Khawnge maw ka han thai tial leh mai mai teh ang. Thiante ho ziak leh ti ti ka ngaithla ngun bawk si a. Chuloah tunlai thangthar te vei em em mai ka vei ve ta tlat hi mak ka in ti. Mahse ka puah chhuah pui lem lo a nia. Dik tak chuan ziak ngam sak dinhmunah chuan ka ding ve a lawm.
Thenkhatin a tuaitir chhai a nuam an ti, thenkhatin a si si anlo hmutai ve bawk a. Chuta kara ti ti leng lo kurpui chu ngaihzawng lam lem thiamlo ziah atan chuan min iai ve bawk si a. Khawnge ngaihzawng neilo te min timaw; ka neih zia leh ka iaiawm bikloh zia chu ka lan tir dawn emawni chu le.
He thu ngaihtuah leh ti ti hi chu tunlai thangthar ho movement hi chu a ni ve hranpa. Mipa ho an thut bial laih tawh chuan ,” thil te te” an sawi an tih kha maw. Ni e, mipa thu khawm laih tawh hi chuan birth control hi chu an hmusit ve chiang a lawm . Mahse ral khel tur erawh chuan ral rundan tur an ruahman fel phawt thin kha maw. Nupa insiam hma inngaihzawnna, hemi hma inchhailai di lai tak mai hi a lawm damchhung nuna hun nuamlai ber, insawitheih hunlai chu. Tar zur tak tawh te pawn ”kan hunlai chuan” an ti deuh kher thin.
Hmeichhia sitar kan nei a, biak pawh ngamlo leka mit leh mit inhawl fuh tir kan tum, an bialpa nen an tawm lai han hmuh hi chuan a trek zawk zawk mai a nih hi maw!! Zeilo nih chanchangin an nui ri thawmah kan chau zawr hnep mai thin a nih hi. Thenkhat inzei ten hmeichhia chu sava thawk lai ang an ni an ti a, thenkhatin a kap thlatu ta ta a ni an ti leh a. Pakhat duhthawh deuh phei chuan ,” a kap thlatu ta pawh a ni chuang lo, a chhar hmasatu ta a ni” ala ti cheu mai.
Ni e, hmeichhia te’n a mipa an rinchhan zia sawi hi chuan a chul nem peih peih tih hi chu alo dik viau chuan ka hria. Kar hla di neih thiam lo tak tak pawh hi duattu hnai tak an neih vang a ni chawk, dem bik lo’ng e. Ngaihtuah ngai ta zawk a chu engvang nge hmeichhia hi mipa tan an lo hlut em em a, engvang nge mipa hi hmeichhe lakah tih tluk, hneh hma a nih ve fo mai le ka ti.
Samsona pa rothap delili ngaiin a rum a, a tluk phah der a. Israel Lal chhuanvawr Davida mitin betsebi dul nem en liam mai chu har a ti. Samsona hla phuah reng a thik a na. William shakespeare nuthlawi ngaiin a zamral an ti maw. Pu valtea hla thu chuan hmeichhe zun min hriat tir , ngaihzawng neilo pawn neih an chak phah em em si a.
Han chhui kir leh ta zel ila hmeichhia Pathianin a siam lai khan mipa angin a siam der si lo a; ani chu mipa nakruh atanga siam a ni chauh mai! Mipa nakruh chauha siam chu hmeichhe taksa ruhrel tungding tur chuan a tawk dwn em ni chu le? Mahse hei an taksa khaidingtu ruk chuktuah chu a mawi em em lawi si a.
He lai “mipa nakruk atanga siam” tihlai te hi ka ngaihtuah fo thin. Mipa nakruh chauh hi mipa ta ang neih an neih a ni ve chauh si a le. Hei vang hi a ni mahna tisa nem lai, awm nem, dul nem an neih tak ni. Hei erawh mipa Adama khan a duhloh thu a sawilo, mipa tichaklo lai ber thin tu leh hip tu chu Adam hian alo haw ve hauh lo mai pek a. Tun thleng hian hmeichhe duhawmna chu mipa tukdawlna tha tak ala ni fan mai.
Mak deuh chu mipa nakruh chauha siam an nih avangin mipa thluak ang hi an lo nei ve reng reng lo mai! Hei vang hi ni chek ang chu hmeichhe finin tuikhur ral a kailo anlo tih ni. Mipa tanga bei a, mipa rinchhan tur an nih hmel hle a ni.
Nakruh han tih takah chuan mipa nakruh kimloh avanga tun thlenga natna benvawn vei an awm lo a, hmeichhia pawh mipa nakruh chauh a din/siam a nih avanga nakruk pakhat chauh a incherding a ni bik hek lo. Pathian hian mipa leh hmeichhe inhipna hi a ni alo siam chhan zawk tak chu. A kawppui awm mi kha ramsa zing atang khan lo thlang ta hlauh mai se kan Miss world tur te chu han ngaihtuah teh! Mahse Adama chuan Evi a han hmu zet chu le, “hei zet chu ka tisa ang tisa pu, ka ruh ang ruh nei; ka kawppui tur mi tak a ni, a hmingah Evi ni rawh se”, ava han vanneih thlak rem rem em!
Thupuiah ava hlat ta em, i han chingpawr tan ang hmiang. Hmeichhe lenglai leh kawplai nei pawh sava thlawk lai ang mai an ni tih hi diklo tunge tingam le. Pawmlai nei pawh mipa nakruh atanga chhuak, lenglai pawh chuti bawk. A kap thlatu chu mipa te an ni. A kap thiam thiam nihlawhna a ni ber.
Kan naupan lai khan chuan rual u deuhten , “i zeiloh chuan hmeichhiain an duhlo ang che” minti kher thin. Zei duh si zei thiam silo. Dik tak chuan love letter hmang thiam lo chhuahna pawh kha ni berin ka hre ta. Mahse tunlai chhanah chuan zei pawh a tawk tawhlo, sum lam a ni tawh. Sava thlawklai kah thlak ringawt ai chuan a chhar rang rang a ni zawk.
Hmeichhia chu mipa ring tur reng a Pathian siam an ni a. Adama amah chauha awm chu tha a tilova, a kawppui atan hmeichhia a siam a ni. Hmeichhe tan chuan an mahni duattu tluka hlu an awm dawn em ni le? Anni chu awm nem leh dawm ngai, lungno na nei an nih avangin duat taka enkawl thei, kai leh chhawntu tluka hlu an awm hlei nem. An tah ni a an tana mittui hruhultu tluka hlu dang enge awm. A chul nem peih peihte tan chuan kah thlak sen rualloh an awm e. An tan chuan hmangaihtu hi an pawimawh hmasa ber mai a ni hi.
.jpg)
No comments:
Post a Comment