Hmangaihna avanga ka tah hian Lalpa ka ngai zual thin che..

Khua chu a duai hle mai. Thlasik khaw vawt tak mai chuan  chhun pachang ah pawh a dam lai deuh chu a hmet hik tha em em hle a. Kan veng lah chu a reh em em a; kawta ka nu buh thap ri leh veng thlang ui bauh thawm chiah chu hriat tur awm chhun nita in ka hria. Lengzem hla  lungrun zet mai nen a ka awmhar lunglen em em lai chuan, hun liam ta a thilthleng te chu ka ngaihtuah kir ta a. Duhin chhuikir loh chak hle mah ila min tham tlat ni ber hian ka hria! Ka chhui kir chuan ka tap leh ngei dawn tih ka hre si a. Ni e, tahloh hram dan zawngin ka blog ngei mai chu ka hawng a, ka lunglen  thu chu tihian ka ziak chiam ta a ni.

kum a lo liam a. Naupan zual lai te chuan min kalsan ve ta maw tih ve leh tleirawl hmuh taihin a rawn zui thin an tih kha ka hria. Mahse mi danglam ka nih vang nge pawh ka hre lo; ngaihzawng reng reng ka ngaihtuah ngailo a. Pawl 12 ka chuan kai thleng khan ngaihzawng reng reng ka ngaihtuah lo tih hi tun hnu hian ka hre ve chauh! ka rilru alo thianghlim zia mawlh kha ka ti thin. Unau zingah hmeichhe awmlo na chu mipa awmkhawm ho zingah pawh kan suangtuahna leh kan ti ti ram pawh a dang zar mai a. An rinrawl ber nih phei chuan hmeichhe ngaituah hi hun awl ah lo chuan hman a ni silo. Chuloh ah pawh hmeichhe neilo, be ngai heklo chu hmeichhe zinga tlaktlum a har khawp mai! A chang leh mi hlauh kan ni a, a chang leh induh tih ka hlawh fo thin! Mahse chung zawng zawng chu zeiloh vang ni pahfawmin tihngailoh a nihna hian rorelna chu nise a buk a rit zawk ka ring tlat! Ka zahpui lo e, ka la tawnglo miau hek a lawm le..hehe

Khatia hmeichhe puanhmawr fem pawh la tawk lo, tlangval hnahkhat, tisa leh thlarau lama la pawlhdal ve reng rengloh, thianghlimna in ala bawm khah chuk mai chu tleirawl pakhat ngai a alo rum ta  pawh hi a mak ka ti lem lo. Hmeichhe tam tak zingah a hnehtu ber a ni ta a niang nge! A vanneih zia te hi tun thleng hian ka ngaihtuah let fo thin. Amah kha ka bul ah hian la awm se, ka kiang ngeiah hian ka  awm ah beiin he thu hi hrilh ka va chak teh lul em;

“Thinlung thianghlim leh tumah la hmangihlohna in a ka hmangaih em em lai che khan engtin nge minlo suangtuah ve erawh ka hre hauhlo! Achang chuan keimah ang a thikthu chhe ve tak i ni ngei ang a. Achang chuan ilo thinrim ve vak thin ka ring. Mahse nang leh kei chu inang tur chuan ka ngai leh hauh silo! Keichuan nang ai hian ka hmangaih ngawih ngawih chein ka inhria a sin. Hmangaihna thianghlimin ka hmangaih che a.Dikna leh rinawmna in ka hmangaih vawng vawng che a. Ka chhal hial ngam; ka hmangaihna che hriatpui tur chuan Pathian pawh hi ka pun ngam a sin! I tan hlimna nih ka chak a, min tihlim tu i ni bawk a. Ka nupui ngei mai han ni la ka va tih teh lul em!

Mahse khatia hun alo liam khan,thinlunga uire ngailo chu na taka kalsan a nih khan, chu mipa hmangaihn a chu a na em em a. Tawp thei hian ka ringlo!! Vawi khatna atan hmangaihna ka tem a, kumkhua a dai tawhlo turin natna min pe si a. Ka na em em a, a dam thei hian ka ring  ngai tawh lo. Hmeichhe a tak chuan hmangaihtu rilru dik tak hi hria se inchhirnan khua ava sei dawn em! Engtiang pawh a pawmtu thinlung chu pathian a nih chuahloh chuan ka hre thiam bik silo a. Ka kuah bet tlat che a!

“Nangmah hmangaihtu chu kalsan suh,kir leh ngai tawhlo turin a bo hlauh dah ang e“

Engtia na in nge ka awm a, engtiang a na in nge hmangaihna hi chhan let a tum ka hre tlat silo! Engtiang chen nge min fiah dawn hi ka hre heklo a. A na em em a ni tih hi mang hriat ruai ruai chuan ka hre ta. I kiangah ka awm a, ka rilru nat zia te hi hria la, ka hmangaih , min diriamtu ka ngaihdam mai hi i ring em ni? Ka dam nghal mai hi i ring em ni. Ka hmangaih chu nilo la ka ngaizam thiam ang mawle. Mahse a rukin i kiangah hian ka na em em a. I hmel ka hmuh hian ka ta i nilo tawh lo tih ka hre si a. Ka thinlung natna hi hria la, ka rinawmna i tih nat zia te kha hria la. Ka a zo ta chu a nih hi!  Hetiang hi hmangaihna a ni ngai a nih chuan maw;  rilru kimlo khan lo piang mai ila tha tur a nia! Hmangaih nen a tawrh dun chu a hlimawm a, hmangaihin min tawrh tir erawh chuan tahna mai a ni.

Ka lalpa Isua tuarna kha ava hlu em! Hmangaih te damnan a tuar tang tang a. Theih chu nise tah ve hawm hawm kha a duh ngei ang le. Theih chu nise biahthu hlan kha a chak ve ngei ang le. Mahse thiamthu sawilo,a nui hmel phena thinlung rum leh na em em kha a ni hmangaihna dik tak mai chu; a dik a ni tih hre reng mahse a tuar lui ngam a.A tawng hauh si lo. Phuba reng lak a tum lova,thiamthu reng sawi a tum heklo!

O…vawikhat tal chu lo piang nawn leh se,a kiangah chhun ni leh zan han awmpui a.Tah dun hawm hawm ka van chak em!!!

Lalpa, ka kalsan hun che pawn min kalsan suh aw. Diriam leh nghaisakin awm mah ila min kalsan suh. He leiah hian riangin khawhar hle thin mah ila, ka hmangaihin min kalsan mahse min kalsan  ve hauh suh. Leiah hian nanglo chu ka nei lo, hmangaihtu tak tak pawh neiloin ka liam dawn hi. Ka ngai em mai che. Ka sualna te min ngaidam rawh aw, min ngaidam mawlh rawh. I hmangaih hian ka lo ti na che a nih chuan ka natna let khan i na ve ang tih ka ring a sin, min ngaidam ang che.