Arukin hei hi i tan ka ziak fo thin a sin..

Duhtak, min han en teh

Hetiang hian min la hmu ngailo tiraw?

He thu sawi tura ka zeiloh zia pawh i hriat kha

Thinlung na, rilru na leh mittui tlain ka hril dawn che hi.

Zanin baka hun tha reng reng hi a her chhuak leh dawn silo,

Harsa hle mah se ” mangtha” tih a ngai ta si a nih hi.

Nangmah hmangaihtu che chu i tawng  fo thin,

Mahse  hmangaihtu riru put erawh a dang ve zel a sin?

Lengdang te pawn duat takin an kai che a

Keipawn duhtakin ka kuah vawng vawng che kha.

Mahse ruah mal man tum ang mai a ni.

I thinlungah chuan hmun lian ber chan ka duh vei nen a!

Duhtak, i thinlunga min pawm tur hian

I chakloh  zia hi ka hriat a sin !

I rilru a awm te chu i hai lo a

Thup reng pawh a ngai chuang lo.

Thinlung pahnih neih leh ngaihsak hi

I tan pawh a harsat zia ka hria a sin.

Ka hmangaihna che  chu ka lo la ang e

Dai ngai reng reng lo ilo hnawl tak chu.

Hun hi enkawl thei chu ni ila,

Nang nena kan hun hman kha tun thleng hian ala liam lo ang.

Thuruk nei ila maw,

Nang hmangaihna lo chu thuruk tur dang ka nei chuang lo.

I thinlung hi keimah ah hian kalh hnan daih thei se la ka van ti em!

A chabi chu hmuh phak lohah ka paih bo mai tur a nia.

I lakah chuan naupang a ang mai ka ni,

I hmangaihna ka dil chung chung thin che avang khan.

Nang chelhdin nan minute chauh nei ila;

Dar kar ah ka chan tir ngei ang.