Mihringin permanent spirit a neilo...

A hmasa berin chrismas leh kumthar chibai vek ule! Tun chrismas zet chu in hmang nuam hlawm tak maw?  Chrismas lunglen nei ve lo tan chuan a ngaiah su leh tlau tlau mai ang hmiang. Ka post hrang hrangah  duhthusam lo lai te ka han bihkual den den hnuah thupui vun tha tak mai rawn zeh chhuah hi ka duh tlat; a him chin ah ka ngai tlat mai bawk a, ka rawn hung chhuak leh chawt mai a ni e.

MIHRING  HI TUNGE?
Gen 2:7 ah chuan Pathianin a anpuiin mihring a siam thu kan hmu a.Hebrai ah chuan ANPUI hi  basa - lem tih  niin, English ah chuan phantom / image  tih a ni. Pathian chu thlarau a ni a,a anpui mihring pawh chuan thlarau (phantom) a nih ve a ngai ta bawk a; chutichuan mihring chuan Pathian a anna lai chu Phantom (thlarau) ah chiah a ni. Taksa (nephesh) hi chu a nilo phawt !

Gen 3:19 ah “vaivut i ni a, vaivut ah i kir leh tur a ni”  tiin mihring (Adama) chu a hrilh a. Thuhriltu 12:7 ah chuan “vaivut chu a awm angin lei ah a kir leh a,thlarau chu a petu pathian hnenah a kir leh a ni” a ni leh bawk.

Mihring hi vaivut mai a ni tih a hriat theih ta a;thlarau hi chu  mihring thlarau a nilo a. Kan thlarau pawh a  ni hek lo !!!!

MIHRINGA THLARAU?

Gen 2:7 ah chuan  mihring ah chuan nunna thaw a thaw lut a tih a ni; Chu thaw chu tinung tu pawh a tih theih ta a (Gen 6:17). Chuti chuan taksa  chu thlarau telloin thi alo ni ta a nih chu (Jakoba 2:26).Taksa chhungah chuan rilru  a awm  a, mihring chu a thih chuan a thlarauin a chhuahsan a, a ngaihtuahna pawn alo bo ve nghal bawk thin (1Korinth 2:11,Sam 146:4).Chutichuan mihring ngaihtuahna te chu thlarau vang vek chu alo ni ta a; thlarau tello chuan ngaihtuahna,suangtuahna leh taksa peng te chuan hna reng an thawk theilo thin a ni ;chiang ta em em chu  thlarau tawng bul chu force, vitality, energy hi a ni. Chu thaw (thlarau)  chu  Pathian thlarau  a ni (Joba 32:8)!!  Life giving energy a ni zawk avangin Mihringte bawhchhiatnaah hian  a tel ve reng reng lo a, bawhchhe thei pawh a ni hek lo a ! Bawhchhetu zawk chu soul, chu chu mihring zawk hi, thlarau nen a kan ngaihpawh avangin hei hi chinfel chu a har teh e.

He thlarau hi mihringah a awm tlat avangin mihring chu ramsa aiin chungnung nihna alo neih phah ta bawk.

TLIPNA

Zirtirna  mawlmang takah chuan  mihring chuan thlarau neiin thlarau bawhchhe ve thei neih tir hi thil pawi tawp a ni a; taksa  tihsual  tinrengin  mihring thlarau a tihbuai phak rinna hi zirtirna bawlhhlawh a ni! Hei mai  nilo mihringte  bawhchhiatna chu  mihring thlarau bawhchhiatna a puh hi zirtirna kalh a ni bawh a, Pathian bawhchhiatna a puh nen thuhmun reng a  ni!

Mihringah hian thlarau chu a awm ngei a; chu chu mihring thlarau tih a sawi mai thin pawh a ni. Mahse a nihna takah chuan Pathian thlarau zawk a ni a;mihring hian a hranin thlarau a nei hrang lo a,Pathian thlarau hawh zawk a ni !! Zirtirna him ber chu piangtharlo  chuan thlarau a neilo tih hi thu tak leh  him chu a ni .