawn ka ring chuang lo!

Tell my heart to stop beating 
Tell my mind not to think 
Throw a stone in the ocean 
And tell that stone not to sink 

Vawikhatna atan rilru leh thlarau zawng zawngin  bialnu ka nei ve a ni a. Vawikhatna atan ka thuruk ka hrilh a, vawikhatna atan “ka duh che”  tiin hmeichhia hnenah ka  sawi a. Ka hma ah chuan dingin min kuah a. Ka kiangah chuan dingin min nuih sen sen hmel ka hmu a. Vawikhatna atan thingpui min pe hmasa bertu a ni a. O.. Ka tan chuan engkim maiah khan a hmasa ber a ni vek si a, engkim maiah khan min zirtirtu a ni a sin mawle!

Zanah neihlungkhawngin intihlim turin Mela kan kal dun a, vawikhatna atan hmeichhia Mela ah ka kalpui a. Vawikhatna  atan hmeichhia ka phurh chu ka hau buan buan a, vin hlawk hlawk kawpin ka hau a. Vawikhatna atan hmeichhia hnenah chuan “min ngaidam rawh aw” ka ti a. A hmasa ber atan a biangah ka fawp ta a nih kha!

Tell the world to stop turnin’ around 
Tell the sky not to be so blue 
Tell the rain to stop fallin’ down like tears 
But don’t tell me to stop lovin’ you 
Don’t tell me to stop lovin’ you 

Kum dangah chuan khrismas alo thlen chuan mahniin inah ka awm a, mut lum mai hmabak kha ka ni a. Anihloh chuan TV en a, phun zuap zuap kha a ni thin. Mahse vawikhatna atan hmeichhia khrismas ka hmanpui a, vawikhatna atan arsa ka kanpui ve ngei a. Vawikhatna atan zan ka lenpui a. Vawikhatna atan ka bike ah hmeichhia ka phur a, vawikhatna atan ka bialnu ka tlukpui a ni. Vawikhatna atan“min ring rawh” ka ti a. Vawikhatna atan lungchim em emin ka hnungah a bei a, vawikhatna atan ka beng bulah “ka hmangaih che, ka kalsan ngailo ang che”min ti a. Vawikhatna a nih ka ring, lawm avangin ka biangah mittui a luangchhuak hial a sin!

Vawikhatna atan chuan ka ui em em thin, mahse ka nun ah a hmasa ber a nih avang erawh chuan ka theihnghil thei der silo a. Ih maw, a vawikhatna atan bawk thil ka leisak  bawk a sin. Grape juice insualin rui em emin ka awm a, vawikhatna atan hmeichhia pakhatin min hruai haw a, a vawikhatna atan  then ka tum a,a  vawikhatna atan “min then rawh rawn ti tawh suh, ka then theilo che a ni” min ti a. Ka biangah mittui a tla leh hial a sin!

Ka nun khawhar leh chau em em hi a vawikhatna atan rilru na leh chiau vawng vawngin a siam a. Khur hlawk hlawk khawpa lungchhirin a diriam a. Tah pawh tap ri theilo khawpin a na  a. Mittui reh ngailoin a siam a. A vawikhatna atan hmeichhia vangin zu ka in a, harh ni reng nei loin nileng ka hmang thin! A vawikhat nan rinawmlohna tenawm tak ka hmu a, vawikhatna atan ka thinlung chu chhutsawmin a awm a. A awikhatna atana min tah khumtu khan tahna min siam a. Mahse ka thlah thei silo!

Tell the past to be forgotten 
Tell my life not to exist 
Tell a promise made to be unspoken 
And my lips not to have been kissed 

Ka damchunga  thu min tiampuitu pakhat a awm a, chu chu a vawikhatna atan “I tan ka rinawm reng ang a, ka lo nghak reng ang che” min ti kha a ni a! Mahse rilru na takin min kalsan ta a! A ngaihna hrelo takin khawvelah hian ka awm a. Ka taksa khing lehlam bo hial niin ka hria, ka a mai dawnin ka inring a sin! Chung zawng zawng pawh chu ka nunah vawikhat a thlenna vek a ni zel si. Ih maw.. a vawikhatna leh a hmasa ber atan hmeichhia duh takin ka fawp a, ka fawp bang theilo a; a hmui seh  pah chuan a hmasa ber atan “ka hmangaih che a sin” ka ti ta a. Chung zawng zawng chu ka hun leh kum bi chhiarna ah hian a vawikhatna leh a hmasa ber atan chhinchhiah diama dah that alo ni ta a ni. A hming pawh a vawikhatna atan hmeichhe hming tam tak zingah ka hriat reng pakhat awmchhun a ni a, “ka hmangaih che  Piang” tih chu ka tan a tawk em em tawh si! Tunah chuan a awm ve ta lo. Ka nunah a hmasa ber atan vawikhat alo lut a, min tihlim em em thin a;  mahse min hliam a, tihdam tum leh siloin min kalsan ta vang vang si! Ka nun hian ngaiin chauh phah hial mahse ka ta ani ngai tawh si lo a, tapin au hawm hawm mah ila kir zai a rel tawh silo. Mahse vawikhatmah beidawng ve ngailo rilru erawh hi chuan “mangtha “ a ti ngai reng reng lo thung si a nih hi!

I can’t do it, I can’t stop 
It’s something that love has sealed 
Only the broken-hearted know the way I feel 
But don’t tell me to stop lovin’ you