THE ONENESS OF GOD- Vol 2 by David K. Bernard( Letlingtu Lalbiakkima Pautu)

Pathian, khawihmunah pawh awm chuan mihring a siam a, ama anpui ngeiin, mihring tan an chenna tur Eden huan a siam bawk a, chutah chuan a chen tir a. Chu huan lai tak ah chuan nunna thing leh chhia leh tha hriatna thing chu a awm a.

Pathian vantirhkoh, Zinglam Fapa chuan Pathian a dona avangin mihringte chu Pathian thilsiam vekin a ti thi ta a, Pathian thinrimna chuan Eden huan atang leh van khua leh tui atang hnawtchhuak mahse inchhirnain a khat thin a.

A hmangaihna nasa tak chuan amah ngeiin a thilsiam vek hmanga a lak let leh a rorelna dik a nei nan,midang tello, amah ngei chu inngaitlawmin mihring bawhchhiatna chu rawn tuar turin Fapa, mihringah alo chang ta a.

Pathian remruat danah sual ngaihdam nan thisen chhuah ngei a ngai a.Ran thisen mai chu mihringte sual la bo turin a tling zo lo a, ran te chu mihringte aia hnuaihnung an nih tlat avangin.

Mihring zingah hian tlanna hna thawk zo tumah an awm bawk heklo a,a chhan chu mi zawng zawngin thil an tisual vek tawh a,hremna a thi tlak vek kan ni(Rom 3:23). Pathian chauh chu sualna neilo a ni a, mahsela tisa leh thisen a nei silo a, chutichuan Pathian chuan ama tan taksa a insiam ta a(Hebrew 10:5).

Tichuan tisaa nung taksa nei alo ni ta a,mihringte chhandam nan sualna neilo thisen a lo pe chhuak thei ta a ni. Tisa leh thisen nei alo ni ta a, Thihna hmangin sual a hneh ta a, sual lak ata mihringte a hruai chhuak thei ta a ni (Heb 2-14-15).

Hetiang kawng hian Isua chu Pathian lungawina min siam sak tu alo ni ta a, chumi avang chuan sual ngaihdamna kan lo nei ta a ni, chutah chuan Pathian dikna pawh a lungawi ve thei ta a, Pathian thinurna thianghlim chu a lungawi ta a ni(Rom 3:25).

Fapa inpumpekna hi a felnain phut nei lova Pathianin kan sualna te a ngaihdamna tur hmanrua chu a ni a, Pathian Fapa inhlanna turin, Pathian hnena Isua inpumhlanna avang chuan chhandamin kan lo awm thei ta a ni (John 3:16,Heb 10:10-20). Chuti chuan Fapa chu kan tan inthawina leh kan sual tana Pathian lungawina siamtu alo ni ta a ni.

Kan lai chin Tlantu kan neih theihna pawh hi Fapa a nihna vang bawk a ni a, OT ah miin a thil neih a hralh chuan emaw amah ngei bawiah a inhralh chuan, a laichin hnaivai tuin emaw lei let theihna chanvo a nei a ni(Lev 25:25). Tisaa alo kal avangin Isua chu kan(pianpui)unau a lo ni thei ta bawk a (Heb 2:11-12). Chuti chuan kan unau laichin Tlantu nih alo tling thei ta a ni. Bible chuan kan Tlantu tiin a lo hrilhfiah ta a ni(Rom 3:24,Rev 5:9). Chumi avng chuan mihringin Abba (ka Pa) tiin Pathian chu a lo au ta a ni.

A mihring nihna avang bawk hian Isua chu a palai thei ta a, chu chu mihring leh Pathian inkara palai, Pathian hma a mihring aiawh tu tihna a ni. Pathian hna a thawhna ah hian mihring leh Pathian a inrem tir ta a, Mihring chu Pathian thian atan a siam thei ta a ni. Pathian thianghlim leh sual fa mihring inkar chu sual neilo Isua chuan a dawh zawm ta a.

“Pathian pakhat chauh a awm a,Pathian leh mihring inkarah palai pakhat chauh a awm bawk a,amah chu mihring a ni, Isua chu” tih a ni(1Timothy 2:5). "Palai reng reng pakhat lakah palai a ni ngai lo,Pathian erawh chu pakhat a ni” a ti bawk(Gal 3:20).

Heng chang te hian Pathian ah chuan mihring leh Pathian a awm kawplo a,Isua ah chuan Pathian leh mihring a awm kawp a ni zawk! Pathian leh mihring inkara Palai chu Pathian a ni lova,”Fapa Pathian” pawh a ni lova, mihring Isua a ni hna thawk ni; mihring aiawha palai hna thawk chu sualna neilo mihring, Pathian thianghlim hmaa ding thei Isua chu a ni.

