Lucifer’s manifestation (Pathian an duhna)

Vawikhat chu ui awmkhawmna ah sa ka paih a,ei tu nih inchuhin an insual chiam mai a,engvang nge ni ang le?Inkhel ho te chuan khingpui te ai a chak zawk nih tumin an tawng tai ve ve a,engvang nge ni ta?

Ramthim a rawngbawl tute zingah eng vang nge lar ber nih tumna alo awm?Engvang nge mihring zing ah survival of the fittest  alo awm?

Unau leh chhungkua ah engvang nge buaina alo awm, engvang nge midangte aia ropui tumna mihring hian a neih tlat tak le? Engvang nge chapona mihring hian a neih tlat a, chapona chu inrintawknan a hman a nih tak daih mai chu le?

Heng zawng zawng chhang tur chuan setana bumna hi hriatthiam a ngai khawp a sin. Hebrew leh Greek bu keu kher pawh ngai lemloin Setana thil tum chu  a hriat thei mai ka ring.

A thupui ah khi khi ka rawn hmanna chhan kher pawh a Setana rem hriatna hi kei chuan ka sawi thiam lo a, a finna hi ka man pha heklo a, a kaihza erawh man ruai a ka inhriat avangin(Pathian anpui a siam ka ni) thupuiah ka rawn thlang ve ta chawt a ni(Lucifer chu hming dik tak nilo mahse a awlsam nan hmang tawp phawt ila).

Lucifer Pathian rilru hria a chu: Pathian engkim siamtu chuan  Setana a siam a. Setana chu ropuina danglam, Pathianin finna a  a thuam a ni. Setana  chuan Pathian rilru hi a hre chiang em em a, a thilsiam, a hmangaihte bul ah chuan tlawm berhniam ber, hnuai ber leh sen ber a nih na chu a hre ru kiau a.

 Setana erawh lunghlu tin reng Sardion, topaz, diamond, berul, onuks, jaspi, sapphir, smarakdin, karbankul leh rangkachak a thuam a ni a(Ezek 28:13). Chubak ah Cherub hriakthih a ni a,Isua pawh kha hriakthih a ni.Hriakthih bik chu Pathianin nihna sang leh ropuiin a din thin a, Lal Saula leh Davida pawh kha an hunlai chuan ropui tak, ruangam ah pawh duhthusam a tha an nih kha maw.

Chu Setana chuan a nihna chu rawn hmang chhuakin a fin ver vekna chuan amaha mawina awm chu a ringhlel ve leh tlat thung  a. Pathian inphahhnuaina chu hre ran a chance zawng ruin Pathian Lalthutphah chu hnehchhuh a, Pathian ang maia a, thilsiam zawng zawng chu  a hnuai a kun tir a tum ta a ni. Mahse van atanga paihthlak alo ni ta a ni.

Thupuiah:Hemi chung chang ah hian zawhna inthup alo awm ta a, engvang nge Setana khan Pathian vantirhkoh a bum thluk thei ni ang le?? Ele, amah ang a siam hi a manifesto chu a ni a, ropui leh nalh, chungnunna leh thuneihna chu a thlemthlukte hnen a a intiamna alo ni ta a, Isua thlalerah  thlema a awm  pawh khan  a manifesto chu a rawn phawrh zuai a. Eden huana mihring a bumna manifesto pawh kha "Pathian ang(image)" bawk hi a ni a thupui vawrvir chu. A manifesto bulpui ber chu Pathian ang a awmho, intluktlang taka awm ho te a nih.

Anih leh Setana'n a manifesto chu a bumthluk vantirhkohte chung ah tih hlawhtlin a ni em? Intluktlang leh angkhatin an leng chiah em maw chu le. Nilo! An thinlung chu chapona, itsikna leh duhamna, sual lam hlir hawina ah alo chang ta zawk a. Setana dawt phuahchawp ah chuan anni chu  fa niin ani chu Pa alo ni ta a ni.

Eden huan a Adam leh Evi a thlemna pawh Thei ei thianglo an ei chuan “Pathian ang inlo ni dah ang e” tih hi a ni a,dawt a ni. Mihring chu Pathian anpui a siam na chung kha Pathian ang/anpui tih vekin a thlem nawn sak a nih chu. An ei avang khan Pathian anpuiin an awm ta reng reng lo bawk a, mihring chu Pathian anpui a siam ni sa reng kha Pathian ang  a awm chakna a siam a, Chapona in an khat ta zawk a ni.

Chu chuan Pathian anpui a siam ni reng thin thinlung thianghlim tak kha Chapona a lehthawk alo ni ta a, an taksa aiin an rilru a convince hmasa zawk a nih chu. Pathian atanga siam thinlung thianghlim tak chu  chapona hlirin alo khat ta a, mihring chuan Pathian atanga a chhawm chu hlauh ta vekin mihringin thei a ei khan  Rul(Setana) fa, Rul thlah chu an lo ni ta chiah a, mihring rilru reng reng chu an Pa Setana  nen alo inang ta chiah zel a ni.

Chutichuan a chunglam a sawi tak zawng zawng kha chapona vang alo ni ta a, DAWT  hi a hmanrua a ni..Nilo pui ni ang a lan te, mahni chauh tha intihna te, midang chu chhe tur leh chaklo tur a duh tlatna te hi Pathian atang a chhawm nilo, Setana  hnen atang a dawn a ni a, a hmanrua chu Pathian ang tur a min thlemna a ni a, a thiltum tak erawh chapona thinlung min tuh a,dawt min barh hmasa a nih chu.

A sei lutuk dawn ,heti chin ah hian rek bung phawt ila, Setana manifestation chu Pathian kan anna chu amah anna ah hmangin a hmatheh ah Pathian ang tih hi a hmang ve ta a ni.


A helna pawh Pathian an a duh vang a ni a, mihring a bumthlukna dan pawh Pathian an tir a tum a, vantirhkoh a hneh dan pawh Pathian ang a awm a, pluralism(in ang tlan vekna) hi a nih a rinawm em em a nih chu.