Engtin tak la awm ang maw?

Chhunlamah buai chung chunga ka training pui ka thiannu unaupa boralna ah ka kal avangin tlai ka haw chu ka chau hle mai. Chutah hmeichhe neilo unau kan nih avangin chau em em chunge tilo chuan  rawngbawl turin minlo la hmuak tun mai a. Mahse zanlama ka tih tur erawh chu a hlimawm fu dawn hian ka hre tlat thung a! Chumi avang chuan ka tihtur tul awm zawng zawng pawh chhungpuinu leh awmpui tha hen khawpin ka vaihma ta vek a. Darkar reilo te ah zanriah  ka peih ta der mai.

Zanriah kan kil zawh ve leh chuan hmanhmawh phelengin ka pa bike chabi ka thukru zal zal a. Ni e, hetia ka tih avang hian zan lehcheh a maw minlo ti ngawt ang e. Zan len ka hrat lo a, ka leng ngailo bawk. A chhan chu thim hi ka hlau a ni. Mahse chung zawng zawng min nghilh tirtu ka hmalawk a ka hmuh tur awm chu rinna mit hian a hmu kar mai a. Ka pa hian “thalai te inni a, in ah awm tam deuh teh. I rawn haw chhun hi chuan in ah awm ve deuh rawh” hi min ti ziah thin. Ani khawp mai keipawn ka ti; phai lama vawm thlak nih chuan kum khatah vawi hnih vel chauh inlum ka rap ve thin tihna a ni a. Ka hriat thiam pui lutuk  ka pa hi.

My love, there’s only you in my life

The only thing that’s bright

My first love, you’re every breath that I take

You’re every step I make

Mahse tlang let liam a ka hmuh tur erawh chuan ka thuthlukna a ti nghet sauh sauh a. A bahsam leng phe hlep hlep tur te, a hmui lum vam tha ham mai han fawh leh vawng vawng te, a pianze mawi tak mai, rilru tikawi thei, neitu ka ni tih inhre taka ka pawm leh vawng vawng tur te kha ka pa thusawi zawng zawng min zuan ka hlen tir tu a ni. Hmm… lungawilo zetin motor chu ka tinung  vut vut a. Mahse ka hmalawk a thleitiri erawh chu ka tan kanaan ram, khawizu leh hnute tui luanna ram ang tluk deuh thaw a ni. Ka hmuh chak em tawh avang chuan rang takin ka tlan ta nghal nal nal a. Kan intiamna hmun chu ka va thleng a, ani chu alo awm der tawh. Ka va hnaih a, minlo nuih sei mai ka hmu chu ka va hlim teh  lul em. Ka chapo nghal tunin ka inhria.

And your eyes, your eyes, your eyes

They tell me how much you care

Ooh yes, you will always be

My endless love

Kan intiamna hmun hi inte reuh te, motor channa tur atana sak a ni a. Bang a neihloh avangin thli thaw chuan kan pahnihin min chhem deuh reng a. A rei hnu phei chuan inkuahlo theilo dinhmuna awmin ka kuah lum ta a. A hmuiah chuan fawpin, a biang tai sen tak mai chu ka fawh sak leh a. A kut atang a phone rawn phawrhin hla kan ngaithla dun ta a, chu hla chu “endles love” tih kha a ni. He hla hi ka pek liau liau kha a ni a. Kan pahnih tana phuah ni ber awm tak hian, ka suangtuahna na zawng zawng he hla hian a sawi ni ber tur a ni, “ka sawi tur zawng zawng chu he hla hian a sawi vek a sin” ka ti fo thin.

Two hearts, two hearts that beat as one

Our lives have just begun forever

I’ll hold you close in my arms

I can’t resist your charms

Chu hla kan ngaihthlak chuan a zir vang nge pawh ka hre lo, zan boruak chu thianghlim sar mai hian ka hria a. Vana arsi te khian hmangaihna an entir ni ber hian ka hria a, thla amah chauha alo awm chuan ka vanneih zia min hriatchhuah chawpchilh tir rum rum mai. Ka bul a thu, ka kuah erawh chuan enge a suangtuah ve ang le tih ka ngaihtuah ve leh thung a; “engtin nge tunah hian min suangtuah le?”, “tunge a ngaihtuah mek aw?”  tih ten ka rilru chu a buai ru khawp mai. Ni e, a chhan chu lei ram hi kumhlun lo tur a nih miau avangin inthen leh mai thei kan ni a. Endless love hla te chu tha hle mahse zawm erawh a har em em thung si thin. Forever- te han ti ve duah thin mahila mitkhap kar pawh alo daihlo reng mai thin si a. Tunah chuan tihian ka bulah a awm a. A harsatna te min hrilh a, mittui hnam  teuh chunga an chhungkaw harsatna te chu min hrilh mawlh mawlh a. Keipawn ka hmangaih zia te, ka duh zia leh a tan ka awm reng tur thu ka hrilh cham chi a. Ka darah chuan rawn beiin, muthil daih mai chu a duh fo thin.

I’ll be a fool for you

I’m sure you know I don’t mind

Cause you, you mean the world to me

I’ve found in you my endless love

Ni e, tunah chuan ka kiangah lungmuang leh hlim takin a awm a. Nakinah chuan inthenni te alo her chhuak ang a, duh tehlo mah ila “I tih tlat chuan” tih hun alo la thleng ve ngei dawn si. Chutih hun chuan a hmaa tap siloin ka thinlung a tap ang a, haw em em mahse haw phal silo angin ka awm ala tul ang a, ka mamawh lo che tiin vin hun te ka la nei ve ngei ang, mahse chuti chung pawh chuan ka mamawh ni reng a reh thei dawn si lo. Ngai leh khawhar takin chhunni ka la hmang liam ang a. Aizawl haw thla alo thlen chang ni te chuan, kan sulhnu leh hlimni te chu mahni te chauhin ka fang tawh ang a. Engtik ni emaw chuan min theihnghil ni ala nei ve ang. Kei erawh chuan he phekah hian theihnghil reng reng tawhlo tura ka ziah hnan ni a la thleng dawn si. Aw…. Chutih hun chuan he hmangaihna hi engtin tak lo ngai ve ang maw, anun ah hmun engzat tak chang ve ang maw tiin ka inngaihtuah buai nasa khawp ang le!  Mahse ka hma lawk a a thu a. Ka han fawp a, ka kuah a, ka rilru erawh chuan, “entin tak la awm ang che maw” ka ti neuh neuh a… Hun hre lawk thei ila chuan ka chhuah hauhlo ang che ka ti thin a sin!

And, yes, you’ll be the only one

Cause no one, no one can deny

This love I have inside

And I’ll give it all to you

My love, my love, my love

My endless love