Mihring a nihna avang bawk hian Adama pahnihna a ni tel nghal a(1kor 15:45-47). Tisaa sualna awmlo chu hneh tur leh thihna ngei chu hneh turin alo kal a ni(Rom 8:3). Mihring zawng zawng aiawhtu Adam a ai chu a rawn awh a,mihring ang a alo kal vang chuahin Adama dinhmun chu a rawn luah thei ta a ni.

Chutianga a lo awm tak avang chuan Adama bawhchhiatna avanga thil lo awm zawng zawng chu a lehthal ta vek bawk a ni(Rom 5:12_21). Adama avnga mihringin a thil hlauh tawh zawng zawng chu Adama pahnihna Isua chuan a lei let leh ta vek a, mihring zawng zawngte aiawhtu thar, chi leh hnam thar dintu alo ni ta a ni.

Isua kan thlirdan tur kawng awm leh chu tisaa sualna awm a hnehna hi a ni. Tisaa Isua a lo kal hian thi tur ringawtin alo kal lova, a tihdan anga kan tih ve theih nan sual hnehna nun min pe turin alo kal bawk a ni (1 Pet 2:21). Tisaa sualna hneha nun dan tur min kawh hmuh a.

Pathian thu tisaa lo lang a ni(John 1:1). Thu nung a ni a, tichuan Pathianin eng ang a nung turin nge min duh kan hre thei ang. Nun dan tur anga kan nun theihnan thiltihtheihna min pe bawk a. A thihna a Pathian nen kan inrem ta ang bawkin, a nunna vangin chhandamin kan awm ta a ni(Rom 5:10).

Aman nung tura min duh dan anga dik taka kan nun theih nan A thlarau chuan thiltihtheihna min pe bawk a(Acts 1:8,Rom 8:4).Fapa chuan Pathian hma a mihringte ai a awh ang bawkin,mihringte hmaah Pathian ai awh bawk a ni.A thiltih engkimah mihring ai a awh avangin mihringin Pa a neih nan te,Pathian fa nih nan te amah ngei chuan a tihmasa a,”Ka Pa” tiin a lam fo thin,chumi avang chuan mihring chu Pathian fa kan lo ni ta bawk a ni.

Tirhkoh a ni a,Pathian thlarau a ni a,tlanna hna thawk tur a Pathian tirh a ni bawk.Zawlnei nih a fawm a(Acts 3:20-23).Mihring alo channa ah hian a dinhmun a khirh em em a, a chhan chu mihringte zawl tawk a nun a ngaih vang a ni.

Fapa a nihna hmang bawk hian dik takin mihringte pawh ro ala rel sak ve leh dawn bawk a.Pathian chu a fel a,a dik bawk a,zahngai thei tak a ni bawk a.Amah ngeiin mihring anga thlemna leh harsatna te a tawh ve phawtloh chuan leh,chung te chu tisain dik takin a hnehthei tih a tihlan hmasak zetloh chuan,mihring te chunga rorelna hlen chu a zahngaihna leh inlungrualna chuan tha a tilo a.

Bible hian Pain tumah thiamloh a chan tirloh tur thu a sawi a,Fapa chauh chuan ro ala rel dawn a,a chhan chu Mihring Fapa a nih avangin a hnenah rorelna pek a ni(John 5:22)a chhan chu Amah ngeiin alo tur vek tawh vang leh mihring tan sual hnehna a pek tawh vang a ni.

Hebrew bung 1 thu ah chuan Fapa chungchang ngaihnawm tak mai a awm.Chang 3 thu chuan Fapa chu Pathian ropuina eng leh a tak anpui ngei a nih thu a sawi a.”A  tak” tia lehlin hi Greek tawng atang chuan “Hypostasis” a ni a,KJV ah mi(person) ti a lehlin a ni a.

Chu chu tak nei, mizia,mi tihna a ni. Chang 3 thu hi NIV chuan “Fapa chu Pathian ropuina eng leh Pathian aiawhtu” tiin a dah a.Chumi ang thu chu Kolossa 1:15 ah “Hmuhtheihloh Pathian anpui”tiin.Fapa chu Pathian aiawh leh anpui alo ni ta a,Pathian ropuina a keng tel bawk a.Pa,Pathian hmuhtheihloh chu hmuhtheih tisa Fapa ah a lo chang a,tichuan Pathian ropuina chu mitinin an hmu thei ta a,”Pathian chu eng mizia leh eng nge a nih kan lo hre thei ta a ni.

Pathian hian a ropuina hi tumah a hlan chhawng ngai lova(Isaiah 49:11), Fapa erawh Pa ropuinain a thuam ta zawk a,chuti chuan Isua chu Pa, Fapa nih fawm, thlarau thianghlim chu ni.